Números 25:5 - Q'eqchi Bible

⁵ Laj Moisés kixye reheb' li neke'raqok aatin: “Kamsihomaqeb' chejunjunqal sa' leeteepal jo'k'ihaleb' li xe'loq'onink ru laj Bahal-Pehor”, chan.

Li Santil hu

⁵ Joꞌcan nak laj Moisés quixye reheb li nequeꞌrakoc a̱tin: —La̱ex te̱chꞌutubeb chixjunileb saꞌ le̱ te̱pal li queꞌxlokꞌoni li yi̱banbil dios Baal-peor ut te̱camsiheb, chan.

Números 25:5 ပူးပေါင်းရင်းမြစ်များ

1 Reyes 18:40

Toja' naq laj Elías kixye reheb': “Chapomaqeb' li xpropeet laj Bahal, ut maajun reheb' chi'eleliq”. Ke'chapmank, ut laj Elías kixk'ameb' sa' li nima' Kisón ut aran kixkamsiheb' chi ch'iich'.

Éxodo 18:21

Ab'an sik'eb' ru li winq seeb'eb' xch'ool sa' xyanq li tenamit, li neke'xxiwa ru li Yos, tiikeb' xch'ool ut aj tz'eqtaanahom re tuminaak, ut k'eheb' xwankil sa' xb'een li tenamit: wan te'xjolomi lajeetqk'aal rox o'q'ob' (1,000), wan o'taqk'aal (100), wan lajeetq roxk'aal (50) ut wan chik lajeetq.

Deuteronomio 13:15

tento naq laa'at taakamsiheb' chi q'esnal ch'iich' jo'k'ihaleb' wankeb' sa' li tenamit a'an, taasach ruheb' li poyanam chi junajwa rochb'een chixjunil li k'a'aq re ru wank chisa'.

Deuteronomio 13:13

wankeb' winq li ink'a' useb' xch'ool, yo'lajenaqeb' sa' eeyanq li xe'xb'alaq'i li rech tenamitul rik'in xyeeb'al: «Qaloq'oniiq ruheb' li jalanil yos», li ink'a' eenawom ru laa'ex,

Deuteronomio 13:9

taateneb' b'an li kamk sa' xb'een: laa'at li xb'enwa taanaq aawuq' sa' xb'een re xkamsinkil, chirix a'an taanaq li ruq'eb' chixjunil li tenamit.

Deuteronomio 13:6

“Wi laawas aawiitz'in, li ralal laana' laayuwa', laawalal malaj ut laarab'in, laaraarookil ixaqil malaj ut laawamiiw li chanchan tz'aqal aawaanm, taaraj aab'alaq'inkil chi muqmu rik'in xyeeb'al aawe: «Yo'o, qaloq'oniiq ruheb' li jalanil yos», cha'aq, li ink'a' nakanaw ru laa'at chi moko eb' laana' ut laayuwa' xnawomeb' ru,

Éxodo 22:20

“Li taamayejaq chiruheb' li jalanil yos, taaq'axtesiiq sa' ruq' li xb'alb'a.

Números 25:3

Chi jo'kan eb' laj Israel ke'xq'axtesi rib' chi xloq'oninkil laj Bahal-Pehor, ut q'axal kijosq'o'k li Qaawa' rik'ineb'.

Josué 22:17

Ma ink'a' tab'i' tz'aqal li maak xeb'aanu naq xmaakob'k laj Pehor? Jun nimla rahilal xchalk sa' qab'een laa'o li xkomonil li Qaawa', ut toj wank ajwi' li maak a'an sa' qab'een.