Números 25:3 - Q'eqchi Bible

³ Chi jo'kan eb' laj Israel ke'xq'axtesi rib' chi xloq'oninkil laj Bahal-Pehor, ut q'axal kijosq'o'k li Qaawa' rik'ineb'.

Li Santil hu

³ Joꞌcan nak eb laj Israel queꞌoc chixlokꞌoninquil li yi̱banbil dios Baal-peor. Ut cꞌajoꞌ nak quichal xjoskꞌil li Ka̱cuaꞌ saꞌ xbe̱neb laj Israel.

Números 25:3 ပူးပေါင်းရင်းမြစ်များ

Oseas 9:10

Jo'ka'in xye li Qaawa': “Naq kintaw laj Israel, kisaho'k linch'ool jo' naq natawmank li uub' sa' li chaqich'och'. Kisaho'k linch'ool rik'ineb' leena' leeyuwa' jo' naq natawmank li xb'een ru li ki'il q'een. Ab'an naq ke'wulak aran Bahal-Pehor, ke'xq'axtesi rib' reheb' li yal k'oxlanb'il yos, ut q'axal tz'eqtaananb'ileb' chik ke'kanaak jo'eb' li pek che' raarookeb' xb'aaneb'.

Josué 22:17

Ma ink'a' tab'i' tz'aqal li maak xeb'aanu naq xmaakob'k laj Pehor? Jun nimla rahilal xchalk sa' qab'een laa'o li xkomonil li Qaawa', ut toj wank ajwi' li maak a'an sa' qab'een.

Jeremías 17:4

Tento taakanab' li ch'och' ink'ehom aawe cho'q aaweechanihom, ut tatink'e chi xmuniheb' li xik' neke'ilok aawe sa' jun tenamit ink'a' nakanaw ru, xb'aan naq xachiq' injosq'il jo' jun li xam lochlo chi junelik”.

Salmos 90:11

Ani tawi' nanawok xkawilal laajosq'il re naq taaxiwaq chiru xnimal laak'a?

Jueces 2:20

Jo'kan naq kichalk xjosq'il li Qaawa' sa' xb'een li tenamit Israel, ut kixye: “Li tenamit a'in ke'xq'et li sumwank kink'ojob' rik'ineb' li xna' xyuwa'eb'. Ink'a' ke'rab'i xyaab' linkux.

Jueces 2:14

Jo'kan naq li Qaawa' kichalk xjosq'il sa' xb'eeneb' laj Israel. Kixq'axtesiheb' sa' ruq'eb' laj elq' li ke'maq'ok chixjunil li k'aru wank reheb', kixk'ayeb' sa' ruq'eb' li xik' neke'ilok reheb', li wankeb' chi nach', ut ink'a' chik ke'xkuy xkolb'aleb' rib' chiruheb'.

Números 25:5

Laj Moisés kixye reheb' li neke'raqok aatin: “Kamsihomaqeb' chejunjunqal sa' leeteepal jo'k'ihaleb' li xe'loq'onink ru laj Bahal-Pehor”, chan.

Números 31:16

Xmaakeb' a'an naq eb' laj Israel ke'xq'etq'eti rib' chiru li Qaawa'. A'aneb' tz'aqal li ke'takchi'ink reheb' re te'xloq'oni ru laj Bahal-Pehor; jo'kan naq li Qaawa' kixrahob'tesi li xtenamit rik'in raxkamk.

Jueces 2:11

Eb' laj Israel ke'xb'aanu li k'aru ink'a' nawulak chiru li Qaawa': ke'ok chi xloq'oninkileb' laj Bahal.

Jueces 2:13

ke'xkanab' li Qaawa' ut ke'xloq'oni ru laj Bahal jo'wi' lix Astarté.

Oseas 4:14

Ab'an laa'in ink'a' tinrahob'tesiheb' leerab'in xb'aan li yumb'eetak chi moko leeralib' xb'aan xmuxb'al li xsumlajikeb', xb'aan naq laa'ex ajwi' nekexxik chi maakob'k rik'ineb' laj yumb'eet, ut nekexmayejak eerochb'eeneb' li ixq li neke'yumb'eetak sa'eb' leetijob'aal; ut lintenamit li maak'a' xna'leb'eb' yookeb' chi sachk.