Números 25:1 - Q'eqchi Bible

¹ Naq eb' laj Israel ke'na'ajunk aran Sitín, eb' li winq ke'ok chi ko'b'eetak rik'ineb' li ixq aj Mohab.

Li Santil hu

¹ Eb laj Israel queꞌcana chi cua̱nc aran Sitim. Nak cuanqueb aran eb li cui̱nk queꞌxtiquib ma̱cobc riqꞌuineb li ixk aj Moab.

Números 25:1 ပူးပေါင်းရင်းမြစ်များ

1 Corintios 10:8

Mooko'b'eetak jo' ke'xb'aanu eb' a'an, ut ke'kamk oxib' xka'k'aal mil chiru jun kutan.

Josué 2:1

Laj Josué, ralal laj Nun, toj Sitín kixtaqla chaq chi muqmu wiib' laj k'ehol eetal, ut kixye reheb': “Ayuqex ut k'ehomaq reetal li na'ajej ut li tenamit Jerikó”, chan. Eb' a'an koheb' ut koxe'okaq sa' rochoch jun aj yumb'eet, xRajab xk'ab'a', ut aran ke'wark.

Números 33:49

Ke'xk'ojob' li xmuheb'aaleb' chire li nima' Jordán, sa' xyanq Bet-Yesimot ut Abel-Sitín, sa' xtaq'ahil Mohab.

Apocalipsis 2:14

Ab'anan wank k'aru tatinq'us wi': wank wankeb' aawik'in li neke'xpaab' li xk'utum laj Balaham. A'an kik'utuk chiru laj Balak xq'unb'esinkileb' chi maakob'k eb' li ralal xk'ajol laj Israel re naq te'xtzeka li tib' mayejanb'il chiru li xyoseb' ut te'xmux rib'eb'.

Miqueas 6:5

At intenamit, jultikaq aawe anaqwan k'aru kixk'uub' laj Balak, li awab'ej re Mohab, ut li xsumenkil xb'aan laj Balaham, ralal laj Pehor. Jultikaq aawe naq katnume'k chaq Sitín toj Kilkal, ut k'e reetal li xtiikilal xch'ool li Qaawa'”.

Josué 3:1

Laj Josué kiwakliik eq'la ut, rochb'een chixjunileb' laj Israel, ke'elk Sitín ut ke'wulak wan wi' li nima' Jordán. Ab'anan ink'a' ke'nume'k junpak'al; toj ke'kanaak chi hilank aran.

Eclesiastés 7:26

Xink'e ajwi' reetal naq li ixq ink'a' us xna'leb' naab'al chik li rahilal naxk'am chaq chiru li kamk. Li ixq a'an chanchan jun ra'al, naxyal xq'e chi q'unb'esink rik'in li xch'ool ut eb' li xtel. Wi laa'at nakapaab' li Yos, taakol aawib' chiru li ixq a'an; ab'an wi ink'a' nakapaab' li Yos, tatt'ane'q sa' li xra'al.

Éxodo 34:15

“Maak'e aawib' sa' sumwank rik'ineb' li wankeb' sa' li na'ajej a'an: mare anchal, naq te'xmux rib' chi xloq'oninkil li xyoseb' ut chi mayejak chiruheb', tate'xb'oq ut laa'at taatzeka li xmayejeb'.

Números 25:17

“Ayuqex chi yalok rik'ineb' laj Madián ut sachomaqeb' ru,

Números 31:2

“K'eheb' laj Israel chi reeqajunkil li rahilal ke'xb'aanu eb' laj Madián. Chirix chik a'an tatq'ajq tatsutq'iiq, ut toxaajunaji aawib' rik'ineb' laaxe'toonil yuwa'”, chan.

Deuteronomio 3:29

“Ut kookanaak chiru li taq'a, chi xjayal li na'ajej Bet-Pehor.

Deuteronomio 4:3

Laa'ex xeril tz'aqal rik'in leeru li k'aru xb'aanu li Qaawa' rik'in laj Bahal-Pehor, jo'ch'inal jo'nimal xe'xk'ul chixjunileb' li xe'taaqenk re a'an: li Qaawa' leeYos xsacheb' ru chixjunileb', ut maak'a'eb' chik anaqwan sa' eeyanq.

Deuteronomio 32:38

eb' li neke'tzekank re li xxeeb'ul li xmayejeb' ut neke'uk'uk re li b'iin yeechi'inb'il reheb'? Che'wakliiq chaq ut xtenq'aaqex; a'anaqeb' laj kolol eere!

Josué 22:17

Ma ink'a' tab'i' tz'aqal li maak xeb'aanu naq xmaakob'k laj Pehor? Jun nimla rahilal xchalk sa' qab'een laa'o li xkomonil li Qaawa', ut toj wank ajwi' li maak a'an sa' qab'een.

Jeremías 40:11

Jo'kaneb' ajwi' eb' laj Judiiy li wankeb' chaq Mohab, Amón, Edom ut sa'atqeb' chixjunil li tenamit ke'xnaw naq li awab'ej re Babilonia kixkanab'eb' laj Judiiy chi wank sa' li xna'ajeb'; ke'xnaw ajwi' naq laj Kedalías kixaqab'aak chi xjolominkileb'.

Ezequiel 20:21

«A'ut eb' li ralal xk'ajoleb' ke'xq'etq'eti rib' chiwu ut ink'a' ke'xpaab' linchaq'rab'; ke'xq'et ut ke'xtz'eqtaana li waatin li nak'ehok xyu'am li ani napaab'ank re, ut ke'xsach xwankil li hilob'aal kutan. Toja' naq kink'oxla risinkil linjosq'il sa' xb'eeneb' ut xrahob'tesinkileb' sa' li chaqich'och' xb'aan xmay linch'ool.

Oseas 9:10

Jo'ka'in xye li Qaawa': “Naq kintaw laj Israel, kisaho'k linch'ool jo' naq natawmank li uub' sa' li chaqich'och'. Kisaho'k linch'ool rik'ineb' leena' leeyuwa' jo' naq natawmank li xb'een ru li ki'il q'een. Ab'an naq ke'wulak aran Bahal-Pehor, ke'xq'axtesi rib' reheb' li yal k'oxlanb'il yos, ut q'axal tz'eqtaananb'ileb' chik ke'kanaak jo'eb' li pek che' raarookeb' xb'aaneb'.

Éxodo 22:19

“Chixjunil li taamaakob'q rik'in xul, kamsinb'ilaq.

Números 7:15

jun saaj wakax, jun chib'aat, jun karneer aj junq chihab', cho'q re li k'atb'il mayej;

2 Reyes 23:7

Kixjuk'eb' li na'ajej re ko'b'eetak yumb'eetak li wankeb' sa' rochoch li Qaawa', b'arwi' eb' li ixq neke'xkem raq' lix Aserá.

Salmos 106:28

Chi junpaat ke'xk'e rib' rub'el xwankil laj Bahal-Pehor ut ke'xtzeka li k'aru mayejanb'il chiruheb' li kamenaqil yos.