Números 24:7 - Q'eqchi Bible

⁷ Wanq tz'aqal li xha'eb'; tz'aqalaq re te'ruk' ut te'xt'aqresi li rawimqeb'. Li awab'ej re Israel taa'awab'ejinq sa' xb'een laj Agag, ut nimaq xwankil li x'awab'ejihom.

Li Santil hu

⁷ Cua̱nk tzꞌakal lix haꞌeb. Tzꞌakalak lix haꞌeb re teꞌrucꞌ ut re teꞌxtꞌakresi li racui̱mkeb. Ut nima̱k xcuanquil lix reyeb chiru lix cuanquil li rey Agag. Qꞌuebilak xlokꞌal lix cuanquil.

Números 24:7 ပူးပေါင်းရင်းမြစ်များ

1 Crónicas 14:2

Toja' naq laj David kixtaw ru naq li Qaawa', a'an li kik'ojob'ank re cho'q awab'ej re Israel ut kixnimob'resi xwankil li x'awab'ejihom sa' xk'ab'a' Israel li xtenamit.

2 Samuel 5:12

Toja' naq laj David kixtaw ru naq li Qaawa', a'an li kik'ojob'ank re cho'q awab'ej re Israel ut kixnimob'resi xwankil li x'awab'ejihom sa' xk'ab'a' Israel li xtenamit.

Apocalipsis 17:1

Toja' naq kichalk jun reheb' li wuqub' chi ánjel li wankeb' li wuqub' chi sek' rik'in, ut ki'aatinak wik'in: “Kim -chan we-, ink'utaq chawu li tojb'amaak teneb'anb'il sa' xb'een li xnimal ru aj yumb'eet li k'ojk'o sa' xb'eeneb' li k'iila ha'.

Jeremías 51:13

At Babilonia li wankat chire xninqal nima' ut k'ajo' laab'ihomal, ak xwulak xkutankil laasachik; maajoq'e chik tat-elq'aq.

Apocalipsis 19:16

Chiru li raq' ut chiru li ra' tz'iib'anb'il jun li k'ab'a'ej: “Awab'ej sa' xb'eeneb' li awab'ej ut Qaawa' sa' xb'eeneb' li qaawa'”.

Apocalipsis 17:15

Moqon li ánjel kixye we: “Eb' li ha' xawil b'ar k'ojk'o wi' laj yumb'eet, a'an tenamiteb', xmolameb' li winq, k'iila teep ut k'iila aatinob'aal.

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

San Juan 1:49

Kichaq'ok laj Natanael: —At Tzolonel, laa'at li Ralal li Yos, laa'at li xReyeb' laj Israel, chan re.

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

Isaías 48:1

“Ab'ihomaq a'in, ex ralal xk'ajol laj Jakob, li nekek'ab'a'in ajwi' Israel, laa'ex li xexyo'laak sa' riyajil laj Judá. Nekeye eejurament sa' xk'ab'a' li Qaawa' ut nekepatz' xk'ab'a' li xYos laj Israel, ab'an ink'a' nekeb'aanu sa' xyaalal chi moko rik'in xtiikilal eech'ool.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Isaías 2:2

Chiruheb' li kutan chaalel li tzuul wan wi' li rochoch li Qaawa' taawakliiq chi nimaq xwankil sa' xb'eeneb' chixjunileb' li b'ool, ut q'axal nimaq xteram chiruheb' chixjunil li tzuul. Chixjunileb' li tenamit te'chalq aran;

Salmos 68:26

Chi uub'ej neke'xik laj b'ichanel, chi ixb'ej wankeb' li neke'wajb'ak; sa' yiib'ej neke'b'eek eb' li tuq'ixq, chi wankeb' xtzojtzoj tun sa' ruq'eb'.

Salmos 18:43

Xinke'eb' jo' li pojtz' nak'ame'k xb'aan iq', chanchaneb' xseb'ul li b'e naq xeb'inyeq'i.

Esdras 4:20

Aran Jerusalén wanjenaqeb' awab'ej q'axal ninqeb' xwankil: ke'taqlank sa'eb' li na'ajej junpak'al li nima' Éwfrates ut ki'uxk li tojok chiruheb', li kub'siil ut li xtojb'al li b'e.

1 Reyes 4:21

Laj Salomón wank xwankil sa' xb'een chixjunileb' li awab'ejihom, chalen chaq chire li nima' Éwfrates toj sa' xtenamiteb' laj Filistea ut toj chi xnub'ajlil Ejiipt. Chixjunileb' a'an neke'xk'e xtoj ut neke'k'anjelak chiru laj Salomón jo' najtil kiyo'yook.

Números 24:20

Chirix chik a'an laj Balaham kiril laj Amalek ut ki'aatinak jo' propeet; kixye: “Laj Amalek, a'an li xb'een tenamit; ab'anan taa'oso'q chi junajwa”, chan.

Salmos 89:27

A'an tixpatz' link'ab'a' chi jo'ka'in: «At inNa', at inYuwa', at inYos, at insaqoonak li ninkol wi' wib'!».

1 Reyes 5:1

Naq laj Jirán, awab'ej re Tiro, kirab'i resil naq laj Salomón kixaqab'aak cho'q awab'ej sa' xna'aj laj David li xyuwa', kixtaqlaheb' li xtaql rik'in, xb'aan naq laj Jirán q'axal ramiiw laj David naq kiwank chi junelik.

Ester 3:1

Chirix naq ak xk'ulmank a'in, laj Asuero li awab'ej kixtaqsi xwankil laj Amán, ralal laj Hamdatá, aj Agag, ut kixxaqab' cho'q xjolomil chixjunileb' li ninqeb' xwankil.

Salmos 72:11

Chixjunileb' li awab'ej che'xwiq'ib' rib' chiru a'an, ut chixjunileb' li tenamit che'k'anjelaq chiru.

Isaías 30:25

Sa' chixjunileb' li ninqi tzuul ut b'ool taawanq yu'amha' li ink'a' taachaqiq sa' xkutankil li nimla rahilal, naq te't'anje'q eb' li ochoch najteb' xteram.