Números 23:23 - Q'eqchi Bible

²³ Maak'a' na'ok wi' laj q'e rik'ineb' laj Jakob, chi moko laj tuul rik'ineb' laj Israel. Sa' xq'ehil taayeemanq reheb' laj Jakob ut laj Israel li k'aru naxb'aanu li Qaawa'.

Li Santil hu

²³ Ma̱ ani naru ta̱tu̱la̱nk reheb chi moco laj kꞌe ta̱ru̱k tixba̱nu ma̱usilal reheb. Anakcuan eb li tenamit teꞌxye “Qꞌuehomak retal chanru nak li Dios quirosobtesiheb laj Israel, li ralal xcꞌajol laj Jacob.”

Números 23:23 ပူးပေါင်းရင်းမြစ်များ

Josué 13:22

Kikamsiik ajwi' laj Balaham laj q'e, ralal laj Pehor, rik'in ch'iich' xb'aaneb' laj Israel, rochb'een naab'aleb' chik.

San Mateo 12:27

Wi ut laa'in sa' xk'ab'a' laj Beelsebul nawisiheb' laj tza, ani sa' aj k'ab'a' neke'isink maa'us aj musiq'ej leeralal eek'ajol? Jo'kan naq eb' a'an ajwi' te'raqoq aatin sa' eeb'een.

Salmos 64:9

xe't'ane'k xb'aan li raatineb', ut eb' li xe'ilok reheb' xe'xb'anb'ani li xjolomeb'.

Romanos 16:20

Chi jo'kan li Yos li nak'ehok tuqtuukil usilal tixyeq'i laj tza rub'el eeroq chi seeb'. Li rusilal li Qaawa' Jesukriist chiwanq taxaq eerik'in.

Números 24:1

Laj Balaham kixk'e reetal naq li Qaawa' nawulak chiru rosob'tesinkileb' laj Israel. Jo'kan naq ink'a' chik koho chi q'ehink jo' kixb'aanu ka' sut; tik ki'ilok b'an chik sa' xjayal li chaqich'och'.

Apocalipsis 12:9

Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

Hechos 10:38

yookin chi xyeeb'al chirix li Jesus aj Nazaret li kiyule'k xb'aan li Yos rik'in Santil Musiq'ej ut xwankil, ut kinume'k yalaq b'ar, yo chi rusilankil ut xk'irtasinkil jo'k'ihaleb' li wankeb' rub'el xwankil laj tza, xb'aan naq li Yos wank rik'in.

San Mateo 16:18

Ut laa'in ninye aawe: Laa'at aj Pedro ut sa' xb'een li pek a'in tink'ojob' linIklees, ut li xwankil li xb'alb'a ink'a' taanumtaaq sa' xb'een.

Miqueas 7:15

Chak'ut wi' chik li xninqal sachb'ach'oolej chiruheb', jo' naq koo'elk chaq sa' li tenamit Ejiipt.

Hechos 4:16

—K'aru taaqab'aanu reheb' li winq a'in? -chankeb'-. Ch'olch'o chiruheb' chixjunil laj Jerusalén naq eb' a'in xe'xb'aanu chi kutankil jun xnimal eetalil, ut laa'o ink'a' naru tqaye naq moko yaal ta.

San Mateo 12:25

A'ut li Jesus naxnaw li xk'a'uxeb', jo'kan naq kixye reheb': “Wi li x'awab'ejihom junaq nim xwankil jachjo chirib'il rib', taa'oso'q. Ut chixjunil li tenamit malaj junkab'al jachjo chirib'il rib', ink'a' truuq taakanaaq chi xaqxo.

Isaías 41:4

Ani xk'uub'ank ut xb'aanunk re a'in? A' li xk'ehok xyu'ameb' li poyanam chalen chaq junxil: laa'in, li Qaawa', li junaj chirib'il, li xtiklajik ut li xraqik.

Hechos 5:12

Eb' li apóstol neke'xb'aanu naab'al xninqal ru eetalil ut sachb'ach'oolej sa' li tenamit. Chixjunileb' wankeb' sa' junajil sa' li xnumleb'aal laj Salomón,

Salmos 31:19

Che'memo'q taxaq eb' laj tik'ti', eb' li neke'hob'ok re li tiik xch'ool rik'in q'etq'etil ut majewank.

Hechos 15:12

Ch'anaamil ke'kanaak li xk'ihaleb' li ch'utch'uukeb' aran, ut ke'rab'i laj Bernabé ut laj Pablo chi xseeraq'inkil li xninqal ru eetalil ut sachb'ach'oolej kilajxb'aanu li Yos rik'in ruq'eb' sa' xyanqeb' li maawa'eb' aj Judiiy.

Hechos 5:14

Rajlal yo chi tamk li xk'ihaleb' li neke'paab'ank re li Qaawa', jo' winq jo' ixq:

San Juan 11:47

Toja' naq li Xb'eenileb' aj tij ut eb' laj Pariseey ke'xch'utub' rib' chi k'uub'ank ut ke'xye: —K'aru tqab'aanu? Xb'aan naq li winq a'in naab'al xninqal ru eetalil naxb'aanu.

Daniel 9:15

«At Qaawa', at qaYos, laa'at kak'ut li xnimal aawankil naq kawisiheb' chaq laatenamit aran Ejiipt. Sa' xk'ab'a' a'an q'axal nawno aawu chalen toj anaqwan, ab'an laa'o xoomaakob'k ut xqab'aanu li ink'a' us.

Génesis 3:15

Tink'e naq xik' teeril eerib' laa'at ut li ixq. Jo'kanaq ajwi' eb' laawal ut eb' li ralal xk'ajol li ixq: ut jun reheb' tixpitz' laajolom naq laa'at taakut aawib' chi rit roq”.

Ezequiel 21:21

Xb'aan naq li awab'ej re Babilonia xxaqliik sa' li xaalib'e ut yo xq'ehinkil b'ar taaxik: naxchiq'le li xsimaj, yo chi patz'ok reheb' li xyos ut rik'in xsaaseb' li xul li kixmayeja.

Deuteronomio 3:24

«At Qaawa', at inYos, laa'at xatikib' xk'utb'al chiru laj k'anjel chawu laanimal aawankilal ut li xkawilal laawuq'. Ani ta chik chi Yosil wank sa' choxa malaj sa' ruuchich'och' li taaruhanq xb'aanunkil xninqal b'aanuhom ut sachb'ach'oolej jo' nakab'aanu laa'at?

Isaías 44:25

Laa'in ninpo'ok ru li neke'xye eb' laj q'e, ut ninjuk' li esil neke'xye li neke'b'alaq'ink; ninsach xk'a'uxeb' li wankeb' xna'leb', ut memil nakanaak wi' li xnawomeb'.