Números 23:12 - Q'eqchi Bible

¹² Kichaq'ok laj Balaham ut kixye: “Ma ink'a' tab'i' tento tinye laa'in li aatin xk'e chi xtz'uumal we li Qaawa'?”, chan.

Li Santil hu

¹² Ut laj Balaam quixye re: —¿Ma incꞌaꞌ ta biꞌ xinye a̱cue nak la̱in tinye li cꞌaꞌru xye cue li Ka̱cuaꞌ?—

Números 23:12 ပူးပေါင်းရင်းမြစ်များ

Números 22:38

Kichaq'ok laj Balaham: “K'e reetal naq anaqwan xink'ulunk aawik'in. Ab'an ink'a' naru tin'aatinaq yal injunes. Ka'ajwi' li k'aru tixk'ut chiwu li Yos, naru tinye aawe”, chan.

Números 24:13

«Us ta laj Balak tixq'axtesi we li rochoch nujenaq chi plaat ut oor, ink'a' truuq tinq'etq'eti wib' chiru li xtaqlahom li Qaawa'. Maak'a' tinb'aanu injunes, us ta chaab'il, us ta ink'a'. Li k'aru tixye we li Qaawa' a'an li tinye», chankin chaq reheb'.

Números 23:26

Kichaq'ok laj Balaham ut kixye: “Ma ink'a' tab'i' xinye aawe naq tinb'aanu chixjunil li tixye we li Qaawa'?”, chan.

Números 23:20

K'e reetal, xinxb'oq chaq chi osob'tesink: jo'kan naq tin'osob'tesinq, ut ink'a' tinch'ina linch'ool.

Tito 1:16

Neke'xye naq neke'xnaw ru li Yos, ut rik'in li xb'aanuhomeb' neke'xk'ut naq ink'a'; tz'i'b'eetaleb' ru, aj q'etol aatineb', ut maak'a' junaq chaab'il k'anjel truuq te'xb'aanu.

Romanos 16:18

xb'aan naq eb' a'an ink'a' neke'xk'anjela ru li Kriist li Qaawa', a' chik li xsa'eb' neke'xk'anjela ru, ut rik'in chaab'il q'unil aatin neke'xb'alaq'i li q'uneb' xch'ool sa' xpaab'aaleb'.

Proverbios 26:25

Maapaab' naq tatraatina sa' q'unil aatin, xb'aan naq k'ajo' li maa'usilal wank sa' xch'ool.

Números 22:20

Chiru li q'oqyink kichalk li Qaawa' rik'in laj Balaham ut kixye re: “Wi eb' li winq a'in xe'chalk chab'oqb'al, xaqlin ut ayu chirixeb'. Ab'an maak'a' taab'aanu; ka'ajwi' li aatin tinye aawe taapaab'”, chan.

Éxodo 4:15

Taawaatina ut taak'e li aatin sa' re. Laa'in wanqin sa' laawe ut sa' li re, ut tink'ut cheru li tento teeb'aanu.

Números 23:13

Ab'an laj Balak kixye: “Kim sa' jalan chik na'ajej wochb'een, re taawileb' chaq laj Israel toj aran. Yal kach'in ajwi' taawileb', ink'a' chixjunileb'. Majewaheb' chaq toj aran”, chan.

Números 23:3

Chirix chik a'an laj Balaham kixye re laj Balak: “Kanaaqat chi xk'atqeb' laamayej. Xik we chi rilb'al ma taachalq li Qaawa' chi aatinak wik'in; ut li k'aru tixk'ut chiwu tulinye aawe”, chan. Koho laj Balaham sa' xb'een jun li joxk' tzuul