Números 23:1 - Q'eqchi Bible

¹ Toja' naq laj Balaham kixye re laj Balak: “Yiib' wuqub' chi artal arin ut kawresi chaq wuqub' saaj wakax ut wuqub'eb' li karneer”, chan.

Li Santil hu

¹ Quixye laj Balaam: —Takla xyi̱banquil cuukub li artal saꞌ li naꞌajej aꞌin. Ut cauresihomakeb cuukub li toro ut cuukub li te̱lom carner, chan.

Números 23:1 ပူးပေါင်းရင်းမြစ်များ

Números 23:29

Aran laj Balaham kixye re laj Balak: “Yiib' wuqub'aq artal arin, ut kawresiheb' wuqub' chi saaj wakax ut wuqub' karneer”, chan.

San Judas 1:11

Ra chaalel sa' xb'eeneb', xb'aan naq xkoheb' sa' xb'e laj Kaín. Xb'aan li tumin xe'xq'axtesi rib' sa' li kib'alaq'iik wi' laj Balaham, ut xe'oso'k sa' li xq'etb'a aatin laj Koré.

San Mateo 23:13

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.

Ezequiel 45:23

Chiru li wuqub' kutan naq yooq li ninq'e, tixmayeja re li Qaawa' junjunq li ral wakax ut junjunq ral chib'aat rajlal kutan, chixjunileb' a'in maak'a'aq reek'eb'. Wulaj wulaj tixmayeja ajwi' jun teelom chib'aat re kuyuk maak.

Ezequiel 33:31

Ut chi jo'kan lintenamit neke'chalk ut neke'k'ojlaak chawu, jo' k'aynaqeb' chi xb'aanunkil, re rab'inkil laawaatin. Ab'anan ink'a' neke'xyu'ami. «Ch'ina'us li aatin a'in!», chankeb', ab'an yal chi xtz'uumal reheb' neke'xk'ulub'a, xb'aan naq li xch'ooleb' naxik ka'ajwi' chirix li tumin.

Proverbios 15:8

Li Qaawa' xik' naril li xmayejeb' li ink'a' useb' xch'ool; ab'an naxk'ul chi anchal xch'ool li xtijeb' li chaab'ileb' xyu'am.

Li xHu LAJ JOB 42:8

Jo'kan utan chapomaq wuqub' chib'aat ut wuqub' karneer ut ayuqex rik'in laj Job laj k'anjel chiwu. Aran yeechi'ihomaq eb' li xul a'an cho'q k'atb'il mayej sa' eek'ab'a' laa'ex; ut laj Job laj k'anjel chiwu taatijoq cherix. Laa'in twab'i li xtij ut maak'a' tinb'aanu eere, us ta eek'ulub' xtojb'al rix leemaak xb'aan naq ink'a' xeye li yaal chiwix jo' xb'aanu laj Job”.

2 Crónicas 29:21

Ke'xk'am wuqub' chi saaj wakax, wuqub' ninqi karneer, wuqub' kok' karneer ut wuqub' teelom chib'aat, re xtz'aamankil li kuyuk maak chirix li x'awab'ejihom, chirix li xloq' laj muheb'aal li Yos ut chirixeb' laj Judá. Ut li awab'ej kixye reheb' laj tij, a'eb' li ralal xk'ajol laj Aharón, naq te'xmayeja sa' xb'een x'artal li Qaawa'.

1 Crónicas 15:26

Li Yos kixtenq'aheb' laj Leví li ke'iiqank re li xLoq'laj Kaaxil li xSumwank li Qaawa'; jo'kan naq kimayejamank wuqub' li saaj wakax ut wuqub' li karneer.

2 Reyes 18:22

Ut wi laa'ex nekeye we: «Laa'o kaw qach'ool rik'in li Qaawa' li qaYos», ma ink'a' tab'i' a' ajwi' laj Esekías kijuk'uk re chixjunileb' li tijob'aal ut eb' li artal, naq kixye reheb' laj Judá ut eb' laj Jerusalén: «Jun ajwi' chi artal teewiq'ib' wi' eerib' chi loq'onink»?

1 Samuel 15:22

Toja' naq kixye laj Samuel: “Ma rik'in tab'i' k'atb'il mayej ut eeyeechi'om nak'ojlaak xch'ool li Qaawa'? Malaj a' li xpaab'ankil li raatin a'an li q'axal nawulak chiru? Jwal us paab'ank chiru mayejak, jwal loq' ab'ink chiru li xxeeb'ul li karneer.

Números 29:32

“Sa' xwuq li kutan teemayeja wuqub' li teelom wakax, wiib' li chib'aat, kaalaju li karneer aj junq chihab' ut maak'a'aq reek'eb',

Éxodo 20:24

Chayiib' jun lin'artal rik'in ch'och', re naq sa' xb'een taayeechi'i laak'atb'il xul ut laamayej, eb' laakarneer ut eb' laab'ooyx. Sa' chixjunil li na'ajej b'arwi' twaj naq taajultikamanq link'ab'a', tinchalq aawik'in ut tatwosob'tesi.

Números 22:41

Toj eq'la re li kutan jun chik, laj Balak kixk'am laj Balaham chirix, toj sa' xb'een li tzuul Bamot-Bahal, b'arwi' nak'utunk kach'in li xmuheb'aaleb' laj Israel.

Números 23:2

Laj Balak kixb'aanu li kiyehe'k re xb'aan laj Balaham, ut kixmayeja jun saaj wakax ut jun karneer sa' li junjunq chi artal.

Números 23:30

Laj Balak kixb'aanu li kiyehe'k re xb'aan laj Balak, ut kixyeechi'i jun saaj wakax ut jun karneer cho'q xk'atb'il mayej sa' li junjunq chi artal.