Números 22:3 - Q'eqchi Bible

³ Jo'kan ajwi' eb' laj Mohab k'ajo' naq ke'chalk xxiw chi rilb'aleb' laj Israel, xb'aan naq q'axal naab'aleb',

Li Santil hu

³ Laj Balac joꞌqueb ajcuiꞌ chixjunileb laj Moab qui-oc xxiuheb xbaneb laj Israel xban nak kꞌaxal nabaleb.

Números 22:3 ပူးပေါင်းရင်းမြစ်များ

Éxodo 15:15

K'ajo' naq ke'xiwak eb' li neke'taqlank sa' xb'een Edom; ke'sachk xch'ool eb' li xb'eenil aj Mohab; neke'siksotk chixjunileb' laj Kanahán.

Isaías 23:5

Naq eb' laj Ejiipt te'rab'i resil li xsachik Tiro, k'ajo' naq taamayoq xch'ooleb'.

Salmos 53:5

Ma ink'a' te'xtaw xyaalal eb' laj b'aanuhom maa'usilal, chixjunileb' li neke'xlow lintenamit jo' nawa'e'k li wa, eb' li ink'a' neke'xpatz' xk'ab'a' li Qaawa'?

Josué 9:24

Ut eb' a'an ke'xye re laj Josué chi jo'ka'in: “Nawb'il qab'aan laa'o aamoos li xtaqlahom li Qaawa' laaYos cho'q re laj Moisés aj k'anjel chiru. Kixye naq tixq'axtesi eere chixjunil li na'ajej a'in ut tixsach ruheb' jo'k'ihaleb' wankeb' arin sa' leek'ulunik. Jo'kan naq q'axal xooxiwak chirix li qayu'am ut xqab'aanu a'an.

Josué 2:24

chirix chik a'an ke'xye re: —Yaal naq li Qaawa' ak xk'e sa' quq' chixjunil li tenamit a'an. Chixjunileb' neke'siksotk chiqu, chankeb'.

Deuteronomio 2:25

Chalen anaqwan twoksi xiw ut xxiwankil aawu sa' xyanqeb' chixjunileb' li tenamit li wankeb' junsut junrub'el choxa. Naq te'rab'i resil eechalik, siksootqeb' chixjunileb' ut parpotqeb' xb'aan xxiweb'», chan li Qaawa'.

Nehemías 13:2

xb'aan naq junxil ink'a' ke'xk'ul sa' usilal eb' laj Israel: ink'a' ke'xk'e xwa ruk'a'eb', ke'xtoj b'an laj Balaham re xmajewankileb'. Ab'an li qaYos kixsutq'isi li majewaak a'an cho'q osob'tesiik.

Éxodo 1:12

Ab'anan, naq jwal kaw neke'rahob'tesiik, q'axal chik neke'pukank ut neke'k'ihank; jo'kan naq eb' laj Ejiipt k'ajo' naq ke'xxiwa ruheb' laj Israel.

Éxodo 23:27

“Tink'e naq taawanq xiw ut rahil ch'oolej chawu laa'at sa' chixjunileb' li tenamit tatwulaq wi', ut tink'eheb' chi elelik chawu chixjunileb' li xik' neke'ilok aawe.