Números 22:22 - Q'eqchi Bible

²² K'ajo' naq kijosq'o'k li Qaawa' xb'aan naq laj Balaham koho chirixeb' li winq. Ut naq yo chi xik laj Balaham chirix li xb'uur rochb'een wiib' li xmoos, li x'Ánjel li Qaawa' kixxaqab' rib' chiru, re xramb'al li xb'e.

Li Santil hu

²² Quijoskꞌoꞌ li Ka̱cuaꞌ xban nak laj Balaam co̱ chirixeb li cui̱nk. Nak yo̱ chi xic laj Balaam chirix lix bu̱r rochben li cuib chi mo̱s, jun lix ángel li Ka̱cuaꞌ quixxakab rib saꞌ be re nak incꞌaꞌ naru ta̱numekꞌ.

Números 22:22 ပူးပေါင်းရင်းမြစ်များ

Números 22:32

ab'an li x'Ánjel li Yos kixye re: “K'a'ut naq ak ox wa xasak' laab'uur? Laa'in li yookin chi tz'apok laab'e, xb'aan naq cho'q we laa'in moko us ta li xik wi' aawe.

Éxodo 4:24

Ut kik'ulmank naq sa' li b'e xaqaamil li Qaawa' chiru laj Moisés sa' li na'ajej yo wi' chi xnumsinkil li q'oqyink, ut kiraj raj xkamsinkil.

Lamentaciones 2:4

Jo' junaq aj xik'il uuchinel xteleb' li xsimaj ut xk'ut xkawilal li xtel. Jo' junaq aj sachonel kilajxsach chixjunil li ch'ina'us rilb'al. Jo' junaq xam xkut li xjosq'il sa' xb'eeneb' li xmuheb'aal Sión.

Oseas 1:4

Ut li Qaawa' kixye re laj Oseas: “K'e cho'q xk'ab'a' «Jisrehel», xb'aan naq chi seeb' tink'eheb' laj Jehú chi xtojb'al li xmaakeb' chirix li kamsink ki'uxmank aran Jisrehel. Twaj naq taa'oso'q li x'awab'ejihom laj Israel.

2 Reyes 10:20

Jo'kan naq kixye: “Chiwanq jun xnimal ninq'e sa' xk'ab'a' laj Bahal”. Ut jo'kan ki'uxmank.

Números 22:35

Kixye li x'Ánjel li Yos re laj Balaham: “Ayu chirixeb' li winq a'in, ab'an maak'a' chik k'aru taaye. Ka'ajwi' taaye li tinye aawe laa'in”, chan. Laj Balaham koho chirixeb' li xtaql laj Balak.

Éxodo 23:20

“K'e reetal, laa'in tintaqla jun lin'ánjel chawu re naq tatril sa' b'e ut tatxb'eres toj sa' li na'ajej li xinkawresi cho'q aawe.

Números 22:23

Naq li b'uur kiril li x'Ánjel li Qaawa' xaqxo sa' xb'e, wank xq'esnal ch'iich' sa' ruq', kixjal li xb'e ut koho chik sa' pim. Toja' naq laj Balaham kixsak' li xb'uur re naq taasutq'iiq wi' chik sa' li b'e.