Números 22:1 - Q'eqchi Bible

¹ Eb' laj Israel ke'elk aran ut koheb' toj sa' xtaq'ahil Mohab, junpak'al li nima' Jordán, sa' xjayal Jerikó. Ut aran ke'xk'ojob' li xmuheb'aaleb'.

Li Santil hu

¹ Ut queꞌel saꞌ li naꞌajej aꞌan eb laj Israel ut queꞌco̱eb. Queꞌcuulac saꞌ li ru takꞌa re Moab ut queꞌxyi̱b lix muheba̱leb nachꞌ riqꞌuin li nimaꞌ Jordán saꞌ xcaꞌyaba̱l li tenamit Jericó.

Números 22:1 ပူးပေါင်းရင်းမြစ်များ

Josué 3:16

li roq li ha' nachalk chaq taqe'q kixaqliik ut kixtuub' rib', nach' rik'in li tenamit Adám li wank chi xk'atq li tenamit Sartán; ut li ha' li naxik taq'a sa' li palaw re Arabá (Atz'aminb'il Palaw ajwi' nayeemank re), ink'a' chik naxik, kixjach b'an rib' rik'in li wank taqe'q. Toja' naq li tenamit ke'nume'k junpak'al, sa' xka'yab'aal Jerikó.

Deuteronomio 34:8

Lajeeb' xka'k'aal kutan ke'xyaab'a rix li xkamik laj Moisés eb' laj Israel, sa' xtaq'ahil Mohab, toj reetal kiraqe'k li xkutankil li rahil ch'oolejil.

Deuteronomio 34:1

Laj Moisés ki'elk sa' xtaq'ahil Mohab ut kitaqe'k sa' xb'een li tzuul Nebo, sa' xb'een Piská, sa' xka'yab'aal Jerikó, ut li Qaawa' kixk'ut chiru chixjunil li ch'och': chalen wan wi' Galahad toj sa' li ch'och' reheb' laj Dan,

Deuteronomio 3:8

“Jo'ka'in naq kiqachap li xch'och'eb' li wiib' chi awab'ej re Amor, a' li na'ajej li wank junpak'al li nima' Jordán, chalen chaq chire li nima' Arnón toj sa' li tzuul Hermón.

Deuteronomio 1:5

sa' xjunpak'alil li nima' Jordán, sa' xteepal Mohab, laj Moisés kixtikib' xpuktesinkil li Chaq'rab' a'in ut kixye:

Números 36:13

A'aneb' a'in li chaq'rab' ut li aatin kixk'e li Qaawa' cho'q reheb' laj Israel, chi xtz'uumal re laj Moisés, sa' xtaq'ahil Mohab, chire li nima' Jordán, sa' xjayal Jerikó.

Números 34:15

Eb' li wiib' teep ut li xyiijachil li jun teep chik ak xk'ulumeb' li xna'ajeb' toj junpak'al li nima' Jordán, sa' xka'yab'aal Jerikó, sa' xjayal releb'l saq'e”, chan laj Moisés.

Números 32:19

Laa'o ink'a' tootz'aqonq na'ajej sa' xyanqeb' laj Israel junpak'al li nima' Jordán, xb'aan naq li qana'aj ak xqataw arin sa' xjayal releb'l saq'e re li nima' Jordán”, chankeb'.

Números 21:20

ut chalen Bamot toj chiru taq'a sa' xteepalil Mohab, sa' xjayal li tzuul Piská, sa' xka'yab'aal li chaqich'och'.

Números 26:3

Laj Moisés ut laj Elehasar laj tij ke'rajlaheb' laj Israel, chalen eb' laj junqmay chihab', sa' xtaq'ahil Mohab, chire li nima' Jordán, sa' xka'yab'aal Jerikó,

Jeremías 40:11

Jo'kaneb' ajwi' eb' laj Judiiy li wankeb' chaq Mohab, Amón, Edom ut sa'atqeb' chixjunil li tenamit ke'xnaw naq li awab'ej re Babilonia kixkanab'eb' laj Judiiy chi wank sa' li xna'ajeb'; ke'xnaw ajwi' naq laj Kedalías kixaqab'aak chi xjolominkileb'.

Números 31:12

ut ke'xk'am jo'nimal ke'reechani, koxe'xk'ut chiru laj Moisés, chiru laj Elehasar laj tij ut chiru chixjunil li xkomonileb' laj Israel sa' li xmuheb'aaleb', sa' xtaq'ahil Mohab, nach' chire li nima' Jordán, sa' xka'yab'aal Jerikó.

Números 35:1

Li Qaawa' kiraatina laj Moisés sa' xtaq'ahil Mohab, chire li nima' Jordán, sa' xjayal Jerikó, ut kixye re: