Números 21:27 - Q'eqchi Bible

²⁷ Jo'kan naq eb' laj uutz'u'ujinel aatin neke'xb'icha: “Kimqex sa' li tenamit Jesbón. Waklesiiq ut kawub'resiiq wi' chik li xtenamit laj Sijón.

Li Santil hu

²⁷ Joꞌcan nak naxye saꞌ jun li bich: —Quimkex Hesbón ut yi̱bomak cuiꞌchic lix tenamit li rey Sehón.

Números 21:27 ပူးပေါင်းရင်းမြစ်များ

Habacuc 2:6

Ab'anan chixjunileb' li eechaninb'il tenamit te'xse'e li ke'eechanink reheb', yooqeb' chi xyeeb'al: “Ra chaalel sa' aab'een laa'at li xatb'ihomo'k rik'in li moko aawe ta! Toj jo'q'e taakanab' xch'utub'ankil li b'ihomal li wank chi to' aawik'in?”.

Isaías 14:4

teeye li xsahil ru aatin a'in re xse'enkil li awab'ej re Babilonia: “Ilomaq chanru x'oso'k li josq' aj winq li xrahob'tesink qe. Ilomaq k'aru xkanaak wi' li xq'etq'etil.

Números 21:14

Jo'kan naq nayeemank sa' xHuhil li Nimla Yalok kixb'aanu li Qaawa': “Koonume'k chaq Baheb, sa' xteepal Sufá, jo' ajwi' sa'eb' li kok' roqha' ut li nima' Arnón,

Números 21:26

Xb'aan naq Jesbón a'an li tenamit wan wi' laj Sijón, awab'ej re Amor. Laj Sijón kiyalok junxil rik'in li xb'een awab'ej re Mohab ut kireechani chixjunil li xch'och' toj wan wi' li nima' Arnón.

Números 21:28

Xb'aan naq xlochk xxamlel Jesbón, yo chi k'atk li xtenamit laj Sijón: x'oso'k li tenamit Ar sa' xteepal Mohab, xchoqlenk li tzuul chire li nima' Arnón.

Nehemías 7:1

Naq ak xyaalo'k li suttz'ak ut k'eeb'ileb' chik sa' xna'ajeb' li tz'apb'a-okeb'aal, ke'xaqab'aak chi k'anjelak eb' laj k'aak'alenel, laj b'ichanel ut laj Leví.