Números 21:18 - Q'eqchi Bible

¹⁸ Li julha' a'in xb'ekmank xb'aaneb' li xninqal ru winq; eb' li xjolomileb' li tenamit ke'pikok re rik'in xxuq'eb'”. Chirix chik a'an ke'elk sa' li chaqich'och'

Li Santil hu

¹⁸ Eb li cuanqueb xcuanquil ut eb li nequeꞌcꞌamoc be queꞌxbec li jul haꞌ. Queꞌxbec riqꞌuin lix xukꞌ, chanqueb saꞌ lix bich. Ut chirix aꞌan queꞌel saꞌ li chaki chꞌochꞌ ut queꞌco̱eb Matana.

Números 21:18 ပူးပေါင်းရင်းမြစ်များ

Isaías 33:22

Xhite'k li xk'aamaleb' li jukub', ink'a' chik xaqxo chi kaw li roqechal sa' xna'aj ut ink'a' chik naru xhelb'al li xnimal xt'ikrul li jukub'. Naab'al xb'ihomaleb' li xik' neke'ilok qe taaqeechani: te'tz'aqonq ajwi' eb' li mutz', ut eb' li yeq roqeb' te'xkut rib' sa' xb'een chi relq'ankil. Xb'aan naq li Qaawa' a'an laj raqol aatin sa' qab'een, a'an laj k'amol qab'e; li Qaawa' a'an li qaRey. A'an ajwi' taakoloq qe.

Santiago 4:12

Jun ajwi' laj k'ehol chaq'rab' ut aj raqol aatin, a' li wank xwankil chi kolok ut chi sachok. A'ut laa'at anihat re xwech'b'al laawas aawiitz'in?

San Juan 1:17

Xb'aan naq li Chaq'rab' k'eeb'il chaq qe sa' xk'ab'a' laj Moisés, a'ut li usilal ut li yaal xk'ulunk sa' xk'ab'a' li Jesus li Kriist.

Deuteronomio 33:4

Laj Moisés kixk'e qe li Chaq'rab', a'an xmaatan li loq'laj komonil re laj Jakob;

Deuteronomio 5:31

A'ut laa'at kanaaqat arin wik'in ut laa'in tinye aawe chixjunileb' linchaq'rab', lintaqlahom ut li waatin tento taak'ut chiruheb', re naq te'xpaab' sa' li na'ajej tink'e chireechaniheb'», chan li Qaawa'.

Nehemías 3:5

Chi xk'atq a'an ke'tz'akab'k eb' laj Tékoha, us ta eb' li ninqeb' xwankil ink'a' ke'raj xtenq'ankileb' li neke'jolomink reheb'.

Nehemías 3:1

Laj Eliasib, li xyuwa'il aj tij, ut eb' li rochb'een, eb' laj tij, ke'ok chi xyiib'ankil li Rokeb'aaleb' li Karneer. Ke'xyiib' ut ke'xk'e li xtz'amb'ahil, li xtz'apb'al ut li xnat'b'al rix. Chirix chik a'an ke'xwaklesi wi' chik li suttz'ak chalen li najt xteramil kab'l O'k'aal xk'ab'a' toj sa' li najt xteramil rochoch laj Jananel.

Números 21:17

Toja' naq eb' laj Israel ke'xb'icha li b'ich a'in: “Yo'lan, at ha'. B'ichahomaq ru li xjulel li ha'.

Números 21:19

ut koheb' Mataná; chalen Mataná toj Najaliel, chalen Najaliel toj Bamot,