Números 20:24 - Q'eqchi Bible

²⁴ “Laj Aharón taakamq: toxtaweb' li xna' xyuwa' ut ink'a' taa'ok sa' li ch'och' li xink'e reheb' laj Israel, xb'aan naq ink'a' kepaab' li waatin chire li ha' Meribá.

Li Santil hu

²⁴ —Laj Aarón ta̱ca̱mk. Incꞌaꞌ ta̱oc saꞌ li naꞌajej li tinqꞌue reheb laj Israel xban nak chixcabichalex quekꞌet lin chakꞌrab nak cuanquex chire li haꞌ li cuan Meriba li quineꞌxcuechꞌi cuiꞌ li tenamit.

Números 20:24 ပူးပေါင်းရင်းမြစ်များ

Génesis 25:8

Ki'elk xch'ool laj Abrahán ut kikamk chi ak tiix chi us ut ak xikenaq xhab', ut koxjunaji rib' rik'ineb' li xxe'toon.

Deuteronomio 32:50

Aran, sa' xb'een li tzuul tattaqe'q wi', aran tatkamq, tatq'ajq ut tatsutq'iiq rik'ineb' laakomon. Jo'kan ajwi' kixk'ul laj Aharón laawas li kikamk sa' xb'een li tzuul Hor ut kiq'ajk kisutq'iik rik'ineb' li xkomon.

2 Crónicas 34:28

Tatq'ajq tatsutq'iiq rik'ineb' laaxe'toonil yuwa' ut tatmuqe'q sa' tuqtuukilal sa' laamuqleb'aal. Ink'a' taawil chixjunil li nimla rahilal tintaqla chaq sa' xb'een li na'ajej a'in ut sa' xb'eeneb' li xpoyanamil»”. Eb' li xtaql li awab'ej ke'xk'am li aatin a'in ut ke'xnumsi re.

Números 31:2

“K'eheb' laj Israel chi reeqajunkil li rahilal ke'xb'aanu eb' laj Madián. Chirix chik a'an tatq'ajq tatsutq'iiq, ut toxaajunaji aawib' rik'ineb' laaxe'toonil yuwa'”, chan.

Números 27:13

Naq ak xawil a'an, tatq'ajq tatsutq'iiq rik'ineb' laana' laayuwa', jo' xb'aanu laj Aharón laawas.

Jueces 2:10

Ke'kamk ajwi' chixjunileb' li rech yu'amileb' laj Josué; ke'q'ajk ke'sutq'iik rik'ineb' li xxe'xtooneb', ut jalaneb' chik ke'yo'laak chirixeb' a'an: ink'a' neke'xnaw ru li Qaawa' chi moko xnawomeb' li kilajxb'aanu sa' xk'ab'a'eb' laj Israel.

Números 4:27

Ab'an chixjunil li k'anjel te'xb'aanu eb' laj Kersón jo' ajwi' li iiq tento te'xk'am, ilb'ilaq xb'aan laj Aharón ut eb' li ralal. Laa'ex tex'iloq re li k'anjel li tento te'xb'aanu.

Génesis 49:33

Naq kiraqe'k laj Jakob chi xchaq'rab'inkileb' li ralal, kixk'olob' li roq chiru li xch'aat, ki'elk xch'ool ut koxjunaji rib' rik'ineb' li xxe'toonil yuwa'.

Génesis 49:29

Chirix chik a'an laj Jakob kixchaq'rab'iheb' li ralal chi jo'ka'in: “Xik we. Tinq'ajq tinsutq'iiq rik'ineb' linkomon. Chineemuqaq wankeb' wi' linxe'toonil yuwa', sa' li ochoch pek li wank sa' xch'och' laj Efrón aj Hit,

Génesis 35:29

naq ki'elk li xmusiq' ut kikamk: koxjunaji rib' rik'ineb' li xxe'toonil yuwa' chi ak tiix chi us ut xikenaq xhab'. Ut kimuqe'k xb'aan laj Esaú ut laj Jakob, eb' li ralal.

Génesis 25:17

Chixjunil li xyu'am laj Ismael a'an wuqlaju xwuqk'aal (137) chihab'. Chirix chik a'an ki'elk xch'ool ut kikamk, koxjunaji rib' rik'ineb' li xxe'toon.

Génesis 15:15

Ut naq tiixaqat chi us, tatq'ajq tatsutq'iiq sa' tuqtuukilal rik'ineb' laana' laayuwa' ut tatmuqe'q.

Éxodo 17:7

Masá ut Meribá kixk'e cho'q xk'ab'a' li na'ajej a'an, xb'aan naq eb' laj Israel ke'xwech'i ut ke'xyal rix li Qaawa': “Ma wank li Qaawa' sa' qayanq malaj ink'a'?”, chankeb'.

Números 20:5

K'a' aj e naq xooheerisi chaq Ejiipt? Ma yal re qak'amb'al chaq sa' li xiwajel na'ajej a'in? Arin maak'a' nayo'laak, maak'a' iig, maak'a' uub' chi moko pata, ut maak'a' ha' tquk'?”, chankeb'.

Números 20:26

Taawisi li raq' aj tij chirix laj Aharón ut a' chik laj Elehasar li ralal taatiqib' chiru a'an. Toja' naq laj Aharón toxtaweb' li xna' xyuwa': aran taaq'ajq taasutq'iiq”, chan li Qaawa'.

Deuteronomio 33:8

Cho'q re laj Leví kixye a'in: “Chak'e reheb' laj Leví laa'Urim ut laaTumim; chak'e reheb' li winq li nasaho'k wi' aach'ool, a' li kayal rixeb' aran Masá ut kaq'useb' chaq chire li ha' re Meribá.

Josué 2:9

ut kixye reheb': —Ak ninnaw naq li Qaawa' xq'axtesi eere li tenamit. Laa'o xiw xiw wanko ut chixjunileb' li wankeb' sa' li na'ajej a'in neke'siksotk cheru.