Números 20:15 - Q'eqchi Bible

¹⁵ Eb' li qaxe' qatoonal ke'kub'eek Ejiipt ut najt koowank chaq aran. A'ut eb' laj Ejiipt jwal ra ke'xb'aanu chaq qe jo' ajwi' reheb' li qana' qayuwa'.

Li Santil hu

¹⁵ Eb li kaxeꞌto̱nil yucuaꞌ queꞌco̱eb Egipto ut nabal chihab xeꞌcuan aran kochbeneb. La̱o ut eb li kaxeꞌto̱nil yucuaꞌ ra queꞌxba̱nu ke eb laj Egipto.

Números 20:15 ပူးပေါင်းရင်းမြစ်များ

Deuteronomio 26:6

Eb' laj Ejiipt koohe'xrahob'tesi, koohe'xtawasi ut koohe'xk'e chi kawil k'anjelak.

Éxodo 12:40

Lajeeb' xka'k'aal xkab' o'q'ob' (430) chihab' ke'kanaak eb' laj Israel aran Ejiipt.

Génesis 46:6

Ke'xk'am ajwi' eb' li xketomq ut jo'ch'inal jo'nimal li ke'reechani chaq Kanahán, ut koheb' aran Ejiipt. Laj Jakob kixk'am chirix chixjunil li xjunkab'al:

Hechos 7:15

Laj Jakob kikub'eek Ejiipt b'arwi' kikamk a'an jo'eb' ajwi' li qana' qayuwa';

Génesis 15:13

Toja' naq li Qaawa' kixye re laj Abrán: “Chanawaq naq eb' laawalal aak'ajol te'kanaaq sa' ab'l aj ch'och' jo'aqeb' aj b'eenihom rib'; te'mine'q ru chi xb'aanunkil li kawil k'anjel ut te'rahob'tesiiq chiru jun o'q'ob' (400) chihab'.

Hechos 7:19

Li awab'ej a'an kixrahob'tesi li qatenamit sa' b'alaq'il na'leb', toj reetal kixmineb' ru li qana' qayuwa' chi xkanab'ankil chi kamk li xk'uula'aleb'.

Números 16:13

Ma ink'a' tz'aqal cho'q aawe rik'in naq xoohaawisi chaq sa' li xq'emal ch'och' re naq tookamq sa' li chaqich'och'? Ma toj taawaj taqlank sa' qab'een?

Números 11:5

K'ajo' naq najultiko'k qe eb' li kar naqatzeka aran Ejiipt, ut eb' li kok' k'um, li ki'il q'een, eb' li seb'ooy ut li anx.

Éxodo 5:14

Ut eb' laj jolominel aj Israel li ke'xaqab'aak chi rilb'al li k'anjel ke'rape'k chi tz'uum xb'aaneb' laj taqlanel ut ke'yehe'k re: “K'a' naq ewer xechoy ut anaqwan ink'a' xechoy jo'k'ihal li xan kama' leetaqlankil rajlal?”.

Éxodo 1:22

jo'kan naq laj Parahón kixk'e li chaq'rab' a'in re chixjunil li tenamit: “Chixjunileb' li kok' teelom li te'yo'laaq kutumaqeb' sa' nima'; a'ut eb' li kok' ixqa'al chekanab'eb' chi yo'yo”.

Éxodo 1:16

Kixye reheb': “Naq teerileb' li ixq aj hebreo, chek'e reetal chi us ma teelom malaj ixq li k'uula'al: wi teelom li k'uula'al taayo'laaq, chekamsi; wi ch'ina ixqa'al, chekanab'aq chi yo'yo”, chan.

Números 20:14

Naq wankeb' Kadés, laj Moisés kixtaqlaheb' aj yehol esil rik'in li awab'ej re Edom; ke'xye re: “Jo'ka'in xe'xye chaq eb' laj Israel aawiitz'ineb': «Laa'at nakanaw chi us li rahilal qak'ulum chaq.

Números 20:16

Toja' naq laa'o kootz'aamank koo'elajink chiru li Qaawa' ut A'an kirab'i li xyaab' qakux: kixtaqla jun li x'ánjel qik'in ut koorisi chaq Ejiipt. Anaqwan wanko arin Kadés, li wank chi xnub'ajlil laana'aj.

Génesis 46:7

eb' li ralal ut eb' li xrab'in, jo' ajwi' eb' li ri xmam. Chixjunileb' koheb' chirix aran Ejiipt.

2 Samuel 12:18

Sa' xwuq li kutan kikamk li k'uula'al. K'ajo' naq ke'ok xk'a'uxl eb' laj k'anjel chiru laj David. Ke'xiwak chi xyeeb'al resil li xkamik li k'uula'al xb'aan naq ke'xye: “Naq toj yo'yo li k'uula'al ink'a' nokoorab'i naq nokoo'aatinak rik'in. Chanru naq tqaye re anaqwan naq xkamk li ralal? Mare taapo'q li xch'ool chi junajwa!”, chankeb'.