Números 20:13 - Q'eqchi Bible

¹³ A'an a'in li ha' re Meribá, b'arwi' eb' laj Israel ke'xwech' rix li Qaawa' ut A'an kixk'ut li xsantilal chiruheb'.

Li Santil hu

¹³ Aꞌin quicꞌulman saꞌ li naꞌajej Meriba li queꞌxcuechꞌi cuiꞌ li Ka̱cuaꞌ eb laj Israel. Ut li Ka̱cuaꞌ quixcꞌut chiruheb nak aꞌan santo.

Números 20:13 ပူးပေါင်းရင်းမြစ်များ

Salmos 95:8

“Meeq'etq'eti leech'ool jo' kik'ulmank aran Meribá, sa' li kutan naq leena' leeyuwa' ke'wank Masá sa' li chaqich'och'.

Éxodo 17:7

Masá ut Meribá kixk'e cho'q xk'ab'a' li na'ajej a'an, xb'aan naq eb' laj Israel ke'xwech'i ut ke'xyal rix li Qaawa': “Ma wank li Qaawa' sa' qayanq malaj ink'a'?”, chankeb'.

Deuteronomio 33:8

Cho'q re laj Leví kixye a'in: “Chak'e reheb' laj Leví laa'Urim ut laaTumim; chak'e reheb' li winq li nasaho'k wi' aach'ool, a' li kayal rixeb' aran Masá ut kaq'useb' chaq chire li ha' re Meribá.

Deuteronomio 32:51

Laa'ex eekab'ichal xeq'et li waatin sa' xyanqeb' laj Israel, naq wankex chaq chire li ha' re Meribá-Kadés, sa' li chaqich'och' re Sin. Laa'ex ink'a' xek'ut inloq'al sa' xyanqeb' laj Israel.

Ezequiel 38:16

ut taakut aawib' sa' xb'eeneb' laj Israel, lintenamit. Chanchanaqat jun li q'oqyinkil choql tixmoy li ruuchich'och', a Gog. Sa' roso'jikeb' li kutan tatintaqla chaq sa' xb'een lintenamit, re naq eb' li tenamit junch'ol te'xnaw naq laa'in li Qaawa', naq sa' laak'ab'a' tink'ut linsantilal chiruheb'.

Ezequiel 36:23

Laa'in tink'ut chiruheb' li tenamit naq q'axal sant link'ab'a' li muxb'il eeb'aan sa' xyanqeb' li xninqal ru tenamit. Ut naq tinb'aanu a'in, eb' a'an te'xnaw naq laa'in li Qaawa' -chan li Qaawa'-.

Ezequiel 20:41

Texink'ul jo' li sununkil mayej, naq texwisi chaq sa' xyanqeb' li tenamit b'arwi' cha'cha'inb'ilex; texinch'utub' ut, sa' eek'ab'a' laa'ex, tink'ut linsantilal chiru chixjunileb' li poyanam.

Isaías 5:16

Taaterq'usiiq xloq'al li Nimajwal Yos sa' li raqb'a aatin, ut li Qaawa' tixk'ut li xsantilal rik'in xb'aanunkil li tiikilal.

Salmos 81:7

“Laa'in xin'isink li iiq sa' aab'een ut eb' laawuq' xe'xkanab' chaq li kawil k'anjel.

Salmos 81:8

Xinaapatz' sa' xq'ehil li rahilal, ut xatinkol; xatinsume toj sa' xyi li kaaq, xinyal rix laach'ool aran Meribá, sa' releb'aal li ha'.