Números 19:21 - Q'eqchi Bible

²¹ A'an a'in jun chaq'rab' cho'q eere chi junajwa. Li taakirkirinq chi osob'tesinb'il ha', tixpuch' li raq', ut li yal tixch'e' li osob'tesinb'il ha', muxb'ilaq ru chalen toj ewu.

Li Santil hu

²¹ Aꞌin jun li chakꞌrab tento te̱ba̱nu chalen anakcuan ut chi junelic. Ut li ani narachrachin li haꞌ re santobresi̱c, tento nak tixpuchꞌ li rakꞌ. Ut li ani ta̱chꞌeꞌok re li haꞌ re santobresi̱c muxbilak chic ru ta̱cana̱k toj ta̱ecuu̱k.

Números 19:21 ပူးပေါင်းရင်းမြစ်များ

Hebreos 10:4

xb'aan naq li xkik'eleb' li wakax ut eb' li teelom chib'aat ink'a' naruhank risinkil li maak.

Hebreos 9:10

chixjunil a'an yal ruuchich'och'il chaq'rab' li na'aatinak chirix tzekemq, uk'a', jo'wi' chirix li k'iila paay chi ch'ajob'resink ib', ut kiwank xwankil toj kiwulak xq'ehil xjalb'al chixjunil.

Hebreos 7:19

(xb'aan naq maak'a' k'aru kitz'aqlok re ru xb'aan li Chaq'rab'), ut na'oksimank jun chik chaab'il oyb'enink li nokoojilok wi' chi xk'atq li Yos.

Levítico 11:40

Ani taatiwoq xtib'el li kamenaq xul, tento tixpuch' li raq' ut taakanaaq chi muxb'il toj reetal taa'ok li q'oqyink; ut ani taa'isinq re li kamenaq xul, tento ajwi' tixpuch' li raq', ut taakanaaq chi muxb'il toj reetal taa'ok li q'oqyink.

Levítico 11:25

“Yalaq ani tixwaklesi li kamenaq xul a'in, tento tixpuch' li xb'aatal ut taakanaaq chi muxb'il toj taa'ok li q'oqyink.

Éxodo 27:21

Laj Aharón rochb'eeneb' li ralal te'iloq re chiru li Qaawa', sa' xMuheb'aal li ch'utam, junpak'al li t'ilkem li wank chi xk'atq li xLoq'laj Kaaxil li Sumwank, chalen ewu toj eq'la. A'in jun chaq'rab' xaqxooq xwankil chi junelik cho'q reheb' li ralal xk'ajol laj Israel.

Números 19:7

Laj tij tixpuch' li raq' ut taa'atinq rik'in ha'. Chirix chik a'an naru taa'ok sa'eb' li muheb'aal; ab'anan muxb'ilaq chalen toj ewu.

Números 18:23

Ka'ajeb' wi' laj Leví te'xb'aanu li k'anjel sa' li Loq'laj Muheb'aal, ut sa' xb'eeneb' a'an taakanaaq li xmaakeb' laj Israel. A'an chaq'rab' chi junajwa cho'q reheb' li ralal xk'ajol eb' laj Leví li te'wanq moqon: ink'a' te'tz'aq ch'och' sa' xyanqeb' laj Israel,

Números 19:8

Li ani xk'atok re li wakax, tixpuch' li raq' ut taa'atinq rik'in ha'; ab'anan muxb'ilaq chalen toj ewu.

Números 19:10

Li ani xxokok re xchahil li wakax tixpuch' li raq', ut muxb'ilaq chalen toj ewu. A'an a'in jun chaq'rab' chi junajwa cho'q reheb' laj Israel, jo' ajwi' cho'q reheb' laj ab'l tenamit li wankeb' sa' xyanqeb'.