Números 19:17 - Q'eqchi Bible

¹⁷ “Cho'q re li xmuxum rib' taaxokmanq xchahel li wakax xk'atmank chirix li maak ut taak'eemanq jun sek'aq usil ha' sa' xb'een.

Li Santil hu

¹⁷ Joꞌcaꞌin nak ta̱santobresi̱k li ani tixmux rib. Ta̱qꞌuehekꞌ caꞌchꞌinak lix chahil li cuacax li cak rix li quicꞌateꞌ re xtojbal rix li ma̱c saꞌ junak ucꞌal rochben caꞌchꞌinak li haꞌ li qui-isi̱c saꞌ junak li yuꞌam haꞌ.

Números 19:17 ပူးပေါင်းရင်းမြစ်များ

Apocalipsis 7:17

Xb'aan naq li Karneer li wank sa' xyi li nimajwal k'ojarib'aal tixb'eresiheb' ut tixk'am xb'eheb' toj sa'eb' xyo'leb'aal li yu'amha'. Ut li Yos taachaqihob'resinq re chixjunil li xya'aleb' ru”.

San Juan 7:38

Jo' naxye li Santil Hu: Xnima'il yo'yookil ha' te'elq rik'in”.

Cantares 4:15

Laa'at xyo'leb'aal ha' li wank sa' li awimq, laa'at li yu'amha' li nab'ulb'utk sa' xtoonal li tzuul Líbano.

Números 19:9

Jun winq li maak'a' xmuxul tixxok li xchahil li wakax ut tixk'uula chirixeb' li muheb'aal, sa' jun ch'ajob'resinb'il na'ajej. Li cha a'an taak'anjelaq cho'q reheb' laj Israel re xk'uub'ankil li osob'tesinb'il ha': a'an jun mayej chirix li maak.

Génesis 26:19

Sa' jun kutan eb' laj k'anjel chiru laj Isahak ke'ok ut chi b'ekok sa' li taq'a ut ke'xtaw aran jun yu'amha'.

Hebreos 9:13

Wi li xkik'eleb' li teelom chib'aat, li xkik'eleb' li toor ut li xchahil li ixqiwakax li kirkisinb'il sa' xb'een li muxb'ileb' ru nasantob'resink ut nach'ajob'resink re li xjunxaqalileb',

Números 19:18

Jun winq li maak'a' xmuxul tixchap li xmach palaw, tixtz'a sa' li ha' ut tixkirkiri sa' li muheb'aal ut sa' xb'een chixjunil li k'a'aq re ru jo'wi' sa' xb'eeneb' li poyanam wankeb' chisa'. Jo'kan ajwi' taa'uxmanq re li xch'e'ok xb'aqel kamenaq malaj li xmuqleb'aal kamenaq, ut li yal kikamsiik.

Números 31:23

chixjunil li naxkuy li xam tento teech'ajob'resi sa' xam ut teesantob'resi rik'in li osob'tesinb'il ha'. Ab'an chixjunil li ink'a' naxkuy li xam teech'aj rik'in osob'tesinb'il ha'.

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

Zacarías 13:1

“Sa' li kutan a'an taawanq jun yu'amha', cho'q reheb' li ralal xk'ajol laj David ut cho'q reheb' li wankeb' Jerusalén, re naq te'xch'aj li xmaakeb' ut li xmaa'usilaleb'.