Números 19:16 - Q'eqchi Bible

¹⁶ “Yalaq ani taach'e'oq kamenaq li kamsinb'il chi ch'iich', sa' junaq k'aleb'aal, muxb'ilaq ru chiru wuqub' kutan. Jo'kanaq ajwi' li taach'e'oq junaq li yal xkamk chi jo'kan, malaj xch'e'ok xb'aqel junaq kamenaq malaj ut junaq muqleb'aal kamenaq.

Li Santil hu

¹⁶ Ut muxbilak ajcuiꞌ ru li ani ta̱chꞌeꞌok re junak camenak saꞌ cꞌaleba̱l, usta quicamsi̱c chi chꞌi̱chꞌ, malaj ut yal nacam chi joꞌcan. Ut muxbilak ru li ani ta̱chꞌeꞌok re xbakel li camenak malaj ut junak li mukleba̱l. Muxbil ru ta̱cana̱k chiru cuukub cutan.

Números 19:16 ပူးပေါင်းရင်းမြစ်များ

San Mateo 23:27

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex, xb'aan naq chanchanex li muqleb'aal kamenaq chuninbil: ch'ina'us rilb'aleb' li rix, ab'an chisa' nujenaqeb' chi xb'aqel kamenaq ut chixjunil li k'a'aq re ru chi tz'ajnil!

Números 31:19

Ut chejunilex laa'ex li xexkamsink malaj xech'e' junaq kamenaq, kanaaqex chirixeb' li muheb'aal chiru wuqub' kutan. Ch'ajob'resiiq eerib' laa'ex jo'wi' eb' leepreex, sa' li rox ut sa' li xwuq li kutan.

San Lucas 11:44

“Ra chaalel sa' eeb'een laa'ex, xb'aan naq chanchanex li muqleb'aal kamenaq li ink'a' neke'k'utunk, ut eb' li tenamit neke'b'eek sa' xb'een chi ink'a' neke'xnaw!”.

Números 19:11

“Ani taach'e'oq kamenaq, a' yaal ani, muxb'il taakanaaq chiru wuqub' kutan.

Números 19:15

Ut chixjunil li sek' taatawmanq chi ink'a' tz'aptz'ookeb' re, muxb'ileb' ru.

Isaías 52:11

Jo'kan naq elenqex, elenqex ut kanab'omaq Babilonia! Meech'e' li k'a'aq re ru tz'ajn ru. Elenqex chaq sa' li tenamit a'an! Ch'ajob'resiiq eerib' laa'ex li nekexk'amok li xsahil eechej li Qaawa'.

Levítico 21:1

Li Qaawa' kixye re laj Moisés: “Aatinan rik'ineb' laj tij ralal xk'ajoleb' laj Aharón ut ye reheb' naq me'xmux rib'eb' rik'in xch'e'b'al junaq kamenaq sa' li xkomoneb'.

Números 5:2

“Taqlaheb' laj Israel chi risinkil sa' xna'aj li xmuheb'aaleb' li poyanam chixjunileb' li saqlep rixeb', eb' li neke'ya'alunk xtz'ejwaleb' ut chixjunil li xmuxumeb' rib' chi ch'e'ok kamenaq.

Números 6:6

Chixjunil li kutan naq taawanq cho'q aj nasireo, sa' xk'ab'a' li Qaawa', ink'a' taajiloq chi xk'atq junaq kamenaq.

Números 9:6

Ab'anan wankeb' winq ke'xmux rib' xb'aan xch'e'b'al junaq kamenaq; jo'kan naq ink'a' ke'ruhank chi xninq'ehinkil li Paswa sa' li kutan a'an. Toja' naq koxe'xk'ut rib' chiru laj Moisés ut laj Aharón sa' ajwi' li kutan a'an

Ezequiel 44:26

Wi te'xmux rib', tento te'xch'ajob'resi rib' ut te'hilanq chiru wuqub' kutan.