Números 18:8 - Q'eqchi Bible

⁸ Kixye li Qaawa' re laj Aharón: “Laa'in tink'e chawil li mayej nak'eemank we. Chixjunil li loq'laj mayej nayeechi'imank we xb'aaneb' laj Israel, tink'e aawe ut cho'q reheb' laawalal; a'anaq eereechanihom chi junajwa.

Li Santil hu

⁸ Ut li Ka̱cuaꞌ quixye re laj Aarón: —La̱in xinteneb ajcuiꞌ saꞌ e̱be̱n rilbal li mayej li naqꞌueheꞌ cue. Chixjunil li santil mayej li nequeꞌxqꞌue eb laj Israel la̱in tinqꞌue e̱re ut reheb la̱ cualal. Li ma̱tan aꞌan e̱rehak anakcuan ut chi junelic kꞌe cutan.

Números 18:8 ပူးပေါင်းရင်းမြစ်များ

Levítico 6:16

Ut li mayej taa'ela'anq, te'xtzeka laj Aharón ut eb' li ralal xk'ajol, chi maak'a'aq xyu ut sa' junaq loq'laj na'ajej, chiru xneb'aalil li Loq'laj Muheb'aal.

Levítico 7:6

ut chixjunileb' laj tij naru te'xtzeka, ab'an sa' junaq osob'tesinb'il na'ajej, xb'aan naq li k'a'aq re ru a'in, jwal loq'.

Levítico 6:18

Chixjunileb' li teelom sa' xyanqeb' li ralal xk'ajol laj Aharón te'ruuq xtzekankil li jo'k'ihal te'tz'aq rik'in li k'atb'il mayej chiru li Qaawa'. Yalaq k'aru taach'e'oq re li mayej a'in, osob'tesinb'il taakanaaq”.

Éxodo 40:15

taayuleb' rik'in aseeyt jo' naq xayul li xyuwa'eb', re naq te'k'anjelaq chiwu cho'q aj tij. Jo'ka'in taa'uxmanq re naq, sa' xk'ab'a' li xyulb'aleb', te'xaqab'aaq cho'q aj tij chi junwaakaj, chi junelik q'e kutan”.

Éxodo 40:13

Taatiqib' laj Aharón rik'in li loq'laj aq'ej, taayul rik'in aseeyt ut taaq'axtesi we re naq taak'anjelaq cho'q aj tij.

Éxodo 29:29

“Eb' li xloq'laj aq' laj Aharón te'kanaaq chaq moqon reheb' li ralal: eb' a'in te'xtiqib' rib' rik'in a'an, ut chi jo'kan te'yule'q ut te'xk'ul li xk'anjeleb'.

1 Juan 2:27

Ab'an toj wank eerik'in li Santil Musiq'ej li xexxsantob'resi wi' li Jesus ut ink'a' na'ajmank ru naq ani taatzoloq eere, xb'aan naq li Musiq'ej li santob'resinb'ilex wi', a'an natzolok eere chirix chixjunil, ut a'an yaal, maawa' tik'ti'. Jo'kan naq wanqex junelik rik'in li Jesus jo' chanru tzolb'ilex wi' xb'aan.

1 Juan 2:20

A'ut laa'ex yulb'ilex xb'aan li Sant, a' li Kriist, ut chejunilex neketaw ru.

Hebreos 1:9

Xara li us ut xik' xawil li maa'usilal; jo'kan naq, at inYos, laaYos xsik' chaq aawu ut xatxnujob'resi rik'in sahil ch'oolej, q'axal wi' chik xaqxo laaloq'al chiruheb' chixjunil laawech awab'ejil”.

Isaías 10:27

Sa' li kutan a'an texwisi rub'el xwankileb' laj Asiria ut ink'a' chik texrahob'tesiiq xb'aaneb', tex'ach'ab'aaq b'an chi junajwa”.

Deuteronomio 26:13

Toja' naq taaye chiru li Qaawa' laaYos: «Ak xwisi sa' li wochoch li k'aru tento taamayejamanq ut xink'e re laj Leví, laj ab'l tenamit, li neb'a'yox ut li xmalka'an. Xinb'aanu jo' chanru linchaq'rab'inkil aab'aan, ut maajun reheb' laachaq'rab' xinq'et chi moko xsachk sa' inch'ool.

Deuteronomio 12:11

toja' naq teek'am chixjunil li k'aru nekexintaqla wi' anaqwan, teeroksi sa' li na'ajej xaqab'anb'il xb'aan li Qaawa' leeYos cho'q rochochil li xk'ab'a': teek'am leek'atb'il mayej ut leeyeechi'om, li xlajeetqil li k'a'aq re ru eere, leetenq'aal jo'wi' li na'alaak sa' leech'ool, li q'axal chaab'il mayej eeyeechi'om sa' jurament re li Qaawa'.

Deuteronomio 12:6

Sa' li na'ajej a'an texmayejaq, teekamsi ut teek'at leexul; teek'am li xlajeetqil li k'a'aq re ru eere, leetenq'aal jo'wi' li na'alaak sa' leech'ool, eb' li xb'een ral leeninq ut kok' ketomq.

Números 18:9

A'aneb' a'in li loq'laj mayej li ink'a' xe'k'atmank ut tink'e aawe: chixjunil li mayej neke'xk'e we eb' laj Israel, jo' chirix li maak, jo' chirix li k'amok ib' sa' usilal wik'in, a'an jwal loq'; aawehaqeb' laa'at ut cho'q reheb' laawalal.

Levítico 21:10

“Li xyuwa'il aj tij ak xk'ulum xwankilal re naq tixtiqib' rib' rik'in loq'laj aq'ej, sa' xk'ab'a' li osob'tesinb'il aseeyt kik'ehe'k sa' xjolom. Jo'kan naq ink'a' naru helhookaq li rismal xjolom chi moko tixq'ich li raq', reetalil naq ra sa' xch'ool;

Levítico 8:30

Laj Moisés kixchap ajwi' kach'in li aseeyt re yuluk ut li kik' li wank sa' xb'een li artal, ut kixrachrachi sa' xb'eeneb' laj Aharón ut eb' li ralal xk'ajol, jo' ajwi' sa' xb'een li raq'eb' jo' aj tij. Kama'an naq kirosob'tesiheb' laj Aharón jo'wi' eb' li ralal xk'ajol, ut li raq'eb' jo' aj tij.

Levítico 6:26

Laj tij li taayeechi'inq mayej chirix li maak, naru tixtzeka b'ayaq re, ab'an tento tixtzeka chaq sa' junaq loq'laj na'ajej, chiru xneb'aalil li Loq'laj Muheb'aal.

Levítico 6:20

“A'an a'in li mayej te'xq'axtesi laj Aharón ut eb' li ralal xk'ajol chiru li Qaawa', naq te'osob'tesiiq cho'q aj tij: te'xk'e cho'q mayej k'aj kaahib' liib'r li xchaq'alil ru k'aj triiw. Ut te'xq'axtesi jun yiijach eq'la ut li jun yiijach chik te'xq'axtesi ewu. Tento te'xb'aanu a'in rajlal kutan.

Éxodo 29:21

Chirix chik a'an taaxok b'ayaq li kik' li wank sa' xb'een li artal jo' ajwi' aseeyt re yuluk, ut taarachrachi sa' xb'een laj Aharón ut sa' xb'een li raq', rochb'eeneb' li ralal xk'ajol ut li raq'eb'. Chi jo'kan q'axtesinb'ilaq we li ralal ut li raq'eb'.

1 Corintios 9:13

Ma ink'a' nekenaw naq eb' li neke'k'anjelak sa' rochoch li Yos neke'xtzeka li naxmaatani li rochoch li Yos? Ut eb' li neke'k'anjelak chiru li artal, neke'tz'aqk li namayejaak sa' xb'een li artal.

Levítico 7:14

Chisa' chixjunil li mayej, taa'isimanq kach'inaq ut taaq'axtesimanq chiru li Qaawa' jo' loq'laj yeechi'om, ut a'an rehaq chik laj tij li taarachoq xkik'el li mayej re k'amok ib' sa' usilal.

Levítico 7:28

Li Qaawa' kiraatina laj Moisés ut kixye re:

2 Crónicas 31:4

Kixye ajwi' reheb' laj Jerusalén naq te'xk'e li mayej li tento te'xk'ul eb' laj tij ut eb' laj Leví re naq eb' a'in te'xk'e xch'ool chi xpaab'ankil xChaq'rab' li Qaawa'.

Éxodo 28:43

Tento naq laj Aharón ut eb' li ralal te'wanq xweexeb' naq te'ok sa' li xMuheb'aal li ch'utam malaj naq te'nach'oq rik'in li artal chi k'anjelak sa' li Loq'laj Na'ajej; chi jo'kan ink'a' te'paltoq ut ink'a' te'kamq. Teneb'anb'ilaq chi junajwa li chaq'rab' a'in sa' xb'een laj Aharón ut eb' li ralal xk'ajol.

Éxodo 29:28

Ut a'an tkanaaq cho'q re laj Aharón ut reheb' li ralal: xsihom eb' laj Israel, xb'aan naq q'axtesinb'il mayej; q'axtesinb'il xb'aaneb' laj Israel naq yooqeb' chi yeechi'ink mayej, q'axtesinb'il mayej cho'q re li Qaawa'. A'an jun xchaq'rab' li Qaawa' teneb'anb'il sa' xb'eeneb' laj Israel chi junelik.

Levítico 23:20

Laj tij tixyeechi'i eb' li xul jo' chaab'il mayej chiru li Qaawa', rochb'een li kaxlan wa xb'een ru li awimq ut li wiib' chi karneer. Taaq'axtesimanq re li Qaawa' re tixtzeka laj tij.

Números 5:9

“Ut chixjunil li mayej neke'xk'e eb' laj Israel, a'an taakanaaq cho'q re laj tij.

Deuteronomio 18:1

“Eb' laj tij aj Leví, chixjunil li xteepaleb' aj Leví, ink'a' te'tz'aqonq na'ajej chi moko ereens rik'ineb' laj Israel, yo'yooqeb' b'an rik'in li sahil tzekemq taayeechi'imanq re li Qaawa' ut rik'in chixjunileb' li loq'laj mayej.

2 Reyes 12:16

Li tumin namayejamank re xtojb'al rix li maak jo' ajwi' chirix li maak, ink'a' nak'eemank sa' rochoch li Qaawa', reheb' b'an laj tij nakanaak.

2 Crónicas 31:5

Ut naq eb' laj Israel ke'rab'i resil a'in, ke'xk'am chaq chi yo'oon li xb'een ru li triiw, li b'iin, li aseeyt, li xya'al kab' ut chixjunil li ru li awimq, rochb'eenatq li xlajeetqil li k'aru wank reheb'.