Números 18:7 - Q'eqchi Bible

⁷ A'ut laa'at ut eb' laawalal laa'exaq laj tij sa' chixjunil li na'uxmank chiru li artal malaj sa' li k'anjel na'uxmank junpak'al li t'ilkem. Xink'e eere wank cho'q aj tij jo' jun eemaatan. Wi junaq li maawa' aj tij taajiloq chi k'anjelak cho'q aj tij, taakamsiiq”, chan li Qaawa'.

Li Santil hu

⁷ Abanan caꞌaj cuiꞌ la̱at ut eb la̱ cualal ta̱ru̱k teꞌcꞌanjelak chokꞌ aj tij chiru li artal ut saꞌ li Lokꞌlaj Santil Naꞌajej. La̱in quinxakaban e̱re la̱ex chi cꞌanjelac chokꞌ aj tij. Cui junak jalan ta̱oc chixba̱nunquil li cꞌanjel qꞌuebil e̱re saꞌ li Santil Naꞌajej, li jun aꞌan ta̱camsi̱k.

Números 18:7 ပူးပေါင်းရင်းမြစ်များ

San Juan 3:27

Kichaq'ok laj Jwan ut kixye: —Maak'a' truuq taareechani junaq, wi ink'a' ta k'eeb'il chaq re sa' choxa.

Números 3:10

Laj Aharón ut eb' li ralal xk'ajol taaxaqab'eb' chi k'anjelak cho'q aj tij. Wi junaq li maawa' aj tij taanach'oq aran, taakamsiiq”, chan li Qaawa'.

Números 18:20

Li Qaawa' kixye ajwi' re laj Aharón: “Ink'a' tattz'aq ch'och' sa' xyanqeb' laj Israel chi moko taaweechani junaq k'a' re ru. Laa'in laaweechanihom ut laa'ereens sa' xyanqeb' laj Israel.

Números 16:40

A'an jun reetalil chiruheb' laj Israel naq maajun junaq li maawa' aj tij taamayejaq pom chiru li Qaawa'; juneseb' li ralal xk'ajol laj Aharón truuq te'xb'aanu a'an. Mare anchal te'xk'ul jo' laj Koré ut eb' li xkomon, jo' yeeb'il chaq xb'aan li Qaawa' re laj Moisés.

Hebreos 5:4

Ut maa'ani naru tixchap li loq'laj k'anjel a'in cho'q re xjunes rib', ka'aj b'an wi' li b'oqb'il xb'aan li Yos jo' laj Aharón.

Efesios 3:8

Laa'in, li q'axal kub'enaq inwankil chiruheb' chixjunil laj santil paab'anel, xinmaatani li k'anjel a'in: xpuktesinkil resil li xchamal xsasal li xb'ihomal li Kriist reheb' li maawa'eb' aj Judiiy,

1 Samuel 2:28

Sa' xyanqeb' chixjunileb' li xteepal laj Israel kinsik' ru laajunkab'al, re naq a'anaqeb' aj tij chiwu, re te'mayejaq sa' xb'een lin'artal, jo'wi' te'k'atoq pom ut te'xk'am li efod chiwu. Kink'e ajwi' reheb' laaxe'toonil yuwa' naq te'tz'aq sa' chixjunileb' li xmayejeb' laj Israel.

Números 3:38

Sa' xjayal releb'l saq'e neke'xyiib' li xmuheb'aaleb' laj Moisés ut laj Aharón rochb'eeneb' li ralal. A'aneb' a'in li neke'ilok re li Loq'laj Na'ajej sa' xk'ab'a'eb' laj Israel. Wi junaq na'ok aran chi maawa' aj tij, taakamsiiq.

Números 1:51

Naq taajalmanq xna'aj li Loq'laj Muheb'aal, eb' laj Leví te'b'oq'oq re ut, naq te'hilanq wi' chik, a'eb' ajwi' laj Leví te'xaqab'anq re li Loq'laj Muheb'aal. Wi junaq jalan taajiloq chi xk'atq li Loq'laj Muheb'aal, taakamsiiq.

Levítico 16:2

Ut li Qaawa' kixye re laj Moisés: “Ye re laj Aharón laawas naq ink'a' chi'ok yalaq jo'q'e sa' li tijob'aal li wank junpak'al li t'ilkem, chi moko chiru li xtz'apb'al xb'een li Loq'laj Kaax, re naq ink'a' taakamq; xb'aan naq laa'in tink'utb'esi wib' sa' jun li choql sa' xb'een li artal.

Éxodo 29:9

taab'ak' chi kaw li xk'aamal xsa'eb' laj Aharón ut eb' li ralal, ut taak'e xlanb'al xjolomeb'. Rehaqeb' a'an li k'anjelak cho'q aj tij: a'an xchaq'rab' li Qaawa' chi junelik. Jo'ka'in naq taaxaqab'eb' xwankil laj Aharón ut eb' li ralal xk'ajol.

San Mateo 10:8

Chek'irtasiheb' li yaj, chewaklesi chi yo'yo eb' li kamenaq, chek'irtasiheb' li saqlep rixeb' ut cherisiheb' li maa'us aj musiq'ej. Chi maatan xek'ul, ut chi maatan ajwi' teek'e.

1 Pedro 5:2

cheberesiheb' li xkarneer li Yos k'eeb'ileb' cheril ut chek'aak'aleheb' chi ink'a' yal minb'ilaq eeru, chi anchalaq b'an eech'ool jo' naraj li Yos; moko re ta xsik'b'al eetumin, sa' eech'ool b'an chi'alaaq;

1 Pedro 5:3

ink'a' texnumtaaq sa' xb'eeneb' li k'eeb'ileb' cheril, rik'in b'an xk'amb'al li chaab'il b'e chiruheb' li karneer.

Éxodo 28:1

“Sa' xyanqeb' laj Israel xinsik' ru laj Aharón laawas ut eb' li ralal, re te'k'anjelaq chiwu cho'q aj tij. A'aneb' laj Nadab, laj Abihú, laj Elehasar ut laj Itamar, ralaleb' laj Aharón. Chapatz' b'i' reheb' naq te'nach'oq aawik'in.

Números 18:3

Te'k'anjelaq chawu ut sa' li Loq'laj Muheb'aal. Ab'an ink'a' te'jiloq chi xch'e'b'al li k'a'aq re ru loq' chi moko te'nach'oq rik'in li artal re naq ink'a' te'kamq a'aneb' chi moko laa'ex.

Deuteronomio 18:2

Ink'a' te'eechaninq na'ajej sa' xyanqeb' li ras riitz'in: a' li Qaawa' a'an li reechanihomeb', kama' ak xyehom chaq reheb'.

Josué 18:7

Eb' laj Leví ink'a' taak'ehe'q xch'och'eb' sa' eeyanq, xb'aan naq li k'anjelak cho'q aj tij chiru li Qaawa' a'an li reechanihomeb'. Eb' laj Gad ut eb' laj Rubén ut li xyiijachil xteepal laj Manasés ak xk'ulumeb' li xna'ajeb' sa' xjayal releb'l saq'e, junpak'al li nima' Jordán, a' li ch'och' li kik'ehe'k reheb' xb'aan laj Moisés, laj k'anjel chiru li Qaawa'”, chan laj Josué.

Ezequiel 44:8

Ink'a' xeraj xb'aanunkil li loq'laj k'anjel chiwu, xeq'axtesi b'an chik sa' ruq'eb' li jalaneb' xtenamit».

Ezequiel 44:15

“Ab'an eb' laj Leví, li ralal xk'ajoleb' laj Sadok li ink'a' xe'xkanab' k'anjelak sa' li wochoch naq eb' laj Israel xine'xtz'eqtaana, a'aneb' naru te'ok chi k'anjelak chiwu re xyeechi'inkil we li xxeeb'ul ut li xkik'el li mayej -chan li Qaawa'-.

Ezequiel 44:16

Te'ok sa' linsantil na'aj, te'k'anjelaq chiwu sa' li artal ut te'xch'oolani link'anjel.

Levítico 7:35

Sa' xyanqeb' li mayej nayeechi'imank sa' xk'ab'a' li Qaawa', a'an a'in li xk'ihal re laj Aharón ut eb' li ralal xk'ajol, chalen sa' li kutan naq li Qaawa' kixxaqab'eb' cho'q aj tij chiru.

Salmos 115:10

Ex ralal xk'ajol laj Aharón, kawaq eech'ool rik'in li Qaawa': a'an laj tenq'ahom qe, a'an li naqakol wi' qib'!