Números 18:5 - Q'eqchi Bible

⁵ Laa'ex texb'aanunq li k'anjel re li Loq'laj Muheb'aal ut re li artal; chi jo'kan ink'a' chik taajosq'o'q li Qaawa' sa' xb'eeneb' laj Israel.

Li Santil hu

⁵ Caꞌaj cuiꞌ la̱at ut eb la̱ cualal naru te̱ba̱nu li cꞌanjel saꞌ li Santil Naꞌajej ut saꞌ li artal re nak incꞌaꞌ chic tinjoskꞌokꞌ saꞌ xbe̱neb laj Israel.

Números 18:5 ပူးပေါင်းရင်းမြစ်များ

Éxodo 27:21

Laj Aharón rochb'eeneb' li ralal te'iloq re chiru li Qaawa', sa' xMuheb'aal li ch'utam, junpak'al li t'ilkem li wank chi xk'atq li xLoq'laj Kaaxil li Sumwank, chalen ewu toj eq'la. A'in jun chaq'rab' xaqxooq xwankil chi junelik cho'q reheb' li ralal xk'ajol laj Israel.

Números 16:46

laj Moisés kixye re laj Aharón: “Xok laaxanxaar, k'e xam chisa' xkomon li wank sa' li artal, ut k'e ajwi' li pom. Chirix a'an ayu chi junpaat wankeb' wi' li komonil ut taatoj rix li xmaakeb'. Xb'aan naq xnumtaak li xjosq'il li Qaawa' ut ak xtiklaak li raxkamk”, chan.

Levítico 24:3

sa' li Loq'laj Muheb'aal, junpak'al li t'ilkem li wank chi xk'atq li xLoq'laj Kaaxil li Sumwank. A' laj Aharón taak'uub'anq re, re naq junelik lochlooq chiru li Qaawa', chalen ewu toj eq'la. A'in jun chaq'rab' xaqxooq xwankil chi junelik cho'q eere laa'ex ut cho'q reheb' leeralal eek'ajol.

1 Timoteo 6:20

At Timoteo, chawil chi us li k'aru q'axtesinb'il aawe. Mat-okenk rik'in li seeraq' maak'a' na'ok wi' jo'wi' rik'in wech'ij ib' nachalk sa' b'alaq'il na'leb'.

1 Timoteo 5:21

Nintz'aama chawu sa' xk'ab'a' li Yos, sa' xk'ab'a' li Kristo Jesus ut eb' li ánjel sik'b'ileb' ru, naq taapaab' chixjunil a'in sa' tiikilal, chi ink'a' tiitooq ru anihaq aab'aan.

1 Timoteo 3:15

Chi jo'kan, wi tinb'ayq chi xik, nawaj naq ak taanaw chanru li k'anjelak sa' rochoch li Yos, a'an li x'Iklees li yo'yookil Yos, roqechal ut xkuut li yaal.

1 Timoteo 1:18

A'an a'in laachaq'rab'inkil inb'aan, at walal Timoteo, jo' chanru yeeb'il chaq chawix junxil xb'aan raatineb' li propeet. Sa' xk'ab'a'eb' a'an chayal aaq'e chi xb'aanunkil li chaab'il k'anjel a'in;

Zacarías 10:3

Xyehom li Qaawa': “K'ajo' injosq'il sa' xb'eeneb' laj k'aak'alehom re lintenamit: tinrahob'tesiheb' li q'etq'et aj k'amol b'e. Naq li Nimajwal Yos tolrula'ani eb' li xkarneer, a'eb' li ralal xk'ajol laj Judá, tixkawresiheb' chi us ut tixk'eheb' xkawilal: jo'aqeb' chik li kawaay jwal kaweb' rib' re yalok.

Jeremías 23:15

Jo'kan naq laa'in li Nimajwal Yos ninye chirixeb' li propeet: Tink'e junaq tzekemq rayre chi xtzekaheb' ut tink'e reheb' li ha' b'anb'il ru re kamsink, xb'aan naq xnumtaak li xmaa'usilaleb' li propeet aj Jerusalén ut xpuka rib' yalaq b'ar”.

1 Crónicas 24:5

Li xtz'aqonikeb' yal ke'xb'uuli rix chirixeb' chixjunil, xb'aan naq sa' xyanqeb' li ralal xk'ajol laj Elehasar jo' ajwi' sa' xyanqeb' li ralal xk'ajol laj Itamar wankeb' aj k'anjel sa' li Loq'laj Ochoch ut aj k'anjeleb' chiru li Yos.

1 Crónicas 9:33

Wankeb' ajwi' aj b'ichanel, aj jolominel junkab'aleb' aj Leví li ke'wank sa' li xkok' muheb'aal li rochoch li Yos, maak'a'eb' chik junaq xk'anjeleb', xb'aan naq chi q'eq ut chi kutan neke'xb'aanu li xk'anjeleb'.

1 Crónicas 9:23

Eb' a'an ut eb' li ralal xk'ajol neke'xjal rib' chi xk'aak'alenkil rokeb'aal li rochoch li Qaawa', naraj naxye li Loq'laj Na'ajej.

1 Crónicas 9:19

Laj Salún, ralal laj Koré, ralal laj Ebiasaf, ralal ajwi' laj Koré, jo'wi' eb' li rech'alal, a'aneb' chaq laj k'aak'alenel sa' li okeb'aal re li Loq'laj Na'ajej, jo' ke'xb'aanu chaq junxil eb' li xxe'toonil yuwa'eb' naq ke'xk'aak'ale rokeb'aal li xmuheb'aal li Qaawa'.

Números 8:19

Laa'in xinsik' ruheb' sa' xyanqeb' laj Israel ut xinq'axtesiheb' re laj Aharón ut eb' li ralal, re naq te'k'anjelaq sa' li Loq'laj Na'ajej sa' xk'ab'a'eb' laj Israel, ut te'mayejaq chirixeb' laj Israel re xkuyb'al xmaakeb'. Relik chi yaal naq ink'a' te'kamq naq te'nach'oq chi xk'atq li Loq'laj Na'ajej”.

Números 8:2

“Ye re laj Aharón: Naq taaloch li wuqub' chi saqenk, taak'eheb' sa' xb'een xna'aj kanteel re naq te'xkutanob'resi chi uub'ej”.

Levítico 10:6

Chirix chik a'an laj Moisés kixye re laj Aharón ut reheb' li ralal, a' laj Elehasar ut laj Itamar: “Meehit leerismal chi moko teeq'ich leeraq' re xk'utb'al xrahil eech'ool. Mare anchal texkamq ut taachalq xjosq'il li Yos sa' xb'een li komonil. Li tento te'yaab'aq wi' leerech aj Israelil, a'an: naq xraho'k xch'ool li Qaawa' ut xtaqla chaq li xam.

Números 1:53

ut eb' laj Leví te'xyiib' li xmuheb'aaleb' chi xsutam li Loq'laj Muheb'aal ut te'iloq re, re naq michalk xjosq'il li Qaawa' sa' xb'eeneb' laj Israel”, chan li Qaawa'.

Números 18:4

A'aneb' te'tenq'anq aawe ut te'k'anjelaq sa' li Loq'laj Muheb'aal, ut maajun li maawa' aj tij taajiloq chek'atq.

Ezequiel 44:16

Te'ok sa' linsantil na'aj, te'k'anjelaq chiwu sa' li artal ut te'xch'oolani link'anjel.

Números 1:50

k'eheb' b'an chi k'anjelak sa' li Loq'laj Na'ajej, ut a'aneb' li te'iloq re chixjunileb' li k'anjelob'aal ut li k'a'aq re ru wank aran. Eb' a'an te'k'amoq re li Loq'laj Muheb'aal ut chixjunileb' li xk'anjelob'aal; te'k'anjelaq chisa' ut te'xk'ojob' li xmuheb'aaleb' chi xsutam li Loq'laj Muheb'aal.

Números 4:18

“Maawisi eb' laj Kehat sa' xyanqeb' laj Leví.

1 Crónicas 23:24

A'aneb' a'in li ralal xk'ajol laj Leví, jo' chanru li xjunkab'aleb', naq ke'tz'iib'aak li xk'ab'a'eb' chixjunqaleb' jo' xyuwa'ileb' junkab'al. Chixjunileb' laj junmay chihab' toj taqe'q ke'k'anjelak sa' rochoch li Qaawa'.

1 Crónicas 23:32

Rilomaqeb' ajwi' li xMuheb'aal li Yos ut li Loq'laj Ochoch, sa' xk'anjel li Qaawa', rochb'eenaqeb' li ralal xk'ajol laj Aharón, li rech'alaleb'.

Ezequiel 44:15

“Ab'an eb' laj Leví, li ralal xk'ajoleb' laj Sadok li ink'a' xe'xkanab' k'anjelak sa' li wochoch naq eb' laj Israel xine'xtz'eqtaana, a'aneb' naru te'ok chi k'anjelak chiwu re xyeechi'inkil we li xxeeb'ul ut li xkik'el li mayej -chan li Qaawa'-.