Números 18:21 - Q'eqchi Bible

²¹ Cho'q reheb' laj Leví tink'e chi reechaniheb' li xlajeetqil li mayej neke'xk'e eb' laj Israel, sa' xk'ab'a' li k'anjel te'xb'aanu sa' li Loq'laj Muheb'aal.

Li Santil hu

²¹ Eb li ralal xcꞌajol laj Leví teꞌxcꞌul li junju̱nk saꞌ xlaje̱tkil li cꞌaꞌru cuan reheb laj Israel re xtojbal rix li cꞌanjel li teꞌxba̱nu saꞌ li tabernáculo.

Números 18:21 ပူးပေါင်းရင်းမြစ်များ

Nehemías 12:44

Sa'eb' li kutan a'an ke'xaqab'aak winq re te'ril li na'ajej li taaxokmanq wi' chixjunil li mayej, li yeechi'om, li xb'een ru li awimq ut li xlajeetqil chixjunil. Tento sa' xb'eeneb' li winq a'an xxokb'al ut xk'uulankil jo'ch'inal jo'nimal taachalq sa'atqeb' li xk'aleb'aalil eb' li tenamit jo' mayej cho'q reheb' laj tij ut eb' laj Leví, jo' tz'iib'anb'il sa' li Chaq'rab'. Xb'aan naq saheb' sa' xch'ool laj Judá rik'ineb' laj tij ut eb' laj Leví li wankeb' sa' xk'anjel.

Nehemías 10:37

Kiqak'uub' ajwi' xk'amb'al sa'eb' li xk'uuleb'aal li rochoch li Yos, cho'q reheb' laj tij, li q'em yiib'anb'il rik'in li xb'een ru li triiw, jo' ajwi' li xchaab'ilal chixjunil ru li che', li b'iin ut li aseeyt. Ut li junjunq sa' xlajeetqil ru li qawimq taaqaq'axtesi reheb' laj Leví, xb'aan naq eb' a'an neke'xokok re li xlajeetqil chixjunil li naruuchin li qach'och'.

Hebreos 7:5

Relik chi yaal naq eb' li ralal xk'ajol laj Leví li neke'ok cho'q aj tij tento sa' xb'eeneb', jo' naxye li Chaq'rab', xpatz'b'al li xlajeetqil li xmayej li tenamit, us ta eb' a'an rech'alaleb' ut xkomoneb' ajwi' laj Abrahán.

Gálatas 6:6

Li natzole'k rik'in li Aatin chixwotzaq chixjunil li k'aru wank re rik'in li natzolok re.

Nehemías 13:12

Ut chixjunileb' laj Judá ke'xk'am chaq sa' li k'uuleb'aal li xlajeetqil li triiw, li b'iin ut li aseeyt.

Nehemías 10:29

ke'xjunaji rib' rik'ineb' li xkomoneb' ut eb' laj k'amol xb'eheb', ut ke'xye raatineb' sa' jurament naq junelik te'xpaab' li Chaq'rab' xk'ehom li Yos re laj Moisés laj k'anjel chiru. Ke'xye naq te'xyu'ami ut te'xk'anjela ru chixjunil li raatin, li xchaq'rab' ut li xtaqlahom li Qaawa' li qaYos.

2 Crónicas 31:12

ut aran ke'xk'uula chi chaab'il li mayej, li xlajeetqil ru chixjunil ut li k'a'aq re ru mayejanb'il re li Qaawa'. Laj Kenanías aj Leví, rochb'een laj Semehí li riitz'in, ke'xaqab'aak chi rilb'aleb' li mayej.

Números 18:6

Laa'in xinsik' ruheb' laakomon aj Leví sa' xyanqeb' laj Israel. A'aneb' jun maatan li ninq'axtesi eere; ak q'axtesinb'ileb' re li Qaawa' re te'k'anjelaq sa' li Loq'laj Muheb'aal.

Génesis 14:20

Usilaatinanb'ilaq ajwi' li Nimajwal Yos li xq'axtesi sa' laawuq' eb' li xik' neke'ilok aawe”. Ut laj Abrán kixk'e re li xlajeetqil chixjunil li k'aru wank re.

Números 31:28

Taara kach'inaq cho'q re li Qaawa' li te'tz'aqonq eb' laj puub', a' yaal ma poyanameb', wakax, b'uur ut karneer: teek'e re li Qaawa' junjunq sa' xyanqeb' li o'taqk'aal xkab' o'q'ob' (500).

Deuteronomio 18:8

Li junwa'al tixtzeka, juntaq'eetaq rik'in li reheb' li xkomon, ink'a' k'eeb'il sa' ajl li tixk'ul rik'in xk'ayinkil li k'aru wank re.

Nehemías 12:47

Ut chixjunileb' laj Israel, sa'eb' li kutan naq ke'wank laj Sorobabel ut laj Nehemías, ke'xk'e reheb' laj b'ichanel ut eb' laj k'aak'alenel okeb'aal li k'aru tento te'xk'ul re li kutan junjunq. Ke'xk'e ajwi' reheb' laj Leví li xk'ulub'eb' xk'ulb'al, ut eb' a'in ke'xq'axtesi reheb' laj Aharón li k'aru tento te'xk'e reheb'.

Nehemías 13:5

jo'kan naq kixq'axtesi re laj Tobías jun nimla ochoch b'arwi' junxil kik'uulamank li mayej, li k'ajpom, eb' li k'anjelob'aal, li xlajeetqil li triiw, li b'iin ut li aseeyt, jo'ch'inal jo'nimal tento xk'eeb'al reheb' laj Leví, reheb' laj b'ichanel ut reheb' laj k'aak'alenel okeb'aal; jo'kan ajwi' aran kik'uulamank li xk'ulub'eb' xk'ulb'al eb' laj tij.

Malaquías 2:4

Chi jo'kan teenaw naq laa'in xink'ehok re li chaq'rab' a'in, re naq linsumwank rik'in laj Leví xaqxooq xwankil chi junelik -chan li Nimajwal Yos-.

Malaquías 3:10

K'amomaq chaq li junjunq sa' xlajeetqil chixjunil; k'amomaq chaq chi tz'aqal re ru sa' li xloq'laj k'uuleb'aal, re naq wanq li tzekemq sa' li wochoch. Yalomaq wix chi jo'kan, ut laa'in tinte li choxa re eerosob'tesinkil chi yo'oon.

Génesis 47:24

ut moqon, sa' xq'ehil li q'olok, teek'e li ro' jachal re laj Parahón ut li kaahib' raqal chik te'kanaaq cho'q eere, re teeraw sa' li ch'och' ut textzekanq laa'ex, leekok'al jo'wi' chixjunileb' li wankeb' sa' leejunkab'al”, chan Laj José.

Génesis 47:26

Toja' naq laj José kixk'e jun chaq'rab' sa' li tenamit Ejiipt li wank chalen toj anaqwan: li xk'eeb'al re laj Parahón li ro' jachal ru li awimq; ka'aj chik li xch'och'eb' laj tij ink'a' ki'eechaniik xb'aan laj Parahón.

Números 3:6

“Taqla xb'oqb'aleb' li xteepal laj Leví, re naq te'xtenq'a laj Aharón.

Nehemías 10:38

Ut naq eb' laj Leví te'xik chi xxokb'al li xlajeetqil chixjunil li k'a'aq re ru, tento naq junaq aj tij, xkomoneb' li ralal laj Aharón, taa'ochb'eeninq re. Chirix chik a'an eb' laj Leví te'xk'am li junjunq sa' xlajeetqil sa'eb' li xk'uuleb'aal li rochoch li qaYos,