Números 18:20 - Q'eqchi Bible

²⁰ Li Qaawa' kixye ajwi' re laj Aharón: “Ink'a' tattz'aq ch'och' sa' xyanqeb' laj Israel chi moko taaweechani junaq k'a' re ru. Laa'in laaweechanihom ut laa'ereens sa' xyanqeb' laj Israel.

Li Santil hu

²⁰ Li Ka̱cuaꞌ quixye re laj Aarón: —Incꞌaꞌ textzꞌak chꞌochꞌ saꞌ xya̱nkeb laj Israel. Ma̱cꞌaꞌ te̱re̱chani saꞌ li naꞌajej li tinqꞌue reheb laj Israel. Caꞌaj cuiꞌ la̱in tine̱re̱chani. Caꞌaj cuiꞌ la̱in tinqꞌuehok e̱re li cꞌaꞌru nequeraj.

Números 18:20 ပူးပေါင်းရင်းမြစ်များ

Ezequiel 44:28

“Eb' laj tij maak'a' naru te'reechani: ka'ajwi' laa'in li tine'reechani. Ink'a' te'tz'aqonq na'ajej sa' xyanqeb' laj Israel: laa'in li reechanihomeb'.

Deuteronomio 10:9

Xb'aan a'an eb' laj Leví ink'a' ke'xk'ul xch'och'eb' jo' ke'xk'ul eb' li rech aj Israelil: a' li Qaawa' a'an li reechanihomeb', kama' yeeb'il chaq reheb' xb'aan li Qaawa' laaYos.)

Josué 13:33

Ab'anan laj Moisés ink'a' kixk'e xch'och'eb' li xteepal laj Leví: a' li Qaawa', xYos laj Israel, a'an li reechanihom, kama' ak xyehom chaq reheb'.

Lamentaciones 3:24

Ut ninye sa' li waanm: “Li Qaawa' a'an linb'ihomal; jo'kan naq xaqxo li woyb'enihom rik'in”.

Josué 14:3

Laj Moisés ak xk'ehom xch'och'eb' laj Rubén, eb' laj Gad ut li xyiijachil xteepal laj Manasés aran, junpak'al li nima' Jordán; ab'an eb' laj Leví maak'a' xk'ulumeb' chaq.

Deuteronomio 14:27

“Maakanab' xjunes laj Leví li wank sa'atqeb' laatenamit, xb'aan naq maak'a' wank re ut ink'a' xtz'aqk na'ajej aawik'in.

Deuteronomio 12:12

Aran taasaho'q eech'ool chiru li Qaawa' eerochb'eeneb' leeralal eek'ajol, eb' laj k'anjel cheru jo' winq ut ixq, jo' ajwi' eb' laj Leví li wankeb' sa' eeyanq, xb'aan naq ink'a' xk'ulumeb' li xna'ajeb'.

Apocalipsis 21:3

Ut kiwab'i jun xyaab' kuxej ki'elk chaq sa' li nimajwal k'ojarib'aal, yo chi xyeeb'al chi kaw: “A'an a'in li xmuheb'aal li Yos rik'ineb' li poyanam. Li Yos tixk'ojob' li xmuheb'aal sa' xyanqeb', ut a'anaqeb' li xtenamit ut a'anaq li Yos rik'ineb'.

Salmos 142:5

Chat-iloq chink'atq ut chak'e reetal: maajun junaq nanawok wu. Maab'ar naru tinmuq wib'; maajun junaq truuq chi kolok we.

Salmos 16:5

Laa'at linloq'laj maatan ut li xsahil linch'ool, at Qaawa'; chixjunil linyu'am wank sa' laawuq'.

Josué 18:7

Eb' laj Leví ink'a' taak'ehe'q xch'och'eb' sa' eeyanq, xb'aan naq li k'anjelak cho'q aj tij chiru li Qaawa' a'an li reechanihomeb'. Eb' laj Gad ut eb' laj Rubén ut li xyiijachil xteepal laj Manasés ak xk'ulumeb' li xna'ajeb' sa' xjayal releb'l saq'e, junpak'al li nima' Jordán, a' li ch'och' li kik'ehe'k reheb' xb'aan laj Moisés, laj k'anjel chiru li Qaawa'”, chan laj Josué.

Salmos 73:26

Us ta lintib'el ut linna'leb' yo chi oso'k, ab'an li Yos nak'ehok xkawub' linch'ool: a'an linsahilal ut linb'ihomal chi junelik!

Deuteronomio 14:29

Chi jo'kan taachalq laj Leví li maak'a' wank re chi moko xtz'aqk na'ajej aawik'in, te'chalq laj ab'l tenamit, li maak'a' xna' xyuwa', eb' li xmalka'an li wankatqeb' sa' laatenamit, te'wa'aq toj reetal te'k'ojlaaq xch'ool, re naq li Qaawa' laaYos tatrosob'tesi sa' chixjunil li k'anjel taatikib' xb'aanunkil.

Números 26:62

Li xk'ihaleb' li winq ke'ajlamank sa' xyanqeb' laj Leví chalen aj junq po, wankeb' oxib' xka'k'aal mil (23,000). Eb' a'in ink'a' k'eeb'ileb' sa' ajl sa' xyanqeb' laj Israel, xb'aan naq ink'a' ke'k'ehe'k xch'och'eb'.

Josué 13:14

Ka'ajwi' li xteepal laj Leví ink'a' xk'eemank reechanihom: a' li Qaawa', xYos laj Israel, a'an li reechanihom, kama' ak xyehom chaq reheb'.

Génesis 15:1

Naq ak xk'ulmank chixjunil a'in, ki'aatinaak laj Abrán xb'aan li Qaawa' sa' moy u chi jo'ka'in: “Matxiwak, Abrán: laa'in laj kolol aawe. Q'axal nimaq laaq'ajkamunkil”, chan li Yos.

Números 18:7

A'ut laa'at ut eb' laawalal laa'exaq laj tij sa' chixjunil li na'uxmank chiru li artal malaj sa' li k'anjel na'uxmank junpak'al li t'ilkem. Xink'e eere wank cho'q aj tij jo' jun eemaatan. Wi junaq li maawa' aj tij taajiloq chi k'anjelak cho'q aj tij, taakamsiiq”, chan li Qaawa'.