Números 18:15 - Q'eqchi Bible

¹⁵ “Chixjunil li xb'een ralal eb' laj Israel malaj li xb'een raleb' li ketomq li namayejaak we, tink'eheb' aawe. Ab'an chirixeb' li xb'een ralaleb' li winq ut li xb'een raleb' li xul li ink'a' natzekamank, taapatz' xtojb'aleb' rix.

Li Santil hu

¹⁵ Chixjunileb li xbe̱n alalbej li nequeꞌkꞌaxtesi cue, la̱in tinqꞌue e̱re. Ut tinqꞌue e̱re li xbe̱n ral li xul. Abanan tento nak te̱cꞌul xtzꞌak li xbe̱n alalbej li ani ta̱raj tixtoj rix. Ut te̱cꞌul ajcuiꞌ xtzꞌak li xbe̱n ral li xul li te̱lom li incꞌaꞌ naru te̱tzaca xtibel.

Números 18:15 ပူးပေါင်းရင်းမြစ်များ

Éxodo 34:20

Li xb'een ral li b'uur taak'e junaq karneer cho'q reeqaj ut, wi ink'a' taak'e reeqaj, tik taatoq xb'aqel xkux. Taak'e reeqaj chixjunileb' li xb'een ralaleb' laawalal ut maajun taak'ulunq wik'in chi maak'a' ta tixk'am chaq.

Éxodo 13:2

“Q'axtesinb'ilaqeb' sa' wuq' chixjunileb' li xb'een alalb'ej, chixjunil li xb'een ralaleb' laj Israel, jo' winq jo' xul, xb'aan naq we chixjunileb'”.

Números 3:46

Ab'anan eb' li xb'een ralaleb' laj Israel jwal naab'aleb' chiruheb' laj Leví. Jo'kan naq, cho'q reeqaj li oxlaju xkaalajuk'aal (273) li neke'xq'ax xk'ihaleb' laj Leví,

Números 3:13

xb'aan naq weheb' chixjunil li xb'een alalb'ej. Sa' li kutan naq kinrahob'tesi chixjunileb' li xb'een ralaleb' laj Ejiipt, kinraheb' cho'q we chixjunileb' li xb'een ralaleb' laj Israel, jo'eb' li winq, jo'kan ajwi' eb' li xb'een ral li ketomq. Weheb' laa'in. Laa'in li Qaawa'”.

Éxodo 22:29

“Matb'ayk chi xyeechi'inkil we li xchaab'ilal laaq'olom ut laa'uub'. Chak'e we li xb'een aawalal.

Éxodo 13:15

Laj Parahón kixkawub'resi xch'ool ut ink'a' kooxkanab' chi elk; jo'kan naq li Qaawa' kixkamsi chixjunileb' li xb'een alalb'ej sa' li tenamit Ejiipt, chalen li xb'een ralal li winq toj rik'in li xb'een ral li xul. Jo'kan naq ninmayeja chiru li Qaawa' chixjunil li xb'een raleb' li xul teelom, ut nink'e ruuchil chixjunil li xb'een alalb'ej sa' xyanqeb' li walal.

Números 18:16

Li toj a'in tento te'xk'e naq ak xe'xkooloni jun po xyo'lajikeb'; li xtz'aq a'an oob' chi tumin, jo' chanru xtz'aq li xtumin li Loq'laj Na'ajej.

Deuteronomio 15:19

“Chixjunileb' li xb'een ral eb' laawakax malaj eb' laakarneer, wi teelomeb', taaq'axtesiheb' re li Qaawa' laaYos. “Maak'e chi k'anjelak li xb'een ral laawakax chi moko taab'es li rismal li xb'een ral laakarneer.

2 Reyes 12:5

Li junjunq chi aj tij naru tixk'ul li tumin a'an sa' ruq'eb' laj k'anjel, re naq taak'anjelaq re xyiib'ankil chi us li rochoch li Yos b'ar yiib'aak naraj”.

Nehemías 10:37

Kiqak'uub' ajwi' xk'amb'al sa'eb' li xk'uuleb'aal li rochoch li Yos, cho'q reheb' laj tij, li q'em yiib'anb'il rik'in li xb'een ru li triiw, jo' ajwi' li xchaab'ilal chixjunil ru li che', li b'iin ut li aseeyt. Ut li junjunq sa' xlajeetqil ru li qawimq taaqaq'axtesi reheb' laj Leví, xb'aan naq eb' a'an neke'xokok re li xlajeetqil chixjunil li naruuchin li qach'och'.