Números 18:12 - Q'eqchi Bible

¹² Chixjunil li chaab'il aseeyt, li uub' ut li triiw, li xb'een ruheb' li awimq taayeechi'imanq re li Qaawa', aawehaqeb'.

Li Santil hu

¹² La̱in tinqꞌue e̱re chixjunil li xbe̱n ru li acui̱mk, ut li cha̱bil aceite ut li cha̱bil vino li nequeꞌxqꞌue eb laj Israel chokꞌ xmayejeb.

Números 18:12 ပူးပေါင်းရင်းမြစ်များ

Deuteronomio 18:4

Taak'e reheb' li xb'een ru laatriiw, laa'uub', laa'aseeyt; jo'kan ajwi' li xb'een xb'esb'al rismal laakarneer.

Éxodo 23:19

“Taak'am sa' rochoch li Qaawa' laaYos li xchaab'ilal li xb'een ru laawawimq. “Maachiq li ch'ina chib'aat sa' xya'al xtu' li xna'.

Éxodo 34:26

“Taak'am sa' rochoch li Qaawa' laaYos li xchaab'ilal li xb'een ru laawawimq li na'elk sa' laach'och'. “Maachiq li ch'ina chib'aat sa' xya'al xtu' li xna'”.

Deuteronomio 26:2

taaxok li xb'een ru chixjunil li awimq na'elk chiru li ch'och', taak'e sa' junaq chakach ut taak'am sa' li na'ajej sik'b'il ru xb'aan li Qaawa' laaYos cho'q xmuheb'aal li xk'ab'a'.

Levítico 23:20

Laj tij tixyeechi'i eb' li xul jo' chaab'il mayej chiru li Qaawa', rochb'een li kaxlan wa xb'een ru li awimq ut li wiib' chi karneer. Taaq'axtesimanq re li Qaawa' re tixtzeka laj tij.

Levítico 23:17

ut teek'am chaq sa' leerochoch ka'kab'aq li kaxlan wa, yiib'anb'ilaq rik'in xyu chaab'il k'aj triiw ut chiqb'ilaq chi wanq numenaq waqxaqib' liib'r li junjunq, jo' xb'een ru li awimq ut chaab'il mayej cho'q re li Qaawa'.

Levítico 2:14

“Wi taak'am chiru li Qaawa' junaq laamayej k'aj ut a'an xb'een ru laawawimq, tento naq cheekaq chi us, joranb'ilaq sa' xam malaj a' li toj rax taamayeja chi poch'b'il.

Éxodo 22:29

“Matb'ayk chi xyeechi'inkil we li xchaab'ilal laaq'olom ut laa'uub'. Chak'e we li xb'een aawalal.

Génesis 27:28

Li Yos chixk'e taxaq aawe li k'ajob' li nachalk sa' choxa, li xchaq'alil ru li ch'och' ut naab'al laatriiw ut laa'uub'.

Deuteronomio 18:3

“A'anaq a'in li xk'ulub'eb' laj tij chirixeb' li mayejanb'il wakax malaj karneer yeechi'inb'ileb' xb'aan li tenamit: taak'eemanq reheb' laj tij li xb'een xtel, li xkalam re ut li xpuj.

Deuteronomio 32:14

Kixch'oolaniheb' rik'in li xrekesonil li wakax ut xleechul karneer; kixk'e reheb' li xtib'eleb' li saaj karneer ut li ketomq re Basán, eb' li kok' chib'aat ut li chaab'il triiw. Kixk'e li xya'al li uub' cho'q ruk'a'eb'.

Salmos 81:16

“Eb' li xik' neke'ilok we te'xkub'si raj rib' chiwu, ak xaqxo raj sa' xna'aj li xtojb'al rix li xmaakeb'.

Salmos 147:14

xk'ojob' tuqtuukilal sa'atqeb' laanub'ajlil, ut nakatxch'oolani rik'in chaab'il tzekemq.

Ezequiel 44:30

Li k'aru jwal chaab'il re li xb'een ru li awimq ut re chixjunil li namayejaak, rehaqeb' laj tij. Ut naq laa'ex teeyiib' li q'em, tento teek'e reheb' li xb'een taa'elq. Chi jo'kan li wosob'tesihom wanq junelik sa' eeb'een sa' leerochoch.

Levítico 2:12

Naru teeq'axtesi chiru li Qaawa' li xyu xq'emal li kaxlan wa jo'wi' xya'al li kab' cho'q eemayej, jo' xb'een ru leerawimq; ab'anan ink'a' naru xyeechi'inkil jo' k'atb'il mayej sununk xb'ook chiru li Qaawa'.

2 Reyes 4:42

Moqon chik kiwulak jun li winq aj Bahal-Salisá rik'in li xtaql li Yos. Kixk'am chaq junmay chi ak'waj toja' yiib'anb'il chaq, jo'wi' ak' triiw, sa' li xjelool. “K'ehomaq reheb' li poyanam re te'xwa'”, chan laj Eliseo re laj tenq' re.

2 Crónicas 31:5

Ut naq eb' laj Israel ke'rab'i resil a'in, ke'xk'am chaq chi yo'oon li xb'een ru li triiw, li b'iin, li aseeyt, li xya'al kab' ut chixjunil li ru li awimq, rochb'eenatq li xlajeetqil li k'aru wank reheb'.