Números 16:9 - Q'eqchi Bible

⁹ Ma ink'a' tz'aqal cho'q eere naq li xYos laj Israel xsik'ok chaq eeru sa' xyanqeb' laj Israel re naq texwanq chi xk'atq A'an, texk'anjelaq sa' li Loq'laj Muheb'aal ut wanqex chi xjolomileb' li komonil chirix li mayejak?

Li Santil hu

⁹ ¿Ma incꞌaꞌ ta biꞌ tzꞌakal riqꞌuin nak li kaDios quisicꞌoc e̱ru la̱ex saꞌ xya̱nkeb laj Israel re nak texcꞌanjelak chiru? Quixsicꞌ e̱ru re nak texxakli̱k chiruheb li tenamit ut texcꞌanjelak saꞌ li tabernáculo saꞌ xcꞌabaꞌeb li tenamit.

Números 16:9 ပူးပေါင်းရင်းမြစ်များ

Isaías 7:13

Toja' naq laj Isaías kixye: “Ab'ihomaq, ex ralal xk'ajol laj David: ma ink'a' tz'aqal cho'q eere xch'i'ch'i'inkileb' li poyanam, naq teeraj ajwi' xch'i'ch'i'inkil li Qaawa' linYos?

Deuteronomio 10:8

Sa'eb' li kutan a'an li Qaawa' kixxaqab'eb' li ralal xk'ajol laj Leví chi xpaqonkil li Loq'laj Kaax wan wi' li xSumwank li Qaawa', re naq wanqeb' chi k'anjelak chiru li Qaawa' ut te'xtz'aama li rosob'tesinkileb' li tenamit. Ut jo'kan ke'xb'aanu chalen toj anaqwan.

Nehemías 12:44

Sa'eb' li kutan a'an ke'xaqab'aak winq re te'ril li na'ajej li taaxokmanq wi' chixjunil li mayej, li yeechi'om, li xb'een ru li awimq ut li xlajeetqil chixjunil. Tento sa' xb'eeneb' li winq a'an xxokb'al ut xk'uulankil jo'ch'inal jo'nimal taachalq sa'atqeb' li xk'aleb'aalil eb' li tenamit jo' mayej cho'q reheb' laj tij ut eb' laj Leví, jo' tz'iib'anb'il sa' li Chaq'rab'. Xb'aan naq saheb' sa' xch'ool laj Judá rik'ineb' laj tij ut eb' laj Leví li wankeb' sa' xk'anjel.

1 Samuel 18:23

Ab'anan naq eb' laj k'anjel chiru laj Saúl ke'xye li aatin a'in re laj David, kixsumeheb': “Laa'in maak'a' inwankil ut neb'a'in. Chan put ru naq nekek'oxla naq tin'ok cho'q xhi' li awab'ej?”, chan.

Números 16:13

Ma ink'a' tz'aqal cho'q aawe rik'in naq xoohaawisi chaq sa' li xq'emal ch'och' re naq tookamq sa' li chaqich'och'? Ma toj taawaj taqlank sa' qab'een?

Números 3:6

“Taqla xb'oqb'aleb' li xteepal laj Leví, re naq te'xtenq'a laj Aharón.

Números 1:53

ut eb' laj Leví te'xyiib' li xmuheb'aaleb' chi xsutam li Loq'laj Muheb'aal ut te'iloq re, re naq michalk xjosq'il li Qaawa' sa' xb'eeneb' laj Israel”, chan li Qaawa'.

Ezequiel 34:18

Ma ink'a' tz'aqal cho'q eere ichajib'k sa' li chaab'il pim naq xeyeq'i sa' leeroq li na'ela'ank? Nekeruk' li ha' saq ru, ut neketz'ajni ru li rela' rik'in leeroq.

2 Crónicas 35:3

Ut kixye reheb' laj Leví li neke'xtzol chixjunileb' laj Israel ut xq'axtesihomeb' rib' chi k'anjelak chiru li Qaawa': “K'ehomaq li Loq'laj Kaax sa' rochoch li Yos li kixyiib' laj Salomón, ralal laj David, awab'ej re Israel, xb'aan naq ink'a' chik teepaqo. Anaqwan k'anjelanqex chiru li Qaawa' leeYos ut chiruheb' laj Israel, li xtenamit.

2 Samuel 7:19

Ut moko tz'aqal ta a'in cho'q aawe, at Qaawa', xb'aan naq xat-aatinak ajwi' chirix li k'aru toj chaalel sa' xb'eeneb' li walal ink'ajol li te'wanq moqon. Maa'ani nab'aanunk re li nakab'aanu laa'at, at Qaawa'.

Génesis 30:15

Kichaq'ok a'an: “Ma ink'a' tz'aqal cho'q aawe xmaq'b'al linb'eelom? K'a' naq taawaj xmaq'b'al ajwi' li x'ixqiq'een linyum?”, chan. Kixye lix Rakel: “Wi taak'e we li ixqiq'een, laj Jakob taawarq aawik'in chiru li q'oqyink a'in”.

1 Corintios 4:3

Ab'anan laa'in maak'a' nawaj wi' naq yooqex chi xwech'inkil wix, malaj naq taatz'ilmanq aatin chiwix sa' junaq raqleb'aal aatin. Chi moko ninwech' wib' injunes!

Hechos 13:2

Sa' jun li kutan, naq yookeb' chi k'anjelak chiru li Qaawa' ut chi ayuunik, kixye li Santil Musiq'ej: “K'ehomaqeb' cho'q we laj Bernabé ut laj Sawlo re te'xb'aanu li k'anjel xinb'oqeb' wi'”.

Números 3:9

Taaq'axtesiheb' laj Leví re laj Aharón jo' ajwi' reheb' li ralal xk'ajol cho'q xmaataneb': siib'ilaqeb' sa' xk'ab'a'eb' chixjunil laj Israel.

Números 16:8

Chirix chik a'an kixye re laj Koré: “Ab'ihomaqin, ex ralal laj Leví.

Ezequiel 44:16

Te'ok sa' linsantil na'aj, te'k'anjelaq chiwu sa' li artal ut te'xch'oolani link'anjel.