Números 16:46 - Q'eqchi Bible

⁴⁶ laj Moisés kixye re laj Aharón: “Xok laaxanxaar, k'e xam chisa' xkomon li wank sa' li artal, ut k'e ajwi' li pom. Chirix a'an ayu chi junpaat wankeb' wi' li komonil ut taatoj rix li xmaakeb'. Xb'aan naq xnumtaak li xjosq'il li Qaawa' ut ak xtiklaak li raxkamk”, chan.

Li Santil hu

⁴⁶ Ut laj Moisés quixye re laj Aarón: —Cꞌam la̱ sansar chiru li artal ut ta̱qꞌue li ru xam chi saꞌ ut ta̱qꞌue ajcuiꞌ li pom. Ut ta̱cꞌam chi junpa̱t cuanqueb cuiꞌ li tenamit ut ta̱santobresiheb. Xnumta lix joskꞌil li Dios saꞌ xbe̱neb ut ac xticla li caki yajel, chan.

Números 16:46 ပူးပေါင်းရင်းမြစ်များ

Números 8:19

Laa'in xinsik' ruheb' sa' xyanqeb' laj Israel ut xinq'axtesiheb' re laj Aharón ut eb' li ralal, re naq te'k'anjelaq sa' li Loq'laj Na'ajej sa' xk'ab'a'eb' laj Israel, ut te'mayejaq chirixeb' laj Israel re xkuyb'al xmaakeb'. Relik chi yaal naq ink'a' te'kamq naq te'nach'oq chi xk'atq li Loq'laj Na'ajej”.

Levítico 10:6

Chirix chik a'an laj Moisés kixye re laj Aharón ut reheb' li ralal, a' laj Elehasar ut laj Itamar: “Meehit leerismal chi moko teeq'ich leeraq' re xk'utb'al xrahil eech'ool. Mare anchal texkamq ut taachalq xjosq'il li Yos sa' xb'een li komonil. Li tento te'yaab'aq wi' leerech aj Israelil, a'an: naq xraho'k xch'ool li Qaawa' ut xtaqla chaq li xam.

Salmos 106:29

Jo'kan naq ke'xchiq' xjosq'il li Yos rik'in li xb'aanuhomeb', ut jun raxkamk kitaqlaak chaq sa' xb'eeneb'.

1 Crónicas 27:24

Laj Johab, xyum lix Sarbia, kixtikib' rajlankileb' li tenamit, ab'anan ink'a' kixchoy, xb'aan naq a'an kixk'am chaq li tojb'amaak sa' xb'eeneb' laj Israel. Jo'kan naq ink'a' kitz'iib'aak li xk'ihaleb' sa' xhuhil li xyehom xb'aanuhom li awab'ej David.

Números 18:5

Laa'ex texb'aanunq li k'anjel re li Loq'laj Muheb'aal ut re li artal; chi jo'kan ink'a' chik taajosq'o'q li Qaawa' sa' xb'eeneb' laj Israel.

Números 11:33

Ab'an, toj wank ajwi' li xtib'el laj tonq' sa' reheb', naq kichalk xjosq'il li Qaawa' sa' xb'een li tenamit ut kixrahob'tesiheb' rik'in jun xnimal rahilal.

Salmos 141:2

Chiwulaq ta aawik'in lintij jo' xb'ook li pom. Naq ninterq'usi li wuq' chawu, jo' taxaq li mayej nayeechi'imank ewu.

Levítico 9:24

ki'elk xam b'arwi' kixk'ut rib' li Qaawa' ut kixk'at li xul li taak'atmanq raj ut li xeeb' li wank sa' xb'een li artal. Naq ke'ril a'in, chixjunileb' laj Israel ke'xjap re xb'aan xsahileb' xch'ool ut ke'xhupub' rib' sa' ch'och' chi loq'onink.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Deuteronomio 9:22

“Aran Taberá, Masá ut Kibrot-Atabá, laa'ex kechiq' xjosq'il li Qaawa'.

Números 25:13

tinxaqab' laj Pinjás ut eb' li ralal xk'ajol cho'q aj tij chi junajwa, xb'aan naq tz'aqal xinxra ut kixtoj rix xmaakeb' laj Israel”, chan li Qaawa'.

Números 1:53

ut eb' laj Leví te'xyiib' li xmuheb'aaleb' chi xsutam li Loq'laj Muheb'aal ut te'iloq re, re naq michalk xjosq'il li Qaawa' sa' xb'eeneb' laj Israel”, chan li Qaawa'.

Números 25:8

ut koho chirix li winq toj sa' li xwarib'aal ut kixpaynumiheb' chi xkab'ichaleb', li winq aj Israel ut li ixq aj Madián. Ut ch'anaamil li rahilal yookeb' chi xk'ulb'al eb' laj Israel.

Habacuc 3:5

K'amol b'e li raxkamk chiru li Qaawa' ut chirix A'an yo chi xik li kaqitiq.