Números 16:42 - Q'eqchi Bible

⁴² Chixjunil li tenamit ke'ok chi xwech'inkil laj Moisés ut laj Aharón, ut eb' a'in ke'sutq'iik sa' li Loq'laj Na'ajej. Toja' naq li Choql kimuheelank re li Loq'laj Muheb'aal ut kik'utunk xloq'al li Qaawa'.

Li Santil hu

⁴² Abanan nak eb li tenamit queꞌxchꞌutub ribeb chixcuechꞌinquil rixeb laj Moisés ut laj Aarón, nak queꞌiloc cuan cuiꞌ li tabernáculo, jun li chok quixtzꞌap li tabernáculo ut li Ka̱cuaꞌ quixcꞌutbesi lix lokꞌal.

Números 16:42 ပူးပေါင်းရင်းမြစ်များ

Números 16:19

Laj Koré kixch'utub'eb' li xkomon chire rokeb'aal li Loq'laj Na'ajej chi xwech'b'al laj Moisés ut laj Aharón. Toja' naq kik'utunk xloq'al li Qaawa' chiruheb' chixjunil li komonil,

Números 20:6

Laj Moisés ut laj Aharón ke'elk sa' li komonil, koheb' sa' rokeb'aal li Loq'laj Na'ajej ut ke'xhupub' rib' chiru ch'och' chi tijok. Ut aran kixk'ut rib' li xloq'al li Qaawa' chiruheb'.

Levítico 9:23

Chirix chik a'an laj Moisés ut laj Aharón ke'ok sa' li Loq'laj Muheb'aal ut, naq ke'elk chaq, ke'rosob'tesiheb' laj Israel. Toja' naq li Qaawa' kixk'ut rib' rik'in xnimal xloq'al chiruheb' chixjunil li tenamit:

Números 14:10

Toja' naq chixjunil li komonil ke'ok raj chi xteninkileb' chi pek, ab'an li xloq'al li Qaawa' kixk'ut rib' chiruheb' chixjunil laj Israel sa' li Loq'laj Na'ajej.

Éxodo 24:16

Li xloq'al li Qaawa' kihilank sa' xb'een li tzuul Sinaí, ut li choql kimuquk re chiru waqib' kutan. Sa' li xwuq li kutan li Qaawa' kixb'oq chaq laj Moisés toj sa' xyi li choql.

Éxodo 16:10

Toj yo ajwi' chi raatinankil chixjunileb' laj Israel, naq ke'ilok sa' xjayal li chaqich'och', ut k'utaamil chiruheb' sa' choql li xnimal xloq'al li Qaawa'.

Éxodo 16:7

ut wulaj eq'la teeril li xnimal xloq'al li Qaawa'. Xb'aan naq ak xrab'i li xwech'b'al rix eeb'aan. Ab'an aniho laa'o naq yookex chi qawech'inkil?”, chankeb'.

Números 16:43

Laj Moisés ut laj Aharón ke'wulak toj chiru li Loq'laj Na'ajej,

Números 20:2

Sa' li na'ajej a'an maak'a' ha' re te'ruk' li tenamit; jo'kan naq ke'ok chi xchoqinkil laj Moisés ut laj Aharón.