Números 16:41 - Q'eqchi Bible

⁴¹ Sa' li kutan jun chik, chixjunil li xkomonileb' laj Israel ke'xwech' laj Moisés ut laj Aharón rik'in xyeeb'al: “Laa'ex xekamsiheb' li xtenamit li Qaawa'”, chankeb'.

Li Santil hu

⁴¹ Cuulajak chic chixjunileb laj Israel queꞌxcuechꞌi rixeb laj Moisés ut laj Aarón ut queꞌxye reheb: —La̱ex quecamsiheb lix tenamit li Ka̱cuaꞌ, chanqueb.

Números 16:41 ပူးပေါင်းရင်းမြစ်များ

Salmos 106:23

Toja' naq li Qaawa' kixye naq tixsacheb' ru, ab'an laj Moisés, li sik'b'il ru xb'aan, kixram chiru naq ki'aatinak chirixeb' re naq ink'a' te'sache'q ru xb'aan li xjosq'il.

Números 14:2

Chixjunileb' laj Israel ke'xwech' rix laj Moisés ut laj Aharón, ut ke'xye reheb': “Q'axal us raj xookamk chaq Ejiipt! K'a'ut naq ink'a' xookamk sa' li chaqich'och'?

Hechos 21:28

ut ke'xjap re chi xyeeb'al: “Ex aj Israel, chooheetenq'a! A'an a'in li winq li naxtzoleb' chixjunil yalaq b'ar naq tento xtz'eqtaanankil li qatenamit, jo' ajwi' li xChaq'rab' laj Moisés ut li na'ajej a'in. Ut anaqwan kiroksiheb' ajwi' laj Griego sa' rochoch li Yos ut kixmux xloq'al li santil na'ajej a'in”.

Hechos 5:28

—Ma ink'a' tab'i' xexqachaq'rab'i chi kaw naq tik ink'a' teetzoleb' li tenamit sa' li k'ab'a'ej a'an? Ut laa'ex xenujob'resi Jerusalén rik'in leek'utum ut teeraj xteneb'ankil sa' qab'een li xkik'el li winq a'an, chan reheb'.

San Mateo 5:11

“Us xaq eere naq texhob'e'q, texrahob'tesiiq ut te'xye chixjunil li tik'ti' cherix laa'ex sa' ink'ab'a'.

Amós 7:10

Laj Amasías, aj tij aran Betel, kixtaqla xyeeb'al re laj Jerobohán, awab'ej re Israel: “Laj Amós yo xpo'b'al xch'ooleb' li tenamit Israel chawix; ut li tenamit ink'a' chik neke'xkuy rab'inkil li raatin.

Isaías 26:11

At Qaawa', ak teneb'anb'il li tojb'amaak sa' xb'eeneb', ab'anan ink'a' neke'raj xk'eeb'al reetal; ut naq te'ril li xnimal aarahom rik'in laatenamit, te'kanaaq sa' xutaan. A' taxaq li xxamlel laajosq'il chisachoq reheb' li xik' neke'ilok aawe.

Salmos 106:13

Ab'an sa' junpaat kisachk sa' xch'ooleb' li xb'aanuhom, ink'a' ke'xk'uula sa' xch'ooleb' li xnimal xk'a'uxl li Yos.

1 Reyes 18:17

ut naq kiril ru, kixye re: “Ma laa'at laj sachonel reheb' laj Israel?”.

2 Corintios 6:8

Wan naq naterq'usiik qawankil ut wan naq nokootz'eqtaanaak; wan naq nokooq'ab'aak ut wan naq chaab'il nayehe'k chiqix. Neke'xye naq aj b'alaq'o, ab'an naqaye li yaal;

Jeremías 43:3

A' laj Baruk, ralal laj Nerías, xtakchi'ink chaq aawe re qaq'axtesinkil sa' ruq'eb' laj Kaldeha, re tookamsiiq malaj took'ame'q Babilonia”.

Jeremías 38:4

Toja' naq eb' li xjolomileb' li tenamit ke'xye re li awab'ej: “Tento xkamsinkil li winq a'an, xb'aan naq, rik'ineb' li aatin naxye, naxch'ina xch'ooleb' laj puub' li toj wankeb' sa' li tenamit, ut naxch'ina ajwi' xch'ooleb' chixjunil li poyanam. Li winq a'in ink'a' naxsik' li usilal cho'q re li tenamit, a' b'an li rahilal naxsik'”.

1 Corintios 10:10

Chi moko choowech'oq, jo' wan ke'b'aanunk sa' xyanqeb' a'an, ut ke'sache'k xb'aan laj Sachonel.

San Judas 1:16

Eb' a'in aj wech'oneleb', maak'a' nawulak chiruheb'; wankeb' jo' naraj li tz'ejwalej. Neke'aatinak re xnimob'resinkil rib'eb' ut neke'q'unb'esink yal re xk'ulb'al li k'aru neke'raj.