Números 16:40 - Q'eqchi Bible

⁴⁰ A'an jun reetalil chiruheb' laj Israel naq maajun junaq li maawa' aj tij taamayejaq pom chiru li Qaawa'; juneseb' li ralal xk'ajol laj Aharón truuq te'xb'aanu a'an. Mare anchal te'xk'ul jo' laj Koré ut eb' li xkomon, jo' yeeb'il chaq xb'aan li Qaawa' re laj Moisés.

Li Santil hu

⁴⁰ Quixba̱nu laj Eleazar joꞌ quixye li Ka̱cuaꞌ re laj Moisés. Aꞌan jun retalil chiruheb laj Israel nak juneseb li ralal xcꞌajol laj Aarón naru nequeꞌxcꞌat li pom chiru li Ka̱cuaꞌ. Jalan incꞌaꞌ naru ma̱re anchal tixcꞌul joꞌ queꞌxcꞌul laj Coré ut eb li queꞌoquen chirix.

Números 16:40 ပူးပေါင်းရင်းမြစ်များ

Números 3:10

Laj Aharón ut eb' li ralal xk'ajol taaxaqab'eb' chi k'anjelak cho'q aj tij. Wi junaq li maawa' aj tij taanach'oq aran, taakamsiiq”, chan li Qaawa'.

San Judas 1:11

Ra chaalel sa' xb'eeneb', xb'aan naq xkoheb' sa' xb'e laj Kaín. Xb'aan li tumin xe'xq'axtesi rib' sa' li kib'alaq'iik wi' laj Balaham, ut xe'oso'k sa' li xq'etb'a aatin laj Koré.

Números 3:38

Sa' xjayal releb'l saq'e neke'xyiib' li xmuheb'aaleb' laj Moisés ut laj Aharón rochb'eeneb' li ralal. A'aneb' a'in li neke'ilok re li Loq'laj Na'ajej sa' xk'ab'a'eb' laj Israel. Wi junaq na'ok aran chi maawa' aj tij, taakamsiiq.

Números 1:51

Naq taajalmanq xna'aj li Loq'laj Muheb'aal, eb' laj Leví te'b'oq'oq re ut, naq te'hilanq wi' chik, a'eb' ajwi' laj Leví te'xaqab'anq re li Loq'laj Muheb'aal. Wi junaq jalan taajiloq chi xk'atq li Loq'laj Muheb'aal, taakamsiiq.

Levítico 22:10

“Maajun li maawa' xkomoneb' laj tij, naru tixtzeka li loq'laj mayej. “Maajun rula' laj tij chi moko junaq xtojb'il moos naru tixtzeka li loq'laj mayej.

Hebreos 5:4

Ut maa'ani naru tixchap li loq'laj k'anjel a'in cho'q re xjunes rib', ka'aj b'an wi' li b'oqb'il xb'aan li Yos jo' laj Aharón.

Números 16:39

Laj Elehasar kixxokeb' li xxanxaareb' li ke'kamk sa' li xam ut kixyiib' perpookil ch'iich' re xletzb'al chiru li artal.

Josué 4:7

teeye reheb': «Li xha'ul li nima' Jordán kixjach rib' chiru li xLoq'laj Kaaxil li Sumwank naq kinume'k junpak'al. Eb' li pek a'in a'an reetalil chiruheb' laj Israel, re naq jultikaq reheb' chi junelik li k'aru kixb'aanu li Yos»”.

Esdras 2:62

Eb' a'in ke'xtz'ili rix sa' xhuhil li xyo'lajikeb', ab'an ink'a' ke'tawe'k xk'ab'a'. Jo'kan naq ink'a' ke'ruuk ok cho'q aj tij.

Ezequiel 40:46

Ut li na'ajej na'ilok sa' xjayal releb'l iq', a'an xna'ajeb' laj tij neke'k'anjelak sa' li artal. A'aneb' li ralal xk'ajol laj Sadok; ut sa' xyanqeb' laj Leví, ka'ajeb' wi' a'an naru te'nach'oq rik'in li Qaawa' chi k'anjelak chiru”.

Ezequiel 43:19

Eb' laj Leví, ralal xk'ajoleb' laj Sadok, li neke'nach'ok wik'in chi k'anjelak chiwu, taak'e junaq saaj wakax cho'q xmayejeb' chirix li maak -chan li Qaawa'-.

Salmos 115:10

Ex ralal xk'ajol laj Aharón, kawaq eech'ool rik'in li Qaawa': a'an laj tenq'ahom qe, a'an li naqakol wi' qib'!