Números 16:3 - Q'eqchi Bible

³ Ke'xch'utub' rib' chi xwech'b'al laj Moisés ut laj Aharón, ut ke'xye reheb': “Jwal naxik wi' chik xb'een nekeb'aanu. Chixjunileb' li komonil santob'resinb'ileb' ut li Qaawa' wank sa' xyanqeb'. K'a'ut naq laa'ex nekek'e eewankil sa' xb'een li xkomonil li Qaawa'?”, chankeb'.

Li Santil hu

³ Queꞌxchꞌutub ribeb ut queꞌco̱eb chixcuechꞌinquil laj Moisés ut laj Aarón. Queꞌxye reheb: —Xotitzꞌ e̱riqꞌuin. Tzꞌakal li xeba̱nu la̱ex. Chixjunileb li tenamit santobresinbileb xban li Dios ut li Ka̱cuaꞌ cuan kiqꞌuin. ¿Cꞌaꞌut nak la̱ex nequeraj takla̱nc saꞌ kabe̱n la̱o lix tenamit li Ka̱cuaꞌ? chanqueb.

Números 16:3 ပူးပေါင်းရင်းမြစ်များ

Salmos 106:16

Sa' li na'ajej a'an ke'xkaqali laj Moisés, jo' ajwi' laj Aharón, li sik'b'il ru xb'aan li Qaawa'.

Números 14:14

Ut ke'xseeraq'i reheb' li wankeb' Kanahán. At Qaawa', ak neke'xnaw naq laa'at wankat sa' qayanq ut nakak'ut aawib' chiqu. Neke'xnaw naq laa'at, at Qaawa', wankat junelik sa' xb'een li tenamit a'in sa' laachoql; k'amolb'ehat chiruheb' chi kutan sa' li choql, ut chiru li q'oqyink, sa' li xam.

Éxodo 19:6

Laa'exaq jun santil tenamit, ut tex'awab'ejinq jo' aj tij». A'aneb' a'in li aatin taaye reheb' li ralal xk'ajol laj Israel”.

Números 16:7

K'ehomaq ru xam chisa' ut wulaj teek'at li pom chiru li Qaawa'. Li ani taasik'e'q ru xb'aan li Qaawa', a'anaq li santob'resinb'il. Jwal naxik wi' chik xb'een nekeb'aanu laa'ex aj Leví”.

Hechos 7:51

“Q'axal kaw leejolom, xjipo'k leech'ool jo'wi' leexik -chan laj Esteban-. Laa'ex junelik nekeq'etq'eti eerib' chiru li Santil Musiq'ej! Jo'eb' leena' leeyuwa', jo'kanex ajwi' laa'ex!

Hechos 7:39

“A'ut eb' li qana' qayuwa' ink'a' ke'raj xpaab'ankil, ke'xtz'eqtaana b'an ut ke'xsutq'isi li xch'ooleb' re xik Ejiipt,

Salmos 68:17

Ex ninqi tzuul, k'a'ut naq nekexsowenak chirix li tzuul sik'b'il ru xb'aan li Yos cho'q xna'aj? Relik chi yaal naq li Qaawa' taawanq aran chi junelik!

Esdras 9:2

Xe'sumlaak rik'ineb' li xrab'in li tenamit a'an, ut jo'kan ajwi' xe'xb'aanu eb' li ralal. Li xtenamit li Yos xe'xmux rib' rik'ineb' li jalaneb' xtenamit. Ut eb' laj k'amol b'e jo'wi' eb' laj jolominel, a'aneb' xb'een chi q'etok aatin”, chankeb'.

Números 35:34

“Meemux ru li ch'och' wankex wi' ut b'arwi' wankin ajwi' laa'in, xb'aan naq laa'in li Qaawa' ninhilank sa' xyanqeb' laj Israel”.

Números 16:11

Jo'kan naq a' li Qaawa' nekewech' rix laa'at ut eb' laakomon. Ani laj Aharón naq yooqex chi aatinak chirix?”.

Números 5:3

Taawisiheb' sa' li na'ajej, a' yaal ma winq malaj ixq; taawisiheb' sa' li na'ajej a'in re naq ink'a' te'xmux li xmuheb'aaleb' b'arwi' wankin sa' xyanqeb'”, chan.

Números 16:41

Sa' li kutan jun chik, chixjunil li xkomonileb' laj Israel ke'xwech' laj Moisés ut laj Aharón rik'in xyeeb'al: “Laa'ex xekamsiheb' li xtenamit li Qaawa'”, chankeb'.

Números 23:21

Maak'a' maa'usilal nawil rik'in laj Jakob, maak'a' li ch'a'ajkilal xintaw rik'in laj Israel. Li Qaawa' a'an li xYos laj Israel, ut junelik wank rik'ineb'. Sa' xyanqeb' a'an na'ab'imank naq xaqxo xwankil jun li awab'ej.