Números 16:29 - Q'eqchi Bible

²⁹ Wi te'kamq eb' li winq a'in jo' naq nakamk yalaq ani, a'an reetalil naq ink'a' xinxtaqla chaq li Qaawa'.

Li Santil hu

²⁹ Cui eb li cui̱nk aꞌin teꞌca̱mk joꞌ nak nequeꞌcam chixjunileb li cristian, aꞌan retalil nak li Ka̱cuaꞌ incꞌaꞌ quinixtakla chixba̱nunquil li cꞌaꞌru ninba̱nu.

Números 16:29 ပူးပေါင်းရင်းမြစ်များ

Lamentaciones 4:22

At tenamit Sión, ak xatoj rix laamaak; li Qaawa' ink'a' chik tatxk'am sa' najtil tenamit. A'ut laa'at, Edom, li Yos taak'ajtesinq aawu, ut tixk'e chi kutankil chixjunil laamaa'usilal!

1 Reyes 22:28

Kichaq'ok laj Mikeas: “Wi tatsutq'iiq chaq chi yo'yo, a'an reetalil naq maawa' li Qaawa' x'aatinak chi xtz'uumal we”.

Jeremías 5:9

Ma ink'a' tab'i' tink'eheb' chi xtojb'al rix li maak a'an? Ma ink'a' tink'ajtesi ru li tenamit li jo'kan naxb'aanu? -chan li Qaawa'-.

Isaías 10:3

K'aru teeb'aanu naq taachalq li raqb'a aatin sa' eeb'een, naq toj chi najt taachalq chaq li raaxiik'? Ani teepatz' wi' eetenq'ankil ut b'ar teekanab' leeb'ihomal?

Eclesiastés 3:19

Relik chi yaal naq laa'o ut eb' li xul juntaq'eet naqak'ul: aajel ru li musiq'ej re naq yo'yooqo, ut teneb'anb'il kamk sa' qab'een chiqajunilo. Li winq maak'a' naxq'ax wi' ru li xul, xb'aan naq maak'a' rajb'al chixjunil.

Li xHu LAJ JOB 35:15

Laa'at nakaye naq ink'a' najosq'o'k ut ink'a' narahob'tesink, chi moko naxk'e reetal li maa'usilal.

2 Crónicas 18:27

Kichaq'ok laj Mikeas: “Wi tatsutq'iiq chaq chi yo'yo, a'an reetalil naq maawa' li Qaawa' x'aatinak chi xtz'uumal we”.

Éxodo 32:34

Ayu ut k'ameb' li tenamit b'arwi' xinye aawe; k'amolb'ehaq chawu lin'ánjel. Ab'an naq taawulaq xq'ehil, tinrahob'tesiheb' xb'aan naq xe'maakob'k”.

Éxodo 20:5

“Maahupub' aawib' chiruheb' chi moko taaloq'oniheb' ru. Xb'aan naq laa'in li Qaawa' laaYos, laa'in jun Yos aj sowen: ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i li xik' neke'ilok we;

Apocalipsis 11:5

Wi wank junaq taa'ajoq raj xrahob'tesinkileb', taa'elq chaq xam sa' reheb' ut tixnuq'eb' li xik' neke'ilok reheb'. Jo'ka'in naq taakamsiiq yalaq ani taa'ajoq xrahob'tesinkileb'.

1 Reyes 18:36

Sa' xhonalil li mayejak, laj Elías li propeet kijilok ut kixye: “At Qaawa', xYos laj Abrahán, laj Isahak ut laj Israel: chik'utunq anaqwan naq laa'at li xYos laj Israel ut laa'in aj k'anjel chawu, ut laa'at xattaqlank we chi xb'aanunkil chixjunil a'in.