Números 15:8 - Q'eqchi Bible

⁸ Ut wi laamayej chiru li Qaawa' a'an jun saaj wakax cho'q aak'atb'il mayej malaj re xk'amb'al wi' chik aawib' sa' usilal rik'in li Yos, sa' xk'ab'a' junaq aayeechi'om,

Li Santil hu

⁸ Nak te̱qꞌue jun li toro toj sa̱j chokꞌ re e̱cꞌatbil mayej, malaj ut re li mayej re xba̱nunquil li cꞌaꞌru xeyechiꞌi, malaj ut re xcꞌambal e̱rib saꞌ usilal riqꞌuin li Ka̱cuaꞌ,

Números 15:8 ပူးပေါင်းရင်းမြစ်များ

Levítico 3:1

“Wi ani tixchap chaq sa' xyanqeb' li xketomq junaq ixqi wakax malaj ut teelom wakax re xyeechi'inkil chiru li Qaawa' jun li mayej re k'amok ib' sa' usilal rik'in li Yos, li xul taayeechi'imanq tento naq maak'a'aq reek'.

Levítico 1:3

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xwakax, tento naq a'anaq jun teelom wakax li maak'a' reek'. Ut tento tixyeechi'i sa' rokeb'aal li Loq'laj Muheb'aal, re naq k'ulb'ilaq xb'aan li Qaawa',

Levítico 1:9

Ani tixyeechi'i k'atb'il xul cho'q xmayej tento tixch'aj rik'in ha' li xk'amk'ot ut li ra' li xul, ut laj tij tixk'at chixjunil sa' xb'een li artal. A'an jun k'atb'il mayej jwal sununk xb'ook chiru li Qaawa'.

Levítico 3:5

Eb' laj tij te'xk'at chixjunil a'in sa' xb'een li artal rochb'een li xul li taak'atmanq sa' xb'een li si' yo xxamlel, jo' k'atb'il mayej sununk xb'ook chiru li Qaawa',

Levítico 22:21

“Yalaq ani tixq'axtesi junaq mayej chiru li Qaawa' re k'amok ib' sa' usilal, us ta yal re xpaab'ankil junaq yeechi'inb'il aatin malaj ut yal x'alajik sa' xch'ool, tento tixq'axtesi junaq teelom wakax malaj ut karneer li tz'aqal re ru, re naq k'ulb'ilaqeb' chiru li Yos.

Números 8:8

Chirix chik a'an, te'xk'e junaq wakax rochb'een li k'aj yoq'inb'il rik'in aseeyt, ut laa'at taak'e jun chik li wakax re xmayejankil chirix li kuyuk maak.

Números 15:7

ut numenaq jun liitr li b'iin, ut taayeechi'i a'an cho'q sununkil mayej chiru li Qaawa'.

Números 15:9

tento naq taayeechi'iiq ajwi' oxlaju liib'r chi k'aj yoq'inb'il rik'in waqxaqib' sek' chi aseeyt, jalan wi' chiru li saaj wakax xayeechi'i,

Números 15:24

“Wi xeq'et li chaq'rab' sa' komonil chi ink'a' nekenaw, chixjunil li tenamit tento te'xmayeja junaq saaj wakax jo' k'atb'il mayej jwal sununk chiru li Qaawa', rochb'een li mayej k'aj ut li b'iin, jo'wi' jun chib'aat cho'q re li kuyuk maak.