Números 15:24 - Q'eqchi Bible

²⁴ “Wi xeq'et li chaq'rab' sa' komonil chi ink'a' nekenaw, chixjunil li tenamit tento te'xmayeja junaq saaj wakax jo' k'atb'il mayej jwal sununk chiru li Qaawa', rochb'een li mayej k'aj ut li b'iin, jo'wi' jun chib'aat cho'q re li kuyuk maak.

Li Santil hu

²⁴ Cui xexpaltoꞌ chi incꞌaꞌ yal naraj e̱chꞌo̱l, tento nak che̱junilex te̱qꞌue chokꞌ e̱cꞌatbil mayej jun li toro toj sa̱j chokꞌ sununquil mayej li ta̱cuulak chicuu. Ut te̱qꞌue rochben li mayej cꞌaj ut li mayej vino. Ut te̱qꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c.

Números 15:24 ပူးပေါင်းရင်းမြစ်များ

Levítico 4:23

Naq tixk'e reetal li maak xb'aanu, tento tixk'am cho'q xmayej junaq teelom chib'aat li maak'a'aq reek'.

Números 28:15

Taayeechi'i ajwi' re li Qaawa', chirix li kuyuk maak, jun teelom chib'aat rochb'een li b'iin ut li k'atb'il mayej nakak'e rajlal kutan.

Levítico 5:15

“Li poyanam taamaakob'q chi ink'a' rajom xch'ool ut taak'utunq naq wank xmaak xb'aan naq xb'alaq'ik sa' li k'a'aq ru jwal loq' chiru li Qaawa', tento tixchap chaq junaq reheb' li xkarneer li maak'a' reek', tixk'e cho'q xmayej re xtojb'al rix li xmaak, ut tixk'am chiru li Qaawa'. Li xtz'aq li karneer tento xb'irb'al rix chi plaat, jo' tz'aqal neke'b'isok sa' li Loq'laj Na'ajej b'arwi' na'uxk li mayejak chirix li maak.

Esdras 8:35

Moqon chik eb' li ke'sutq'iik wi' chik Jerusalén ke'xyeechi'i k'atb'il mayej re li xYos laj Israel: kab'laju chi saaj wakax sa' xk'ab'a' chixjunil Israel, waqlaju ro'k'aal (96) chi saaj wakax, wuqlaju xkaak'aal (77) chi karneer ut kab'laju chi kok' wakax re xpatz'b'al xkuyb'al xmaakeb'. Ut chixjunil a'an ke'xk'at chiru li Qaawa' cho'q xmayejeb'.

Esdras 6:17

Sa' li kutan a'an ke'xmayeja o'k'aal (100) chi teelom wakax, lajeek'aal (200) chi chib'aat, jun o'q'ob' (400) chi karneer, jo'wi' kab'laju teelom chib'aat cho'q loq'laj mayej chirix xmaakeb' chixjunileb' laj Israel, jo' chanru xk'ihal li xteepaleb'.

Levítico 4:2

“Ye reheb' laj Israel: Wi ani taamaakob'q chi moko rajom ta xch'ool, tixq'et junaq xchaq'rab' li Qaawa' ut tixb'aanu li ink'a' raj naru xb'aanunkil, kama'in taab'aanumanq chirix:

Levítico 4:22

“Wi junaq laj jolominel taamaakob'q ut tixq'et xchaq'rab' li Qaawa' li xYos, a'an wank xmaak, us ta ink'a' rajom xch'ool naq xmaakob'k.

Levítico 5:18

Tento tixchap junaq reheb' li xkarneer li maak'a'aq reek' (ut li xtz'aq laa'at tatb'iroq rix), ut tixk'am rik'in laj tij cho'q mayej chirix li maak, re naq chi jo'kan taawanq xkuyb'al xmaak li poyanam a'an, li xmaakob'k chi ink'a' rajom xch'ool, ut li xmaak taakuye'q.

Números 15:23

chalen chaq sa' li xb'een kutan toj anaqwan, re naq teepaab' laa'ex ut leeralal eek'ajol. Wi teeq'et, chi ink'a' rajom eech'ool, tento teeb'aanu chi jo'kan:

Números 15:26

Chi jo'kan taakuymanq xmaak li xkomonileb' laj Israel jo' ajwi' li xmaakeb' laj ab'l tenamit wankeb' sa' eeyanq, xb'aan naq chixjunil li tenamit xe'maakob'k chi ink'a' xe'xk'e reetal.

Levítico 23:19

“Teeyeechi'i ajwi' junaq chib'aat jo' mayej chirix li maak ut wiib'aq karneer aj junq chihab', jo' mayej re li k'amok ib' sa' usilal.