Números 15:15 - Q'eqchi Bible

¹⁵ Li chaq'rab' a'in k'eeb'il eere laa'ex jo' ajwi' reheb' laj ab'l tenamit. A'an jun chaq'rab' chi junajwa cho'q reheb' leeralal eek'ajol: juntaq'eet cho'q eere laa'ex ut cho'q re li jalan xtenamit.

Li Santil hu

¹⁵ Li chakꞌrab aꞌin qꞌuebil e̱re la̱ex ut qꞌuebil ajcuiꞌ reheb li jalaneb xtenamit li cuanqueb saꞌ e̱ya̱nk. Aꞌin jun li chakꞌrab te̱ba̱nu chi junelic la̱ex joꞌ eb ajcuiꞌ li jalaneb xtenamit li cuanqueb saꞌ e̱ya̱nk.

Números 15:15 ပူးပေါင်းရင်းမြစ်များ

Números 15:29

Jun ajwi' li chaq'rab' wanq cho'q reheb' laj Israel ut cho'q reheb' laj ab'l tenamit li wankeb' sa' eeyanq: maak'a' chik junaq chaq'rab' cho'q reheb' li neke'maakob'k chi ink'a' xe'xk'e reetal.

Números 9:14

“Ut wi sa' eeyanq laa'ex wank junaq aj jalan tenamit, a'an ajwi' tento tixninq'ehi li Paswa sa' xk'ab'a' li Qaawa'. Jun paayaq ajwi' li mayejak sa' eeyanq, jo' cho'q re li jalan xtenamit jo' ajwi' cho'q laj ral ch'och'”.

Éxodo 12:49

Juntaq'eetaq li chaq'rab' cho'q eere ut cho'q reheb' li jalaneb' xtenamit li wanqeb' sa' eeyanq”.

Gálatas 3:28

Maak'a' chik aj judiiy chi moko aj griego; maak'a' chik aj loq'b'il k'anjel chi moko aj ach'ab'anb'il k'anjel; maak'a' chik winq chi moko ixq, xb'aan naq chejunilex laa'ex junex aj chik rik'in li Kristo Jesus.

1 Samuel 30:25

Chalen sa' li kutan a'an toj anaqwan, jo'kan neke'xb'aanu eb' laj Israel; a'an li xchaq'rab'eb'.

Números 10:8

Eb' laj tij, li ralaleb' laj Aharón, a'aneb' li te'yaab'asinq reheb' li tronpeet. Ut a'inaq jun chaq'rab' chi junajwa cho'q eere ut cho'q reheb' leeralal eek'ajol.

Levítico 24:22

“Li chaq'rab' li wank xwankil sa' xb'een laj ralch'ochl, a'an ajwi' li wanq xwankil sa' xb'een laj ab'l tenamit, xb'aan naq laa'in li Qaawa', leeYos”.

Éxodo 12:43

Kixye li Qaawa' re laj Moisés ut re laj Aharón: “A'an a'in leetaqlankil chirix li Paswa: Maajun jalan xtenamit taatzekanq re li tzekemq a'in.

Éxodo 12:24

Chepaab' leetaqlankil a'in jo' chaq'rab' xaqxo chi junajwa cho'q eere ut reheb' leeralal eek'ajol.

Éxodo 12:14

Li kutan a'an a'anaq xnimal ru kutan cho'q eere, ut laa'ex teenima junelik rik'in jun ninq'e sa' xk'ab'a' li Qaawa'. Teexaqab' chi junajwa cho'q xnimal ru ninq'e.

Colosenses 3:11

Arin maak'a' chik aj griego ut aj Judiiy, maak'a' chik li xk'ulum li sirkunsisyon ut li ink'a', maak'a' chik li jalan xtenamit, li ch'ol winq, laj loq'b'il k'anjel ut li ach'ab'anb'il, a' b'an li Kriist a'an chixjunil ut wank sa' chixjunileb'.

Números 18:8

Kixye li Qaawa' re laj Aharón: “Laa'in tink'e chawil li mayej nak'eemank we. Chixjunil li loq'laj mayej nayeechi'imank we xb'aaneb' laj Israel, tink'e aawe ut cho'q reheb' laawalal; a'anaq eereechanihom chi junajwa.

Números 15:14

“Ut wi wank junaq jalan xtenamit sa' eeyanq malaj sa' xyanqeb' leeralal eek'ajol li te'wanq moqon, ut naraj xyeechi'inkil xk'atb'il mayej jwal sununk chiru li Qaawa', tento tixb'aanu jo' nekeb'aanu laa'ex.

Éxodo 28:43

Tento naq laj Aharón ut eb' li ralal te'wanq xweexeb' naq te'ok sa' li xMuheb'aal li ch'utam malaj naq te'nach'oq rik'in li artal chi k'anjelak sa' li Loq'laj Na'ajej; chi jo'kan ink'a' te'paltoq ut ink'a' te'kamq. Teneb'anb'ilaq chi junajwa li chaq'rab' a'in sa' xb'een laj Aharón ut eb' li ralal xk'ajol.

Josué 8:33

Toja' naq li jo'k'ihaleb' wankeb' aran, eb' laj Israel jo'wi' li jalan xtenamiteb', eb' li cheekel winq, eb' laj tz'iib' ut eb' laj raqol aatin ke'xaqliik sa' xka'pak'alil li Loq'laj Kaax, chiruheb' laj tij aj Leví aj k'amoneleb' re li xLoq'laj Kaaxil li Sumwank: jun yiijach chiru li tzuul Karisín ut li jun yiijach chik chiru li tzuul Ebal. Ke'xb'aanu jo' kiyehe'k reheb' junxil xb'aan laj Moisés, aj k'anjel chiru li Qaawa', naq kirosob'tesiheb' xb'ensut li tenamit Israel.

Ester 9:27

eb' laj Judiiy ke'xxaqab' xwankil li chaq'rab' a'in cho'q reheb' ut cho'q reheb' li ralal xk'ajoleb' ut eb' li te'okenq cho'q aj Judiiy: ke'xye naq tento taawanq li ninq'e a'in rajlal chihab', tz'aqal sa' xkutankil, jo' tz'iib'anb'il sa' li hu.