Números 15:14 - Q'eqchi Bible

¹⁴ “Ut wi wank junaq jalan xtenamit sa' eeyanq malaj sa' xyanqeb' leeralal eek'ajol li te'wanq moqon, ut naraj xyeechi'inkil xk'atb'il mayej jwal sununk chiru li Qaawa', tento tixb'aanu jo' nekeb'aanu laa'ex.

Li Santil hu

¹⁴ Joꞌcan ajcuiꞌ eb li jalaneb xtenamit li cuanqueb saꞌ e̱ya̱nk, joꞌ ajcuiꞌ li yal numecꞌ reheb. Teꞌxba̱nu joꞌ nequeba̱nu la̱ex nak teꞌxqꞌue lix cꞌatbil mayej. Ut aꞌanak jun sununquil cꞌatbil mayej ta̱cuulak chicuu. Teꞌxba̱nu chi joꞌcan anakcuan joꞌ eb ajcuiꞌ li ralal xcꞌajol li teꞌcua̱nk mokon.

Números 15:14 ပူးပေါင်းရင်းမြစ်များ

Levítico 22:18

“Aatinan rik'in laj Aharón, rik'ineb' li ralal xk'ajol jo'wi' chixjunileb' laj Israel ut ye reheb': Wi junaq reheb' laj Israel malaj ut aj ab'l tenamit li wanq sa' xyanqeb' tixq'axtesi chiru li Qaawa' junaq k'atb'il xul cho'q mayej, mare yal re xpaab'ankil junaq yeechi'inb'il aatin malaj ut yal x'alajik sa' xch'ool,

Números 15:13

A'an a'in te'xb'aanu chixjunileb' laj Israel, naq te'xmayeja xk'atb'il mayej li jwal sununk chiru li Qaawa'.

Números 15:15

Li chaq'rab' a'in k'eeb'il eere laa'ex jo' ajwi' reheb' laj ab'l tenamit. A'an jun chaq'rab' chi junajwa cho'q reheb' leeralal eek'ajol: juntaq'eet cho'q eere laa'ex ut cho'q re li jalan xtenamit.

Levítico 22:25

Chi moko teek'ul chiru junaq aj ab'l tenamit eb' li xul a'in jo' tzekemq cho'q re leeYos, xb'aan naq wankeb' xyajel ut ink'a' te'k'ulmanq eeb'aan”.

1 Reyes 8:42

(xb'aan naq xe'rab'i resil li xnimal laak'ab'a' ut laawankil),