Números 14:31 - Q'eqchi Bible

³¹ A'ut eb' leeralal eek'ajol, li keye naq te'kamsiiq xb'aaneb' li xik' neke'ilok eere, twoksiheb' aran ut te'xyal xsahil li ch'och' li xetz'eqtaana laa'ex.

Li Santil hu

³¹ Abanan le̱ ralal e̱cꞌajol li queye nak teꞌchapekꞌ xbaneb li xicꞌ nequeꞌiloc e̱re, aꞌan eb li tebinqꞌue chi cua̱nc aran saꞌ li naꞌajej li xetzꞌekta̱na.

Números 14:31 ပူးပေါင်းရင်းမြစ်များ

Deuteronomio 1:39

Ab'an leekok'al li kek'oxla laa'ex naq te'sache'q ru, a'eb' leeralal eek'ajol li toj maji' neke'xnaw li us ut li ink'a' us, a'an yaal naq te'ok aran. A'aneb' li tinq'axtesi wi' li na'ajej, ut a'aneb' te'eechaninq re.

Salmos 106:24

Ke'xtz'eqtaana li chaab'il ch'och' ut ink'a' ke'xpaab' raatin li Yos.

Números 26:64

Sa' xyanqeb' chixjunileb' a'an maajuneb' chik li ke'k'eemank sa' ajl naq laj Moisés ut laj Aharón ke'rajlaheb' chaq eb' laj Israel sa' li chaqich'och' re Sinaí,

Números 26:6

laj Jesrón ut laj Karmí.

Números 14:3

K'a'ut naq li Qaawa' xooxk'am chaq sa' li na'ajej a'in? Ma yal re naq tookamq chiru q'esnal ch'iich'? Ma yal re naq eb' li qixqilal ut eb' li qalal qak'ajol te'k'anjelaq chiruheb' li xik' neke'ilok qe? Ma ink'a' raj us naq toosutq'iiq wi' chik Ejiipt?”, chankeb'.

Hechos 13:41

«K'ehomaq reetal laa'ex li nekextz'eqtaanank; chisachq eena'leb' ut chexmuqunq, xb'aan naq chiru leeyu'am tinb'aanu jun xnimal ru b'aanuhom, ut a'an ink'a' raj teepaab', us ta taaseeraq'iiq eere»”.

San Mateo 22:5

A'ut eb' a'an ink'a' ke'raj rab'inkil ut koheb': wan koho sa' xk'al, wan koho chi yakok;

Proverbios 1:30

Ink'a' xeraj rab'inkil li waatin chi moko xepaab' linq'usum.

Proverbios 1:25

Xetz'eqtaana b'an chixjunileb' li waatin ut ink'a' xeraj xk'ulub'ankil linq'usum.

Génesis 25:34

Toja' naq laj Jakob kixk'e xwa ut jun sek' chi juyb'il maxkenq' re laj Esaú, ut a'an kiwa'ak ki'uk'ak. Kixaqliik ut koho. Jo'ka'in naq laj Esaú kixtz'eqtaana li xb'eenil alalb'ejil.

Ezequiel 20:18

«Toja' naq kintz'aama chiruheb' li ralal xk'ajoleb', sa' li chaqich'och', naq ink'a' te'xtaaqe xb'e li xna' xyuwa'eb', chi moko te'xpaab' li raatineb' malaj te'xtz'ajni rib' rik'ineb' li jalanil yos.

Josué 5:7

A'eb' chik li ralal xk'ajoleb' ke'kanaak cho'q reeqajeb' xb'aan naq jo'kan yeeb'il xb'aan li Yos. Laj Josué kixb'aanu li sirkunsisyon reheb' xb'aan naq maji' uxb'il reheb' chiru li xb'eenikeb'.

Nehemías 9:24

Naq koxe'okaq ut ke'reechani li xna'ajeb' laj Kanahán, laa'at kaputz'iheb' li wankeb' sa' li tenamit a'an, kaq'axtesiheb' li x'awab'ejeb' ut eb' li poyanam sa' ruq'eb' laj Israel, re naq te'xb'aanu reheb' li te'raj.