Números 14:22 - Q'eqchi Bible

²² tinye aawe naq maajun reheb' li xe'ilok linloq'al ut eb' li xninqal eetalil kinb'aanu aran Ejiipt ut sa' li chaqich'och', a'eb' li xe'yalok wix chiru lajeeb' wa ut ink'a' xe'raj rab'inkil xyaab' linkux,

Li Santil hu

²² tinye a̱cue nak ma̱ jun reheb li cui̱nk aꞌin li xeꞌcuechꞌin cue teꞌoc saꞌ li naꞌajej li quinyechiꞌi reheb. Eb aꞌan queꞌril lin lokꞌal ut queꞌril ajcuiꞌ li sachba chꞌo̱lej li quinba̱nu aran Egipto joꞌqueb ajcuiꞌ li sachba chꞌo̱lej li quinba̱nu saꞌ li chaki chꞌochꞌ. Abanan nabal sut queꞌxyal cuix ut incꞌaꞌ queꞌxba̱nu li cꞌaꞌru quinye reheb.

Números 14:22 ပူးပေါင်းရင်းမြစ်များ

Li xHu LAJ JOB 19:3

Ak lajeeb' sut xineehob'. Ma ink'a' nekexxutaanak chintz'eqtaanankil chi jo'kan?

Salmos 106:26

Toja' naq A'an kixtaqsi li ruq' ut kixye sa' jurament naq toxkamsiheb' sa' li chaqich'och',

Génesis 31:7

ut a'an xinxb'alaq'i ut lajeeb' sut xjalaxi lintojb'al. Ab'an linYos xinxtenq'a, ut leeyuwa' ink'a' xru xb'aanunkil li ink'a' us we.

Éxodo 32:1

Naq eb' li tenamit ke'xk'e reetal naq laj Moisés yo chaq chi b'ayk chi kub'eek sa' li tzuul, ke'xch'utub' rib' chi xsutam laj Aharón ut ke'xye re: “Seeb'an, yiib' junaq qayos li taak'amoq b'e chiqu, xb'aan naq ink'a' naqanaw k'aru xk'ul chaq laj Moisés, li ki'isink chaq qe sa' li tenamit Ejiipt”, chankeb'.

Éxodo 17:2

Toja' naq ke'ok chi xwech'inkil laj Moisés: “K'e quk'a'”, chankeb'. Kichaq'ok laj Moisés ut kixye reheb': “K'a'ut naq yookex chinwech'inkil? K'a'ut naq nekeyal rix li Qaawa'?”.

Hebreos 3:9

Aran leena' leeyuwa' kine'raale chaq ut ke'xyal chaq wix, us ta ak rilomeb' chaq linb'aanuhom chiru ka'k'aal chihab'.

1 Corintios 10:9

Miqayal rix li Qaawa', jo' wan ke'b'aanunk sa' xyanqeb' a'an, ut ke'sache'k xb'aaneb' li k'anti'.

1 Corintios 10:5

Ab'an q'axal naab'al reheb' a'an ink'a' kiwulak chiru li Yos li xna'leb'eb', ut ke'kanab'aak chi kamenaqeb' sa' li chaqich'och'.

San Mateo 4:7

Kichaq'ok li Jesus ut kixye: —Tz'iib'anb'il ajwi': «Maayal rix li Qaawa' laaYos».

Malaquías 3:15

Laa'o xqak'e reetal naq saheb' sa' xch'ool eb' li q'etq'et, ut jwal us neke'elk li yib'ru xna'leb'eb' rik'in xb'aanunkil li maa'usilal: us ta neke'xyal rix li Yos, maajun rahilal neke'xk'ul»”.

Salmos 106:14

Naq wankeb' aran sa' li chaqich'och', k'ajo' naq ke'ok chi atawank, ut ke'xyal rix li Qaawa' sa' li junesal na'ajej.

Números 14:11

Ut li Qaawa' kixye re laj Moisés: “Jo' najtil chik tinkuy lintz'eqtaanankil xb'aaneb' li tenamit a'in? Jo' najtil chik ink'a' tine'xpaab', us ta naab'aleb' li sachb'ach'oolej inb'aanuhom sa' xyanqeb'?

Éxodo 14:11

Ut ke'xye re laj Moisés: “Ma maak'a' tab'i' muqleb'aal kamenaq aran Ejiipt? K'a' naq xoohaak'am chaq chi kamk sa' li chaqich'och'? K'aru rajb'al naq xoohaawisi chaq Ejiipt?

Génesis 31:41

Jo'ka'in naq xinwank chiru junmay chihab' sa' laawochoch: kaalaju chihab' xink'anjelak chirixeb' laawiib' chi rab'in ut waqib' chihab' chirixeb' laaketomq. Lajeeb' sut xajalaxi lintojb'al!

Éxodo 5:21

ut ke'xye reheb': “Li Qaawa' taxaq chik'ehoq reetal li k'aru xeb'aanu ut chiraqoq aatin sa' eeb'een. Eemaak laa'ex naq laj Parahón ut eb' laj k'anjel chiru yookeb' xjosq'il sa' qab'een. Tz'aqal laa'ex xexk'ehok jun ch'iich' sa' ruq'eb' re naq toohe'xkamsi”.

Éxodo 15:24

Ut eb' li tenamit ke'ok chi wech'ink chiru laj Moisés: “K'aru taaquk'?”, chankeb'.

Éxodo 16:2

Ut aran sa' li chaqich'och' chixjunil li xkomonileb' laj Israel ke'xtikib' xwech'inkil rix laj Moisés ut laj Aharón;

Éxodo 17:3

Ab'an k'ajo' naq te'chaqiq reheb' li tenamit. Jo'kan naq ke'ok wi' chik chi xwech'inkil laj Moisés: “K'a'ut naq xoohaawisi chaq Ejiipt? Ma re qakamsinkil xb'aan chaqi'eel, laa'o, eb' li qalal qak'ajol ut eb' li qaketomq?”, chankeb'.

Éxodo 17:7

Masá ut Meribá kixk'e cho'q xk'ab'a' li na'ajej a'an, xb'aan naq eb' laj Israel ke'xwech'i ut ke'xyal rix li Qaawa': “Ma wank li Qaawa' sa' qayanq malaj ink'a'?”, chankeb'.

Números 11:1

Sa' jun kutan eb' laj Israel ke'ok chi xwech'inkil rix li Qaawa' xb'aan li ch'a'ajkilal wankeb' wi'. Naq kirab'i a'an li Qaawa', k'ajo' naq kichalk xjosq'il ut kixk'at li junqre li na'ajej wankeb' wi'.

Números 11:4

Sa' xyanqeb' laj Israel wankeb' laj ab'l tenamit li junes wa'ak neke'xk'oxla. Toja' naq eb' laj Israel ke'ok chi wech'ink rik'in xyeeb'al: “Ani tawi' tk'ehoq qatib' re tqatzeka?

Números 12:1

Lix María ut laj Aharón ke'ok xwech'inkil rix laj Moisés, xb'aan naq kixk'am cho'q rixaqil jun li ixq aj Etiopía.

Números 14:2

Chixjunileb' laj Israel ke'xwech' rix laj Moisés ut laj Aharón, ut ke'xye reheb': “Q'axal us raj xookamk chaq Ejiipt! K'a'ut naq ink'a' xookamk sa' li chaqich'och'?

Deuteronomio 9:7

“Chijultiko'q eere ut misachk sa' leech'ool naq kechiq' xjosq'il li Qaawa' leeYos sa' li chaqich'och': chalen naq kex'elk chaq Ejiipt toj reetal kexk'ulunk sa' li na'ajej a'in, junelik keq'etq'eti eerib' chiru li Qaawa'.

Salmos 78:41

Ke'ok wi' chik chi xyalb'al rix li Qaawa' ut ke'xchiq' xjosq'il li xSant laj Israel.

Daniel 1:20

Chirix chixjunil li chaab'il na'leb' malaj seeb'al k'a'uxej li naraj xnawb'al li awab'ej, eb' li kaahib' chi saaj winq a'an q'axal chik ke'tawe'k naq wankeb' xna'leb' chiruheb' chixjunil: lajeeb' wa chik neke'xq'ax ruheb' laj q'e ut eb' li neke'nawalink sa' chixjunil li x'awab'ejilal laj Nabukodonosor.

Números 32:12

Ka'ajeb' wi' laj Kaleb, ralal laj Jefuné aj Kenís, ut laj Josué, ralal laj Nun, naru te'ok xb'aan naq ke'xpaab' li Qaawa' chi anchaleb' xch'ool.

Isaías 42:20

Naab'al li k'a'aq re ru aawilom, ab'an maajun xataw xyaalal; q'es raj laaxik chi ab'ink, ab'an maak'a' nakawab'i.