Números 14:2 - Q'eqchi Bible

² Chixjunileb' laj Israel ke'xwech' rix laj Moisés ut laj Aharón, ut ke'xye reheb': “Q'axal us raj xookamk chaq Ejiipt! K'a'ut naq ink'a' xookamk sa' li chaqich'och'?

Li Santil hu

² Ut queꞌxcuechꞌi rix laj Moisés ut laj Aarón ut chixjunileb yo̱queb chixyebal: —Kꞌaxal us raj nak saꞌ li tenamit Egipto ta xocam chak malaj ut us raj toca̱mk arin saꞌ li chaki chꞌochꞌ.

Números 14:2 ပူးပေါင်းရင်းမြစ်များ

Éxodo 15:24

Ut eb' li tenamit ke'ok chi wech'ink chiru laj Moisés: “K'aru taaquk'?”, chankeb'.

Números 16:41

Sa' li kutan jun chik, chixjunil li xkomonileb' laj Israel ke'xwech' laj Moisés ut laj Aharón rik'in xyeeb'al: “Laa'ex xekamsiheb' li xtenamit li Qaawa'”, chankeb'.

Éxodo 17:3

Ab'an k'ajo' naq te'chaqiq reheb' li tenamit. Jo'kan naq ke'ok wi' chik chi xwech'inkil laj Moisés: “K'a'ut naq xoohaawisi chaq Ejiipt? Ma re qakamsinkil xb'aan chaqi'eel, laa'o, eb' li qalal qak'ajol ut eb' li qaketomq?”, chankeb'.

San Judas 1:16

Eb' a'in aj wech'oneleb', maak'a' nawulak chiruheb'; wankeb' jo' naraj li tz'ejwalej. Neke'aatinak re xnimob'resinkil rib'eb' ut neke'q'unb'esink yal re xk'ulb'al li k'aru neke'raj.

1 Corintios 10:10

Chi moko choowech'oq, jo' wan ke'b'aanunk sa' xyanqeb' a'an, ut ke'sache'k xb'aan laj Sachonel.

Jonás 4:8

ut naq ki'elk chaq li saq'e, li Yos kixtaqla chaq jun tiqwal iq'. K'ajo' naq kitawasiik laj Jonás xb'aan xtiqwal li saq'e: kichalk xlub'ik ut kixpatz' li xkamik: “Q'axal us li kamk cho'q we chiru naq yo'yooqin”, chan.

Jonás 4:3

Jo'kan, at Qaawa', nintz'aama chawu naq isi linyu'am sa' li ruuchich'och'. Q'axal us naq tinkamq chiru naq yo'yooqin”, chan laj Jonás.

Salmos 106:24

Ke'xtz'eqtaana li chaab'il ch'och' ut ink'a' ke'xpaab' raatin li Yos.

Deuteronomio 1:27

ut ketikib' wech'ink sa' leemuheb'aal chi jo'ka'in: «Ink'a' nokooraj li Qaawa'. Jo'kan naq koorisi chaq Ejiipt re qaq'axtesinkil sa' ruq'eb' laj Amor yal re qasachb'al.

Números 11:15

Wi jo'kan yooqat we, q'axal us naq taawisi linyu'am, wi yaal naq nikinaara. Chi jo'kan ink'a' chik tin'iloq rahilal jo' li yookin chi xk'ulb'al anaqwan”, chan laj Moisés.

Números 11:1

Sa' jun kutan eb' laj Israel ke'ok chi xwech'inkil rix li Qaawa' xb'aan li ch'a'ajkilal wankeb' wi'. Naq kirab'i a'an li Qaawa', k'ajo' naq kichalk xjosq'il ut kixk'at li junqre li na'ajej wankeb' wi'.

Salmos 106:45

Kijultiko'k re li Sumwank kixk'ojob' rik'ineb', ut kixtoq'ob'a ruheb' jo' chanru li xnimal xrahom.

Li xHu LAJ JOB 3:11

K'a'ut naq ink'a' kinkamk naq kin'elk rik'in linna', sa' xkutankil linyo'lajik?

1 Reyes 19:4

Chirix chik a'an jun kutan kib'eek xjunes sa' li chaqich'och', toj reetal kiwulak ut kihilank rub'el jun toon chi che'. Aran q'axal kixrahi li kamk ut kixye: “Tz'aqalaq li rahilal a'in, at Qaawa'! Us raj wi tinaak'e chi kamk xb'aan naq moko jwal chaab'ilin ta chiruheb' linxe'toonil yuwa'!”, chan.

Hebreos 3:16

Aniheb' li ke'ab'ink re ut ke'q'etok li aatin? Ma ink'a' tab'i' chixjunileb' li ke'elk chaq Ejiipt chirix laj Moisés?

Números 11:5

K'ajo' naq najultiko'k qe eb' li kar naqatzeka aran Ejiipt, ut eb' li kok' k'um, li ki'il q'een, eb' li seb'ooy ut li anx.

Números 14:1

Toja' naq chixjunil li komonil ke'ok chi xjapb'al reheb' ut ke'xnumsi q'oqyink chi yaab'ak.

Números 14:22

tinye aawe naq maajun reheb' li xe'ilok linloq'al ut eb' li xninqal eetalil kinb'aanu aran Ejiipt ut sa' li chaqich'och', a'eb' li xe'yalok wix chiru lajeeb' wa ut ink'a' xe'raj rab'inkil xyaab' linkux,

Números 16:13

Ma ink'a' tz'aqal cho'q aawe rik'in naq xoohaawisi chaq sa' li xq'emal ch'och' re naq tookamq sa' li chaqich'och'? Ma toj taawaj taqlank sa' qab'een?

Números 20:3

Eb' li tenamit ke'xchoqi laj Moisés ut ke'xye re: “Q'axal us raj naq kookamk chaq, jo' naq ke'kamk chiru li Qaawa' eb' li qakomon.

Números 20:4

K'a'ut naq xek'am chaq li xkomonil li Qaawa' sa' li chaqich'och' a'in? Ma teeraj naq tookamq laa'o ut eb' li qaketomq?

Números 21:5

ut ke'ok chi xwech'b'al rix li Qaawa' ut laj Moisés; ke'xye: “K'a'ut naq koohaawisi chaq Ejiipt yal re tookamq sa' li chaqich'och'? Arin maak'a' qawa quk'a' ut xootitz'k rik'in li tzekemq a'in maak'a' xsahil”, chankeb'.

Salmos 106:25

Naq wankeb' chaq sa' xmuheb'aaleb', ke'xwech'i rix li Nimajwal Yos, ut ink'a' ke'raj rab'inkil xyaab' xkux li Qaawa'.

Éxodo 14:11

Ut ke'xye re laj Moisés: “Ma maak'a' tab'i' muqleb'aal kamenaq aran Ejiipt? K'a' naq xoohaak'am chaq chi kamk sa' li chaqich'och'? K'aru rajb'al naq xoohaawisi chaq Ejiipt?

Números 17:6

Laj Moisés kixye a'in reheb' laj Israel ut li junjunq chi xjolomil li junq teeq kixq'axtesi li xxuq': kab'laju chi xuq' ke'xk'e sa' xk'ab'a'eb' li kab'laju chi teep. Sa' xyanqeb' li xuq' a'an wank ajwi' li xxuq' laj Aharón.

Números 20:2

Sa' li na'ajej a'an maak'a' ha' re te'ruk' li tenamit; jo'kan naq ke'ok chi xchoqinkil laj Moisés ut laj Aharón.

Deuteronomio 9:23

Naq li Qaawa' kexxtaqla chi elk aran Kadés-Barné re naq toxeereechani li ch'och' xk'ehom eere, keq'etq'eti wi' chik eerib' chiru li Qaawa' leeYos, ut ink'a' kepaab' chi moko keraj rab'inkil li raatin.