Números 14:11 - Q'eqchi Bible

¹¹ Ut li Qaawa' kixye re laj Moisés: “Jo' najtil chik tinkuy lintz'eqtaanankil xb'aaneb' li tenamit a'in? Jo' najtil chik ink'a' tine'xpaab', us ta naab'aleb' li sachb'ach'oolej inb'aanuhom sa' xyanqeb'?

Li Santil hu

¹¹ Ut li Ka̱cuaꞌ quixye re laj Moisés: —¿Joꞌ najtil chic tincuy nak yo̱keb chincuechꞌinquil li tenamit aꞌin? Ut, ¿joꞌ najtil chic yo̱keb chintzꞌekta̱nanquil ut incꞌaꞌ tineꞌxpa̱b, usta nabal li sachba chꞌo̱lej xincꞌut chiruheb?

Números 14:11 ပူးပေါင်းရင်းမြစ်များ

Salmos 106:24

Ke'xtz'eqtaana li chaab'il ch'och' ut ink'a' ke'xpaab' raatin li Yos.

Salmos 78:32

Ab'an ke'maakob'k wi' chik ut ink'a' ke'xpaab' li sachb'ach'oolej kilajxb'aanu.

Salmos 78:22

xb'aan naq ink'a' ke'xpaab' li Qaawa' chi moko k'ojk'o xch'ooleb' rik'in li xtenq'aal.

Deuteronomio 1:32

Ab'anan chi moko chi jo'kan kek'ojob' eech'ool rik'in li Qaawa' leeYos,

Hebreos 3:8

meekawub'resi leech'ool jo' kik'ulmank chaq sa' xq'ehil li q'etb'a aatin, sa' xkutankil li aaleek sa' li chaqich'och'.

San Juan 12:37

Us ta naab'al li eetalil kixb'aanu li Jesus chiruheb', ab'an ink'a' ke'xpaab',

Números 14:27

—Jo' najtil chik tinkuy rab'inkil xwech'b'al wix xb'aan li komonil a'in ink'a' useb' xna'leb'? Laa'in xwab'i naq eb' laj Israel neke'xwech' wix.

Números 14:23

te'ril li na'ajej inyeechi'om rik'in jurament reheb' li xna' xyuwa'eb'. Maajun reheb' li xe'tz'eqtaanank we te'ril a'an.

Hebreos 3:18

Aniheb' aj e kixye li Yos rik'in jurament naq ink'a' te'ok sa' li xhilob'aal? Ma ink'a' tab'i' reheb' li ink'a' ke'paab'ank chiru?

Hebreos 3:16

Aniheb' li ke'ab'ink re ut ke'q'etok li aatin? Ma ink'a' tab'i' chixjunileb' li ke'elk chaq Ejiipt chirix laj Moisés?

Éxodo 16:28

Kixye ut li Qaawa' re laj Moisés: “Toj jo' najtil chik teejipu eerib' ut teetz'eqtaana linchaq'rab' ut lintaqlahom?

San Juan 15:24

Wi ta ink'a' xinb'aanu li xninqal ru b'aanuhom sa' xyanqeb' li maa'ani chik kib'aanunk re, maak'a' raj xmaakeb'; a'ut anaqwan xe'ril ut xik' nikine'ril laa'in ut linYuwa'.

San Juan 10:38

Ab'anan, wi ninb'aanu, us ta ink'a' nikineepaab' laa'in, paab'omaq li k'anjel ninb'aanu. Chi jo'kan teek'e reetal ut teenaw chi junajwa naq li Yuwa'b'ej wank wik'in ut laa'in wankin rik'in li Yuwa'b'ej.

San Marcos 9:19

Ut li Jesus kixye reheb': —Ex tenamit tik maak'a' eepaab'aal, jo' najtil chik tinwanq eerik'in? Jo' najtil chik texinkuy? K'amomaq chaq arin.

San Mateo 17:17

Kichaq'ok li Jesus ut kixye: —Ex tenamit tik maak'a' eepaab'aal ut sachenaqex sa' li maak, jo' najtil chik tinwanq eerik'in? Jo' najtil chik texinkuy? K'amomaq chaq arin.

Zacarías 8:14

“Jo'ka'in naxye li Nimajwal Yos: Laa'in kexink'e raj chi rahob'tesiik xb'aan naq ke'xchiq' injosq'il leemama' leerixa'an, ut ink'a' kinjal link'a'uxl -chan li Nimajwal Yos-.

Oseas 8:5

Laa'in nintz'eqtaana li wakax nakaloq'oni, a Samaria. Q'axal yo injosq'il sa' xb'een: jo'q'e put te'xch'ajob'resi rib'eb' laj Israel?

Jeremías 4:14

At Jerusalén, ch'ajob'resi ru laach'ool re naq tatkole'q. Jo' najtil chik twanq li maa'usilal sa' laawaanm?

Proverbios 1:22

“Laa'ex li maak'a' eena'leb', jo' najtil chik teeraj wank sa' xmajelal leena'leb'? Ut laa'ex li nekeq'etq'eti eerib', jo' najtil chik texwanq sa' leeq'etq'etil? Ex jip, toj jo'q'e teekanab' xtz'eqtaanankil li chaab'il k'a'uxl?

Salmos 95:8

“Meeq'etq'eti leech'ool jo' kik'ulmank aran Meribá, sa' li kutan naq leena' leeyuwa' ke'wank Masá sa' li chaqich'och'.

Éxodo 10:3

Naq laj Moisés ut laj Aharón ke'wulak rik'in laj Parahón, ke'xye re: “Jo'ka'in naxye li Qaawa', li xYoseb' laj Hebreo: «Toj jo' najtil chik ink'a' taawaj xkub'sinkil aawib' chiwu? Kanab'eb' chi elk lintenamit re naq tine'xloq'oni.

Éxodo 32:9

Kixye ajwi' li Qaawa' re laj Moisés: “Nink'e reetal naq li tenamit a'in q'axal kaw xjolom.

Números 32:10

Xb'aan a'an kijosq'o'k li Qaawa' sa' li kutan a'an ut kixye sa' jurament:

Jeremías 13:10

Li reemaaru aj tenamit a'in li ink'a' neke'raj xpaab'ankil li waatin, neke'b'eek jo' naraj li xjip aj ch'ooleb' ut xkoho xch'ooleb' chirixeb' li jalanil yos re xk'anjelankil ut xloq'oninkil ruheb', toxe'kanaaq jo' li k'aamalsa' a'in li maak'a' chik na'ok wi'.

Ezequiel 20:13

Ab'anan eb' laj Israel ke'xq'etq'eti rib' chiwu sa' li chaqich'och' ut ink'a' ke'xpaab' linchaq'rab'; ke'xtz'eqtaana li waatin li nak'ehok xyu'am li ani napaab'ank re, ut ke'xsach xwankil linhilob'aal kutan. Toja' naq kink'oxla risinkil linjosq'il sa' xb'eeneb' ut xkamsinkileb' aran sa' li chaqich'och'.

Éxodo 23:21

Wanqat sa' xyaalal chiru ut chawab'i xyaab' xkux. Maaq'et li raatin: a'an ink'a' tixkuy eemaak xb'aan naq wankin rik'in.