Números 13:33 - Q'eqchi Bible

³³ Xqileb' ajwi' chaq xninqal poyanam, ralaleb' laj Anak, riyajileb' li najt xterameb'. Laa'o chanchano wi' chili' chiruheb' a'an, ut jo'kan ajwi' naq nokoohe'ril laa'o”, chankeb'.

Li Santil hu

³³ Ut queꞌkil ajcuiꞌ chak li ni̱nki cui̱nk li ralal xcꞌajol laj Anac. La̱o chanchano laj sa̱cꞌ nak nocoeꞌril eb aꞌan xban nak kꞌaxal cocꞌo chiruheb, chanqueb.

Números 13:33 ပူးပေါင်းရင်းမြစ်များ

Deuteronomio 1:28

Ut anaqwan b'ar tooxik? Q'axal x'ok qaxiw xb'aan li xe'xye eb' li qas qiitz'in naq aran wankeb' poyanam jwal kaweb' rib' ut q'axal k'iheb' chik chiqu laa'o. Eb' li xtenamiteb' a'an jwal ninqeb' ut toj sa' choxa neke'wulak li xsuttz'akil. Ut a'atqeb' laj Anak xe'ilmank ru aran», chankex.

Isaías 40:22

K'ojk'o chaq li Yos sa' xb'een li ruuchich'och', ut eb' li poyanam li wankatqeb' chisa' kama'eb' laj saak'. A'an xhelok re li choxa jo' junaq t'ilkem, ut xkupu ru jo' junaq muheb'aal re hilank chisa'.

Génesis 6:4

Sa'eb' li kutan a'an, ut moqon ajwi', ke'wank winq ninqeb' roq sa' ruuchich'och', naq eb' li ralal li Yos neke'wank rik'in li xrab'ineb' li winq ut eb' a'in neke'wank xkok'aleb': a'aneb' li winq q'axal kaweb' rib' ut nawno ruheb' najter q'e kutan.

1 Samuel 17:42

Naq laj Filistea kiril laj David ut kixk'e reetal naq toj saaj al, q'anq'an rismal ut ch'ina'us na'ilok, kixtz'eqtaana

Deuteronomio 9:2

a'aneb' jun nimla tenamit, jwal najt xterameb', a'eb' laj Anak. Laa'at aawilom ruheb' ut aawab'ihom resil naq maa'ani naru tixkol rib' chiruheb' li ralal xk'ajol laj Anak.

Deuteronomio 3:11

(Laj Og, awab'ej re Basán, a'an chaq rosob'leb' li ke'kanaak chi yo'yo sa' xyanqeb' laj Refait. Aran Rabá, tenamit re Amón, natawmank li xch'aat ch'iich', wan rox moqoj li roq ut numenaq jun moqoj li ru, jo' li xb'isleb' a'an.)

1 Crónicas 11:23

Kixkamsi ajwi' jun aj Ejiipt jwal nim xteram, wan xkab' moqoj xteram, li wank xjutz' che' sa' ruq', chanchan xche'el li kemleb'. Ab'an laj Benaías koho chi xk'ulb'al yal rik'in jun ch'ina xuq', kixmaq' li jutz' che' sa' ruq' laj Ejiipt ut rik'in ajwi' a'an kixkamsi.

Deuteronomio 2:10

(Najter ke'wank aran eb' laj Emiit, a'an chaq jun nimla tenamit, k'ajo'eb' xk'ihal ut ninqeb' xtib'el, jo'keb' laj Anak.

Números 13:22

Ke'taqe'k chiru Nejeb ut ke'wulak toj Hebrón, b'arwi' wankeb' laj Ajimán, laj Sesay ut laj Talmay, ralal xk'ajoleb' laj Anak. Hebrón kik'ojob'aak wuqub' chihab' junxilaj chiru Sohán sa' xteepal Ejiipt.

Números 13:28

Ab'anan li poyanam wankeb' sa' li na'ajej a'an, jwal kaweb' rib'; sutsuukeb' chi tz'ak ut jwal ninqeb' li xtenamiteb'. Xqilatq chaq aran li ralal xk'ajol laj Anak.

Números 14:1

Toja' naq chixjunil li komonil ke'ok chi xjapb'al reheb' ut ke'xnumsi q'oqyink chi yaab'ak.

Josué 11:21

Sa'eb' li kutan a'an laj Josué kixsach chixjunileb' laj Anak li wankeb' sa' xyanqeb' li tzuul aran Debir, Anab, jo'wi' sa' xyanqeb' li xtzuulul Judá ut Israel.

Josué 14:12

Jo'kan naq nintz'aama chawu naq taak'e we li tzuul a'in anaqwan, jo' yeeb'il chaq we sa' li kutan a'an. Ak nakanaw naq wankeb' aran laj Anak; wankeb' ajwi' ninqi tenamit li yo'oon wankeb' chi yalok. Wi li Qaawa' wanq wik'in, twaanilasiheb', jo' xyehom we li Qaawa'”, chan laj Kaleb.

Josué 15:14

Laj Kaleb kirisiheb' aran li oxib' chi ralal laj Anak: laj Sesay, laj Ajimán ut laj Talmay, ralal xk'ajoleb' laj Anak.

1 Samuel 17:24

Naq eb' laj Israel ke'ril li winq a'an, k'ajo' naq ke'xiwak ut ke'elelik chiru,