Números 13:32 - Q'eqchi Bible

³² Ut ke'ok chi xyeeb'al reheb' laj Israel naq li ch'och' li koxe'ril chaq moko chaab'il ta; ke'xye: “Li tenamit xo'qil chaq, a'an jun tenamit li naxsacheb' li wankeb' aran. Chixjunil li poyanam xqileb' chaq aran, junes ninqeb' xteram.

Li Santil hu

³² Eb li cui̱nk aꞌan incꞌaꞌ us queꞌxye reheb laj Israel chirix li naꞌajej Canaán. Queꞌxye nak li ani nequeꞌxic chi cua̱nc saꞌ li naꞌajej aꞌan nequeꞌcam xban nak incꞌaꞌ cha̱bil li chꞌochꞌ. Ut eb li cui̱nk li cuanqueb aran kꞌaxal ni̱nkeb rok.

Números 13:32 ပူးပေါင်းရင်းမြစ်များ

Amós 2:9

Ex aj Israel, laa'in kexwisi chaq sa' li tenamit Ejiipt, ut ka'k'aal chihab' kexinb'eresi sa' li chaqich'och'. Cheru laa'ex kinsach ruheb' laj Amor, li jwal najteb' xteram jo'eb' li yaw ut q'axal kaweb' rib' jo'eb' li ji; keb'insach ruheb' chi junajwa ut kinq'axtesi eere li xch'och'eb'.

San Mateo 23:13

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.

1 Crónicas 20:6

Kiwank wi' chik yalok aran Gat, ut aran kiwank jun li winq k'ajo' xnimal roq, wank waqitq ru'uj ruq' re li junjunq chi uq'mej ut waqitq ru'uj roq re li junjunq chi oqej, kaahib' xka'k'aal chixjunil. A'an ajwi' xkomoneb' laj Rafá.

2 Samuel 21:20

Kiwank wi' chik yalok aran Gat, ut aran kiwank jun li winq k'ajo' xnimal roq, wank waqitq ru'uj ruq' re li junjunq chi uq'mej ut waqitq ru'uj roq re li junjunq chi oqej, kaahib' xka'k'aal chixjunil. A'an ajwi' xkomoneb' laj Rafá.

Deuteronomio 1:28

Ut anaqwan b'ar tooxik? Q'axal x'ok qaxiw xb'aan li xe'xye eb' li qas qiitz'in naq aran wankeb' poyanam jwal kaweb' rib' ut q'axal k'iheb' chik chiqu laa'o. Eb' li xtenamiteb' a'an jwal ninqeb' ut toj sa' choxa neke'wulak li xsuttz'akil. Ut a'atqeb' laj Anak xe'ilmank ru aran», chankex.

Números 13:28

Ab'anan li poyanam wankeb' sa' li na'ajej a'an, jwal kaweb' rib'; sutsuukeb' chi tz'ak ut jwal ninqeb' li xtenamiteb'. Xqilatq chaq aran li ralal xk'ajol laj Anak.

Salmos 106:24

Ke'xtz'eqtaana li chaab'il ch'och' ut ink'a' ke'xpaab' raatin li Yos.

Ezequiel 36:12

Tink'e laj Israel lintenamit chi b'eek sa' eeb'een, ex xtzuulul Israel; a'aneb' li te'eechaninq eere ut laa'exaq li reechanihomeb', re naq maajoq'e chik te'wanq chi maak'a'eb' li ralal xk'ajoleb'.