Números 13:29 - Q'eqchi Bible

²⁹ Eb' laj Amalek wankeb' aran Nejeb; eb' laj Hit, laj Amor ut eb' laj Jebús wankeb' sa' li k'iche'b'aal; eb' laj Kanahán wankeb' chire li palaw ut chi junqre li nima' Jordán”, chankeb'.

Li Santil hu

²⁹ Saꞌ li naꞌajej Neguev cuan laj Amalec. Ut eb laj heteo, eb laj jebuseo ut eb laj amorreo cuanqueb saꞌ li naꞌajej li tzu̱l ru. Eb laj cananeo cuanqueb chire li palau ut chire li nimaꞌ Jordán, chanqueb.

Números 13:29 ပူးပေါင်းရင်းမြစ်များ

Números 14:43

Xb'aan naq eb' laj Amalek ut eb' laj Kanahán wankeb' aran: te'raj yalok eerik'in ut eekamsinkil chi q'esnal ch'iich'. Laa'ex xekanab' li Qaawa', ut A'an moko wank ta chik sa' eeyanq”, chan laj Moisés reheb'.

Jueces 6:3

Rajlal naq eb' laj Israel neke'awk, neke'chalk eb' laj Madián rochb'eeneb' laj Amalek ut eb' li poyanam li wankeb' sa' xjayal releb'l saq'e; neke'chalk sa' xb'eeneb',

Salmos 83:7

eb' li ralal xk'ajol aj Edom ut eb' laj Ismael, eb' laj Mohab ut eb' laj Hagar,

1 Samuel 30:1

Sa' rox li kutan laj David ut eb' li wankeb' rochb'een ke'wulak Siklak ut ke'xk'e reetal naq eb' laj Amalek koxe'sachoq chaq Nejeb jo'wi' Siklak, ke'elq'ak aran ut k'atb'il chik li tenamit Siklak.

1 Samuel 14:48

Kixk'ut li xkawilal li xch'ool naq kixsach ruheb' laj Amalek ut kixkoleb' laj Israel sa' ruq'eb' li neke'elq'ank reheb'.

Números 24:20

Chirix chik a'an laj Balaham kiril laj Amalek ut ki'aatinak jo' propeet; kixye: “Laj Amalek, a'an li xb'een tenamit; ab'anan taa'oso'q chi junajwa”, chan.

Números 14:45

Toja' naq ke'kub'e chaq eb' laj Amalek ut eb' laj Kanahán li wankeb' chaq chi tzuul, ke'xsach ruheb' laj Israel ut ke'raanilasiheb' toj Jormá.

Números 14:25

(Eb' laj Amalek ut aj Kanahán wankeb' chiru taq'a). Tento naq wulaj texsutq'iiq ut texxik sa' li chaqich'och', sa' xb'ehil li Kaqi Palaw”, chan li Yos.

Éxodo 3:17

Ninye li waatin naq texwisi sa' li rahilal yookex chi xk'ulb'al Ejiipt ut texink'am sa' xch'och'eb' laj Kanahán, laj Hit, laj Amor, laj Perés, laj Jib ut laj Jebús, sa' jun li ch'och' k'ajo' xq'emal».

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Génesis 14:7

Chirix chik a'an ke'sutq'iik chaq ut ke'wulak toj En-Mispat, Kadés ajwi' nayeemank re, ut ke'xchap chixjunil li xna'ajeb' laj Amalek, jo'ajwi' li xna'ajeb' laj Amor li wankeb' sa' li tenamit Hasesón-Tamar.

Números 13:17

Laj Moisés kixtaqlaheb' chi rilb'al li tenamit Kanahán, ut kixye reheb': “Taqenqex chiru Nejeb ut moqon chik toxex'okaq sa'eb' li k'iche'b'aal.

Números 13:30

Toja' naq laj Kaleb ki'aatinak re te'xkanab' choqink chiru laj Moisés ut kixye: “Yo'qeb' ut qeechaniiq li tenamit, xb'aan naq naru taaqaq'ax ruheb'”, chan.

Josué 5:1

Chixjunileb' li awab'ej re Amor li wankeb' junpak'al li nima' Jordán, sa' rokeb'l saq'e, ut chixjunileb' li awab'ej re Kanahán li wankeb' sa' xjayal li palaw ke'rab'i resil naq li Qaawa' kixchaqihob'resi li nima' Jordán re naq eb' laj Israel te'nume'q junpak'al. K'ajo' naq ke'ok xxiw ut ke'ch'inank xch'ool chiruheb' laj Israel.

Josué 9:1

Ke'rab'i resil a'in chixjunileb' li awab'ej li wankeb' arin chaq re li nima' Jordán, sa' rokeb'l saq'e, sa' k'iche' jo' wi' sa'eb' li taq'ahil ch'och', chire li Nimla Palaw toj sa' xsutam Líbano.

Josué 10:5

Jo'kan naq ke'xjunaji rib' li oob' chi awab'ej aj Amor li wankeb' chaq sa'eb' li tenamit Jerusalén, Hebrón, Yarmut, Lakix ut Eklón, rochb'eeneb' chixjunileb' laj puub'. Koheb' chi yalok rik'ineb' laj Gabahón, ke'xxaqab' rib' chiruheb' ut ke'xsut li tenamit.

Josué 10:6

Toja' naq eb' laj Gabahón ke'xtaqla xyeeb'al re laj Josué toj aran Kilkal b'arwi' wankeb' li xmuheb'aaleb' laj Israel: “Moohaakanab' qajunes. Kim arin chi junpaat, choohaakol ut choohaatenq'a laa'o aamoos, xb'aan naq chixjunileb' li awab'ej aj Amor li wankeb' chaq sa' k'iche' xe'xjunaji rib' sa' qab'een”.

1 Samuel 7:14

Eb' laj Israel ke'reechani wi' chik eb' li tenamit li ke'maq'e'k chiruheb' xb'aaneb' laj Filistea, chalen chaq Ekrón toj Gat, ke'risi li xch'och'eb' rub'el xwankil eb' laj Filistea ut ke'wank sa' tuqtuukilal rik'ineb' laj Amor.

Deuteronomio 7:1

“Naq akaq xatroksi li Qaawa' laaYos sa' li ch'och' toxaaweechani, ut naq akaq xrisiheb' chawu eb' li k'iila tenamit (a'eb' laj Hit, laj Kirkás, laj Amor, laj Kanahán, laj Perés, laj Jib ut laj Jebús: wuqub'eb' chi tenamit jwal naab'aleb' ut q'axal kaweb' rib' chawu laa'at),

Deuteronomio 20:17

taaq'axtesiheb' b'an chi sache'k: a'eb' laj Hit, eb' laj Amor, eb' laj Kanahán, eb' laj Perés, eb' laj Jib ut eb' laj Jebús, kama' xatxchaq'rab'i wi' li Qaawa' laaYos,

Josué 3:10

Rik'in a'in teenaw naq li yo'yookil Yos wank sa' eeyanq ut A'an ajwi' taa'isinq reheb' laj Kanahán, eb' laj Hit, eb' laj Jib, eb' laj Perés, eb' laj Kirkás, eb' laj Amor ut eb' laj Jebús sa' li na'ajej texnume'q wi'.

Jueces 3:5

Jo'kan naq eb' laj Israel ke'xtikib' wank sa' xyanqeb' laj Kanahán, eb' laj Hit, eb' laj Amor, eb' laj Perés, eb' laj Jib ut eb' laj Jebús;

1 Samuel 27:8

ut rochb'eeneb' laj puub' naxikje'k chi yalok rik'ineb' laj Jesur, eb' laj Késer ut rik'ineb' laj Amalek (a'ineb' li wankeb' sa' li na'ajej a'an, chalen chaq Telán toj Sur ut sa' xnub'ajlil Ejiipt).

Nehemías 9:8

Kawil naq q'axal tiik xch'ool chawu; jo'kan naq kak'ojob' jun li sumwank rik'in re xk'eeb'al reheb' li xch'och'eb' laj Kanahán, eb' laj Hit, eb' laj Amor, eb' laj Perés, eb' laj Jebús ut eb' laj Kirkás. Kayeechi'i li ch'och' a'an re laj Abrahán ut eb' li ralal xk'ajol, ut xaqxo xwankil laawaatin, xb'aan naq tiik aach'ool.