Números 13:21 - Q'eqchi Bible

²¹ naq koheb' li winq ut koxe'ril chaq li tenamit, chalen sa' li chaqich'och' re Sin toj Rejob, sa' rokeb'aal li tenamit Jamat.

Li Santil hu

²¹ Eb li cui̱nk li queꞌco̱eb chixqꞌuebal retal li naꞌajej queꞌxtiquib chak xqꞌuebal retal saꞌ li chaki chꞌochꞌ Zin. Ut queꞌcuulac toj saꞌ li tenamit Rehob, li cuan nachꞌ riqꞌuin Hamat.

Números 13:21 ပူးပေါင်းရင်းမြစ်များ

Números 33:36

Ke'elk Esión-Kéber at koxe'hilanq sa' li chaqich'och' re Sin, malaj Kadés.

Números 20:1

Chixjunil li xkomonileb' laj Israel ke'wulak sa' li chaqich'och' re Sin sa' li xb'een po, ut ke'kanaak sa' li tenamit Kadés. Aran kikamk lix María ut aran ajwi' kimuqe'k.

Números 27:14

Xb'aan naq laa'ex keq'etq'eti eerib' sa' li chaqich'och' re Sin, naq eb' li tenamit kine'xwech' ut laa'ex ink'a' kek'ut linsantilal chiruheb', chire li ha'”, chan li Qaawa'. A'an li ha' re Meribá, sa' xteepal Kadés, aran sa' li chaqich'och' re Sin.

Josué 15:1

A'an a'in li ch'och' kik'ehe'k rik'in b'uulink reheb' li ralal xk'ajol laj Judá, chi ch'uutal. Li na'ajej a'in natiklaak chaq sa' xnub'ajl Edom ut sa' li chaqich'och' re Sin, sa' xjayal rokeb'l iq', ut nawulak toj Kadés, sa' rokeb'l iq'.

Josué 13:5

Toj wank ajwi' li xna'ajeb' laj Kibl, rochb'een chixjunil Líbano sa' xjayal releb'l saq'e, chalen Bahal Gad, chi xtoonal li tzuul Hermón, toj wan wi' li rokeb'aal Jamat.

Amós 6:2

Ayuqex ut ilomaq chaq Kalné; chirix chik a'an texxik Jamat, li nimla tenamit, ut texkub'eeq toj Gat sa' xteepal Filistea, ut ilomaq chaq. Ma q'axal chaab'ilex tab'i' laa'ex chiruheb' a'an? Ma q'axal nim tab'i' leetenamit chiru li xtenamiteb' a'an?

2 Samuel 8:9

Naq laj Tow, awab'ej re Jamat, kirab'i resil naq laj David kixq'axeb' ru chixjunileb' laj puub' re laj Hadadéser,

Deuteronomio 32:51

Laa'ex eekab'ichal xeq'et li waatin sa' xyanqeb' laj Israel, naq wankex chaq chire li ha' re Meribá-Kadés, sa' li chaqich'och' re Sin. Laa'ex ink'a' xek'ut inloq'al sa' xyanqeb' laj Israel.

Deuteronomio 1:24

ut eb' a'an koheb' ut ke'taqe'k sa' xb'een li tzuul; ke'wulak toj sa' xtaq'ahil Eskol ut ke'xsuti chaq.

Jeremías 49:23

Jo'ka'in kixye li Qaawa' chirixeb' laj Damaask: “Yo xk'a'uxeb' laj Jamat ut eb' laj Arpad, xb'aan naq xe'rab'i resil li rahilal chalk re; nachiq'chotk li xch'ooleb' jo' li palaw naheetank ru, ut ink'a' chik wankeb' sa' tuqtuukilal.

Jeremías 52:9

Eb' laj Kaldeha ke'xchap li awab'ej ut ke'xk'am Riblá, sa' xteepal Jamat, b'arwi' wank li awab'ej re Babilonia, ut kiraqmank aatin sa' xb'een laj Sedesías.

Ezequiel 47:16

Berotay, Sibráhin, sa' xyanq Damaask rik'in Jamat, toj taawulaq sa' li tenamit Jaser-Jatikón, li wank sa' xnub'ajlil Jawrán.

Números 34:8

Chalen sa' li tzuul Hor teeraq leenub'ajlil toj Jamat, ut tox'elq sa' xnub'ajlil Sedad.

Jueces 18:28

Maajun kichalk chi xtenq'ankileb', xb'aan naq najt wankeb' rik'in Sidón ut ink'a' neke'raatina rib' rik'ineb' laj Aram. Lahis wank sa' li taq'a sa' xjayal Bet-Rejob. Chirix chik a'an eb' laj Dan ke'xwaklesi wi' chik li tenamit ut ke'kanaak chi wank aran.