Números 13:20 - Q'eqchi Bible

²⁰ Jo'kan ajwi' li ch'och', ma chaab'il malaj joxk' ru, ma k'iche' ru malaj ink'a'. Mexxiwak ut chek'am chaq kach'inaq ru rawimq li na'ajej a'an”, chan. Ak xq'ehil chik li xb'een ch'oqok ru li uub',

Li Santil hu

²⁰ Ut te̱qꞌue ajcuiꞌ retal ma cha̱bil li chꞌochꞌ li cuanqueb cuiꞌ malaj ut incꞌaꞌ. ¿Ma na-el li acui̱mk chi us saꞌ li chꞌochꞌ malaj ut ma̱cꞌaꞌ na-el chiru? ¿Ma qꞌuicheꞌ ru malaj ut incꞌaꞌ? Mexxucuac chi oc saꞌ li naꞌajej aꞌan. Ut nacuaj ajcuiꞌ nak te̱cꞌam chak caꞌchꞌinak li ru li acui̱mk li na-el saꞌ li naꞌajej aꞌan, chan. Ac yo̱ xkꞌehil li uvas nak queꞌco̱eb li cui̱nk chixqꞌuebal retal li naꞌajej aꞌan.

Números 13:20 ပူးပေါင်းရင်းမြစ်များ

Deuteronomio 31:23

Chirix chik a'an kixchaq'rab'i laj Josué, ralal laj Nun, chi jo'ka'in: “Kawaq aach'ool ut matxiwak xb'aan naq laa'at tatk'amoq reheb' laj Israel sa' li ch'och' inyeechi'om reheb', ut laa'in wanqin aawik'in”, chan.

Ezequiel 34:14

Tinch'oolaniheb' wan wi' li chaab'il pim, sa'atqeb' li tzuul re Israel; aran te'hilanq sa' chaab'il na'ajej ut te'ichajib'q chi us chiruheb' li tzuul re Israel.

Nehemías 9:35

Laa'at kawosob'tesiheb' sa' li xna'ajeb' rik'in naab'al li k'a'aq re ru; kaq'axtesi reheb' jun li ch'och' q'axal nim ut chaab'il; a'ut eb' a'an ink'a' ke'k'anjelak chawu chi moko ke'xyot' xch'ool chirix li xmaa'usilaleb', ink'a' ke'raj xjalb'al li xk'a'uxeb'.

Nehemías 9:25

Koxe'xchap eb' li tenamit kawub'resinb'ileb' chi us ut li chaab'il ch'och'; naab'aleb' li ochoch nujenaqeb' chi chaab'il eechej, xiikileb' li kumb', li awimq uub' ut oliiw, ut eb' li che' na'uuchink. Ke'wa'ak, ke'k'ojlaak xch'ool, ke'ninqank xtib'eleb' ut ke'xyal xsahil li xnimal aawusilal.

Hebreos 13:6

Jo'kan naq naru tqaye chi anchal qach'ool: “Li Qaawa' a'an aj tenq'ahom we; ink'a' tinxiwaq. K'aru truuq xb'aanunkil we junaq yal winq?”.

Miqueas 7:1

Toq'ob' xaq wu, chanchanin aj chik li nasakonink chirix xq'ehil li q'olok, ut ink'a' chik nintaw in'uub' chi moko in'iig; ink'a' chik nintaw ruheb' li awimq li q'axal nawulak chiwu.

1 Crónicas 22:11

At walal, chiwanq taxaq aawik'in li Qaawa' re tatruhanq xyiib'ankil rochoch li Qaawa' laaYos, jo' kixye chaq chawix.

Josué 2:3

Toja' naq li awab'ej re Jerikó kixtaqla xyeeb'al re lix Rajab: “Isiheb' chaq li winq li xe'ok aawik'in, sa' laawochoch, xb'aan naq xe'chalk chi xk'eeb'al reetal chixjunil li tenamit”, chan re.

Josué 1:9

Laa'in li yookin chi taqlank aawe. Yal aaq'e ut kawaq aach'ool. Matxiwak ut kaw xaqxooqat sa' laak'anjel, xb'aan naq li Qaawa' laaYos wanq aawik'in yalaq b'ar tatxik”, chan li Qaawa'.

Josué 1:6

Kaw xaqxooqat sa' laak'anjel ut matxiwak, xb'aan naq laa'at tatjek'oq re li ch'och' cho'q re li tenamit a'in, a' li ch'och' kinyeechi'i sa' jurament reheb' li xxe'toonil yuwa'eb'.

Deuteronomio 1:25

Ke'xxok chaq ru rawimq li tenamit a'an, ke'xk'am chaq ut ke'xye qe: «Chaab'il ch'och' li naxk'e qe li Qaawa' li qaYos», chankeb'.

Números 13:19

ut chanru li na'ajej wankeb' wi', ma chaab'il malaj ink'a'. Teek'e chaq reetal chanru eb' li tenamit aran, ma yal muheb'aaleb' malaj suttz'akinb'il.

Deuteronomio 1:24

ut eb' a'an koheb' ut ke'taqe'k sa' xb'een li tzuul; ke'wulak toj sa' xtaq'ahil Eskol ut ke'xsuti chaq.

Daniel 11:24

Taaxik chi reechaninkileb' li kok' tenamit li sa wankeb' chi maak'a'aq sa' xch'ooleb', ut tixb'aanu reheb' li maajun wa xb'aanuhomeb' li xxe'toonil yuwa': tixjek'i chirixeb' li neke'okenk chirix li b'ihomal ut li k'aru te'reechani, ut tixk'uub' reechaninkil eb' li kawub'resinb'il tenamit, ab'anan yal jun k'amok ajwi'.

Josué 2:1

Laj Josué, ralal laj Nun, toj Sitín kixtaqla chaq chi muqmu wiib' laj k'ehol eetal, ut kixye reheb': “Ayuqex ut k'ehomaq reetal li na'ajej ut li tenamit Jerikó”, chan. Eb' a'an koheb' ut koxe'okaq sa' rochoch jun aj yumb'eet, xRajab xk'ab'a', ut aran ke'wark.