Números 12:13 - Q'eqchi Bible

¹³ Toja' naq laj Moisés ki'elajink chiru li Qaawa' ut kixye re: “At Qaawa' Yos, b'aanu usilal, k'irtasi lix María”, chan.

Li Santil hu

¹³ Ut laj Moisés quitijoc ut quixye: —At Ka̱cuaꞌ Dios, nintzꞌa̱ma cha̱cuu nak ta̱qꞌuirtesi taxak lix María.—

Números 12:13 ပူးပေါင်းရင်းမြစ်များ

Santiago 5:15

Ut wi te'tijoq chi anchaleb' xpaab'aal, taakole'q li yaj; li Qaawa' taawaklesinq re. Ut wi wank xmaak, taakuymanq taasachmanq ajwi' li xmaak.

Romanos 12:21

Maak'e chi numtaak li ink'a' us sa' aab'een, chaq'ax b'an a'an rik'in li us.

San Lucas 6:28

Chetz'aama usilal sa' xb'eeneb' li neke'maa'usilank eere, chextijoq chirixeb' li neke'q'ab'ank eere.

San Lucas 23:34

Ut li Jesus kixye: “At inYuwa', chakuyeb' xmaak xb'aan naq ink'a' neke'xnaw k'aru yookeb' chi xb'aanunkil”. Ut eb' laj puub' ke'xjek'i li raq' chirib'ileb' rib' chi b'uulinb'il rix.

Jeremías 17:14

K'irtasihin, at Qaawa', re naq tinkawuuq; chinaakol re naq kolb'ilaqin, xb'aan naq ka'ajwi' laa'at ninloq'oni aawu.

Isaías 30:26

Toja' naq li xsaqenkil li po taalemtz'uno'q jo' li saq'e tuqtu wa'leb', ut li xsaqenkil li saq'e taalemtz'uno'q wuqub' sut chik jo' xsaqenkil li wuqub' kutan, naq li Qaawa' tixk'irtasi ut tixlan li xtiq'ilal li xtenamit.

1 Samuel 15:11

“Ink'a' sa sa' inch'ool rik'in laj Saúl. Ink'a' raj xinxaqab' cho'q awab'ej, xb'aan naq ink'a' xtaaqe linb'e chi moko xpaab' lintaqlahom”, chan. Kiraho'k xch'ool laj Samuel ut kixnumsi li q'oqyink a'an chi tijok chiru li Qaawa'.

1 Samuel 12:23

Li Yos chitenq'anq taxaq we re naq ink'a' tinmaakob'q rik'in xkanab'ankil tijok cherix laa'ex. Ninye li waatin naq tink'ut cheru li b'e jwal chaab'il ut tiik.

Números 16:41

Sa' li kutan jun chik, chixjunil li xkomonileb' laj Israel ke'xwech' laj Moisés ut laj Aharón rik'in xyeeb'al: “Laa'ex xekamsiheb' li xtenamit li Qaawa'”, chankeb'.

Números 14:2

Chixjunileb' laj Israel ke'xwech' rix laj Moisés ut laj Aharón, ut ke'xye reheb': “Q'axal us raj xookamk chaq Ejiipt! K'a'ut naq ink'a' xookamk sa' li chaqich'och'?

Hechos 7:60

Chirix chik a'an kit'ane'k chi wiq'wo ut kixjap re chi kaw, ut kixye: “At Qaawa', maak'e xaq li maak a'in sa' xb'eeneb'”. Ut naq kixye a'in, kikamk.

Génesis 20:17

Toja' naq laj Abrahán kitz'aamank chiru li Yos, ut li Yos kixk'irtasi laj Abimélek, li rixaqil ut chixjunileb' li ixq aj k'anjel chiru, re naq te'alanq wi' chik:

Éxodo 4:7

“Ch'ik wi' chik laawuq' chire laach'ool”, chu'uxk re xb'aan li Yos. Kixch'ik wi' chik ut, naq kirisi, kikanaak wi' chik kama' li xjunxaqalil.

Números 11:2

Li tenamit ke'xtz'aama xtenq'ankil chiru laj Moisés, ut a'an ki'aatinak chirixeb' chiru li Qaawa'. Toja' naq kichupk li xam.

Números 12:12

B'aanu usilal, ink'a' taxaq chikanaaq lix María jo' junaq k'uula'al li kamenaq naq nayo'laak, chi q'aajenaq li xtib'el”, chan laj Aharón.

Salmos 30:2

At Qaawa', tinnima aawu, xb'aan naq xinaakol ut ink'a' xinaakanab' chi se'eek xb'aaneb' li xik' neke'ilok we.

Salmos 41:4

Li Qaawa' taak'irtasinq re naq yokyooq xb'aan li rahilal; trisi li xyajel ut tixk'e wi' chik xmetz'ew.

Éxodo 15:26

Kixye reheb': “Wi relik chi yaal taawab'i xyaab' xkux li Qaawa' laaYos ut tatwanq sa' tiikilal chiru, wi taak'e aach'ool chirixeb' li xchaq'rab' ut taapaab' li xtaqlahom, ink'a' tintaqla chaq sa' aab'een li rahilal kintaqla sa' xb'eeneb' laj Ejiipt, xb'aan naq laa'in li Qaawa', laj k'irtasihom aawe”.

1 Reyes 13:6

Ut laj Jerobohán li awab'ej kixye re li propeet: “B'aanu usilal, tijon chiwix chiru li Qaawa' laaYos ut tz'aama naq tixk'irtasi li wuq'”. Kitijok li propeet chiru li Qaawa', ut li ruq' laj Jerobohán kik'iraak ut kikanaak jo' naq xwank junxil.