Números 11:23 - Q'eqchi Bible

²³ Kichaq'ok li Qaawa' ut kixye re laj Moisés: “Ma nakak'oxla laa'at naq maak'a' inwankil chi xb'aanunkil a'in? Anaqwan taawil ma taa'uxmanq li naxye li waatin malaj ut ink'a'”, chan li Yos.

Li Santil hu

²³ Ut li Ka̱cuaꞌ quichakꞌoc ut quixye re laj Moisés: —¿Ma nacacꞌoxla la̱at nak ma̱cꞌaꞌ incuanquil chixba̱nunquil aꞌin? Anakcuan ta̱cuil ma ta̱uxma̱nk tana li cꞌaꞌru xinye malaj ut incꞌaꞌ, chan li Ka̱cuaꞌ.

Números 11:23 ပူးပေါင်းရင်းမြစ်များ

Isaías 59:1

Ink'a' teek'oxla naq li Qaawa' maak'a' chik xwankil chekolb'al, chi moko tz'aptz'o ta li xxik cherab'inkil.

Isaías 50:2

K'a'ut naq maajun xintaw naq xink'ulunk chekolb'al? K'a'ut naq ink'a' xineesume naq xexinb'oq? Malaj ut xek'oxla naq ink'a' tinruuq eekolb'al ut maak'a' inwankil re eerisinkil sa' li rahilal? Yal rik'in jun chi aatin ninye, nachaqik li palaw, ut eb' li roq nima' joxk' neke'kanaak; eb' li kar neke'kamk xb'aan li chaqi'eel ut neke'q'aak xb'aan xmajelal li ha'.

Ezequiel 12:25

Xb'aan naq laa'in, li Qaawa', tin'aatinaq, ut li k'aru tinye taak'ulmanq chi junpaat. Ex q'etq'etil tenamit, laa'ex teeril a'in rik'in leeru: tinye jun t'orolaq li waatin ut relik chi yaal naq taatz'aqloq ru”, chan li Qaawa'.

Números 23:19

Li Yos maawa' winq: ink'a' natik'ti'ik chi moko naxjal xk'a'uxl. Li k'aru naxye li Yos, naxb'aanu; na'aatinak, ut li raatin taatz'aqloq ru.

Génesis 18:14

Ma wank tab'i' k'aru ch'a'aj chiru li Qaawa'? Sa'eb' li kutan xinye, sa' jun chihab' chik, tinsutq'iiq chaq, ut lix Sara taawanq jun xk'uula'al”.

San Lucas 1:37

xb'aan naq maak'a' ch'a'aj chiru li Yos.

San Mateo 19:26

Li Jesus kixka'yaheb' ut kixye reheb': —Chiruheb' li winq ink'a' naru, ab'an chiru li Yos naru chixjunil.

Ezequiel 24:14

Laa'in, li Qaawa', xinye li waatin ut jo'kan taa'uxmanq. Ink'a' tinjal ru li waatin; ink'a' twil xtoq'ob'aal aawu chi moko taaraho'q linch'ool chawix. Jo' chanru laayehom ut laab'aanuhom, jo'kan ajwi' tinraqoq aatin sa' aab'een»”, chan li Qaawa'.

San Mateo 24:35

Li choxa ut li ruuchich'och' te'oso'q, a'ut li waatin ink'a' taanume'q.

Miqueas 2:7

Ma majewanb'il tab'i' li xtenamit laj Jakob? Ma maak'a' chik xkuyum li Qaawa'? Ma jo'ka'in naxb'aanu li Yos? Ma ink'a' tab'i' na'aatinak re rusilankil eb' li neke'b'aanunk li tiikilal?

Salmos 78:41

Ke'ok wi' chik chi xyalb'al rix li Qaawa' ut ke'xchiq' xjosq'il li xSant laj Israel.

2 Reyes 7:2

Kichaq'ok laj tenq' re li awab'ej: “Us ta raj li Qaawa' tixte chaq xb'entaanil li choxa, maajaruj taak'ulmanq li yookat chi xyeeb'al”, chan re li xtaql li Yos. Ab'an laj Eliseo kixye: “Relik chi yaal naq taawil rik'ineb' xsa' laawu, ab'an ink'a' taatzeka a'an”.

Números 11:22

Us ta raj te'kamsiiq chixjunileb' li karneer ut eb' li wakax, ma taatz'aqloq tab'i' reheb'? Us ta raj taach'utub'amanq chixjunileb' li kar wankeb' sa' li palaw, ma taatz'aqloq ta reheb'?”, chan laj Moisés.

Jeremías 14:9

K'a'ut naq kama'at li winq sachenaq xna'leb'? Jo'kat junaq aj puub' li ink'a' naruhank chi tenq'ank. Ab'anan laa'at wankat sa' qayanq, at Qaawa', ut laa'o laatenamit q'axtesinb'il aawe: moohaakanab' qajunes anaqwan!

Daniel 6:20

Ut naq yo chi jilok, chi ra sa' xch'ool kixjap re chi xyeeb'al: “At Daniel, aj k'anjelat chiru li yo'yookil Yos ut li nakaloq'oni ru chi anchal laach'ool, ma xru laaYos chakolb'al sa' reheb' li kaqkoj?”, chan.

Éxodo 6:1

Li Qaawa' kixye re laj Moisés: “Anaqwan taawil k'aru tinb'aanu re laj Parahón, xb'aan naq ka'ajwi' rik'in linkawil uq' tixkanab'eb' chi xik ut taarisiheb' sa' li xtenamit”.

2 Reyes 4:43

Ab'an a'in kixye: “Chanru naq tink'e a'in reheb' o'k'aal chi winq?”. Kichaq'ok laj Eliseo ut kixye: “K'e reheb' li poyanam ut xwa'aqeb', xb'aan naq jo'ka'in xye li Qaawa': «Te'wa'aq ut taa'ela'anq»”.

Jeremías 32:17

«At Qaawa' Yos, laa'at aj winqob'resihom re choxach'och' rik'in xnimal aawankil ut xkawilal laawuq': maak'a' k'aru ch'a'aj xb'aanunkil chawu, at Qaawa'.

Jeremías 32:27

“K'e reetal, laa'in li Qaawa', li xYos chixjunileb' li wankeb' xyu'am. Maak'a' k'aru ch'a'aj xb'aanunkil chiwu.