Números 11:16 - Q'eqchi Bible

¹⁶ Ab'anan li Qaawa' kichaq'ok ut kixye re laj Moisés: “Ch'utub'eb' we lajeeb' xkaak'aal (70) xtiixilaleb' laj Israel, eb' li ch'olch'o chawu naq tiixeb' ut aj tz'iib'eb'. K'ameb' chiru li Loq'laj Na'ajej, ut wanqeb' aran aawochb'een.

Li Santil hu

¹⁶ Abanan li Ka̱cuaꞌ quichakꞌoc ut quixye re: —Chꞌutubeb laje̱b xca̱cꞌa̱lak li cui̱nk li nacanau ruheb li nequeꞌcꞌamoc be saꞌ xya̱nkeb laj Israel. Aꞌaneb li cuanqueb xcuanquil. Ut ta̱cꞌameb chiru li tabernáculo ut tine̱roybeni a̱cuochbeneb.

Números 11:16 ပူးပေါင်းရင်းမြစ်များ

Éxodo 24:1

Kixye li Qaawa' re laj Moisés: “Taqenqex chaq wankin wi', laa'at, laj Aharón, laj Nadab, laj Abihú ut lajeeb' xkaak'aal li xcheekelaleb' laj Israel. Toj najt teehupub' chaq eerib'.

Éxodo 24:9

Laj Moisés kitaqe'k chiru li tzuul rochb'eeneb' laj Aharón, laj Nadab, laj Abihú ut lajeeb' xkaak'aal li xcheekelaleb' laj Israel.

Deuteronomio 16:18

“Taaxaqab'eb' aj raqol aatin ut aj nawonel chaq'rab' cho'q reheb' laateepal, sa' li junjunq chi tenamit tixk'e aawe li Qaawa' laaYos. A'aneb' te'raqoq aatin sa' xb'een li tenamit rik'in tiikil ch'oolej.

Deuteronomio 1:15

“Toja' naq laa'in kinsik'eb' ru, sa' xyanqeb' leeteep, winq seeb'eb' xk'a'uxl ut neke'xnaw xk'anjeleb', ut keb'inxaqab' chi jolomink eere: wankeb' xink'e chi xjolominkileb' lajeetqk'aal rox o'q'ob' (1,000), wankeb' chik chi xjolominkileb' o'taqk'aal (100), lajeetq roxk'aal (50) ut lajeetq (10); wankeb' ajwi' xeb'inxaqab' cho'q aj tz'iib' re leejunq teep.

Génesis 46:27

Wiib'eb' li ralal laj José ke'yo'laak Ejiipt. Chixjunileb' li koxe'okaq Ejiipt, yo'lajenaqeb' sa' rochoch laj Jakob, lajeeb' xkaak'aaleb' (70) chixjunileb'.

San Lucas 10:17

Ke'sutq'iik chaq eb' li kab'laju xkaak'aal chi saheb' sa' xch'ool ut ke'xye: —Qaawa', eb' laj tza neke'paab'ank chiqu sa' laak'ab'a'!

San Lucas 10:1

Chirix chik a'in li Qaawa' kixxaqab'eb' kab'laju xkaak'aal chik ut kixtaqlaheb' sa' ka'kab'il chi uub'ej, sa' chixjunileb' li tenamit ut na'ajej b'arwi' taaxik.

Ezequiel 8:11

Wankeb' ajwi' lajeeb' xkaak'aal chi cheekel winq aj Israel li yookeb' chi xloq'oninkil ru eb' li jalanil yos; li junjunq wank xxanxaar sa' ruq' ut najt nawulak xsununkil li k'ajpom. Sa' xyanqeb' a'an wank laj Jasanías, ralal laj Safán.

Éxodo 4:29

Chirix chik a'an koheb' laj Moisés ut laj Aharón, ut ke'xch'utub' chixjunil li xcheekelaleb' laj Israel.

Deuteronomio 31:28

Ch'utub'omaq chiwu chixjunileb' li xcheekelal li kab'laju chi teep jo'wi' eb' laj nawonel chaq'rab', xb'aan naq ok we chi xq'axtesinkil reheb' li aatin a'in. Kutan saqenk chiru li choxach'och' naq rahilal te'xk'ul wi te'xq'etq'eti rib'eb'.

Éxodo 18:25

Kixsik'eb' ru li winq seeb'eb' xk'a'uxl sa' xyanq chixjunileb' laj Israel ut kixk'eheb' xwankil sa' xb'eeneb' li poyanam: wankeb' ke'xaqab'aak chi xjolominkileb' lajeetqk'aal rox o'q'ob' (1,000), wankeb' chik chi xjolominkileb' o'taqk'aal (100), lajeetq roxk'aal (50) ut lajeetq.

Números 11:24

Toja' naq ki'elk laj Moisés ut koxye reheb' li tenamit li xyehom li Qaawa'. Chirix chik a'an kixch'utub'eb' li lajeeb' xkaak'aal chi xtiixilaleb' li tenamit ut kixxaqab'eb' chi xsutam li Loq'laj Na'ajej.

Jeremías 19:1

Jo'ka'in kixye we li Qaawa': “Ayu sa' rochoch laj pak'onel ut loq' chaq junaq ch'och'kuk. Taak'ameb' chawix wiib' oxib'aqeb' li xcheekelal li tenamit ut wiib' oxib'aqeb' aj tij.

Números 16:25

Kiwakliik laj Moisés ut koho wankeb' wi' laj Datán ut laj Abirón; ut li xcheekelaleb' laj Israel koheb' chirix.