Números 11:10 - Q'eqchi Bible

¹⁰ Laj Moisés kirab'iheb' chi yaab'ak li tenamit; nayaab'ak li xjunkab'al li junjunq sa' rokeb'aal li xmuheb'aal. Toja' naq k'ajo' wi' chik naq kijosq'o'k li Qaawa'. Laj Moisés ajwi' ink'a' kiwulak chiru

Li Santil hu

¹⁰ Laj Moisés quirabi nak li junju̱nk cabal laj Israel yo̱queb chi ya̱bac chire lix muheba̱leb. Li Ka̱cuaꞌ cꞌajoꞌ nak quijoskꞌoꞌ riqꞌuineb. Ut laj Moisés incꞌaꞌ quicuulac chiru.

Números 11:10 ပူးပေါင်းရင်းမြစ်များ

Salmos 78:21

K'ajo' naq kijosq'o'k li Qaawa' naq kirab'i a'an, chanchan jun xam kilochk sa' xb'een laj Jakob; kimoqk chaq xjosq'il li Yos sa' xb'een laj Israel,

San Marcos 10:14

Naq li Jesus kiril a'an, kijosq'o'k ut kixye reheb': —Kanab'omaqeb' li kok'al chi chalk wik'in ut meeram chiruheb', xb'aan naq li kama'eb' a'an, reheb' li xnimajwal awab'ejihom li Yos.

San Marcos 3:5

Toja' naq kirileb' sa' xsutam sa' josq'il, chi ra sa' xch'ool xb'aan xkawileb' xjolom, ut kixye re li winq: —Ye' laawuq'. A'an kixye' li ruq' ut kik'iraak.

Jeremías 17:4

Tento taakanab' li ch'och' ink'ehom aawe cho'q aaweechanihom, ut tatink'e chi xmuniheb' li xik' neke'ilok aawe sa' jun tenamit ink'a' nakanaw ru, xb'aan naq xachiq' injosq'il jo' jun li xam lochlo chi junelik”.

Isaías 5:25

Jo'kan naq xchalk xjosq'il li Qaawa' sa' xb'een li xtenamit ut xk'eheb' chi xtojb'al li xmaakeb'. Xe'eek'anje'k li tzuul sa' li xna'ajeb' ut t'ant'ookeb' sa' b'e xe'kanaak eb' li kamenaq jo'keb' li mul. Ab'anan li Qaawa' toj maji' naraqe'k li xjosq'il, ut toj yo ajwi' chi rahob'tesink.

Salmos 139:21

At inYos, ma ink'a' tab'i' xik' te'wil eb' li xik' neke'ilok aawe? Ma ink'a' tab'i' tintz'eqtaanaheb' li neke'xq'etq'eti rib' chawu?

Salmos 106:25

Naq wankeb' chaq sa' xmuheb'aaleb', ke'xwech'i rix li Nimajwal Yos, ut ink'a' ke'raj rab'inkil xyaab' xkux li Qaawa'.

Salmos 78:59

Naq li Yos kirab'i a'an, k'ajo' naq kijosq'o'k, ut kixtz'eqtaana laj Israel chi junajwa;

Deuteronomio 32:22

Xb'aan naq yo xxamlel injosq'il ut cham taaxik xtiqwal, toj sa' xchamal li xb'alb'a! Taa'oso'q li ch'och' jo'wi' li awimq wank chiru, ut taak'atq li xtoonaleb' li tzuul.

Números 21:5

ut ke'ok chi xwech'b'al rix li Qaawa' ut laj Moisés; ke'xye: “K'a'ut naq koohaawisi chaq Ejiipt yal re tookamq sa' li chaqich'och'? Arin maak'a' qawa quk'a' ut xootitz'k rik'in li tzekemq a'in maak'a' xsahil”, chankeb'.

Números 16:27

Eb' a'an ke'elk chi xk'atq li xmuheb'aaleb' laj Koré, laj Datán ut laj Abirón. Laj Datán ut laj Abirón ke'elk chaq sa' li xmuheb'aaleb' ut wankeb' chik chiru li okeb'aal rochb'eeneb' li rixaqil ut eb' li xkok'al.

Números 12:3

Laj Moisés a'an jun li winq tuulan, q'axal tuulan chik chiruheb' chixjunil li wankeb' sa' ruuchich'och'.

Números 11:1

Sa' jun kutan eb' laj Israel ke'ok chi xwech'inkil rix li Qaawa' xb'aan li ch'a'ajkilal wankeb' wi'. Naq kirab'i a'an li Qaawa', k'ajo' naq kichalk xjosq'il ut kixk'at li junqre li na'ajej wankeb' wi'.

Números 11:9

Naq nakub'e chaq li xchu'ke sa' xb'eeneb' li xmuheb'aaleb' laj Israel chiru q'oqyink, nat'ane'k ajwi' li maná.

Números 11:11

ut kixye re li Qaawa': “K'a'ut naq ra nakab'aanu we laa'in aj k'anjel chawu? K'aru linmaak chawu naq xateneb' sa' inb'een rilb'aleb' chixjunil li tenamit a'in?

Números 12:9

K'ajo' xjosq'il li Qaawa' sa' xb'eeneb', naq ki'elk rik'ineb'.