Números 11:1 - Q'eqchi Bible

¹ Sa' jun kutan eb' laj Israel ke'ok chi xwech'inkil rix li Qaawa' xb'aan li ch'a'ajkilal wankeb' wi'. Naq kirab'i a'an li Qaawa', k'ajo' naq kichalk xjosq'il ut kixk'at li junqre li na'ajej wankeb' wi'.

Li Santil hu

¹ Saꞌ jun li cutan eb laj Israel queꞌoc chixcuechꞌinquil rix li Ka̱cuaꞌ xban li chꞌaꞌajquilal li cuanqueb cuiꞌ. Li Ka̱cuaꞌ quirabi li cꞌaꞌru yo̱queb chixyebal. Cꞌajoꞌ nak quijoskꞌoꞌ saꞌ xbe̱neb. Quixtakla chak li xam ut eb li muheba̱leb li cuanqueb toj chire queꞌcꞌat.

Números 11:1 ပူးပေါင်းရင်းမြစ်များ

Números 21:5

ut ke'ok chi xwech'b'al rix li Qaawa' ut laj Moisés; ke'xye: “K'a'ut naq koohaawisi chaq Ejiipt yal re tookamq sa' li chaqich'och'? Arin maak'a' qawa quk'a' ut xootitz'k rik'in li tzekemq a'in maak'a' xsahil”, chankeb'.

2 Reyes 1:12

Ab'an laj Elías kixye: “Wi relik chi yaal naq laa'in xtaql li Yos, chichalq chaq xam sa' choxa re tatxk'at laa'at ut eb' li lajeeb' roxk'aal chi winq”. Tikto kikub'e chaq xam sa' choxa ut kolxkamsiheb' li xjolomileb' laj puub' ut chixjunileb' li lajeeb' roxk'aaleb' chi winq.

Números 16:35

Toja' naq jun li xam nachalk rik'in li Qaawa' kixsach ruheb' li lajeeb' roxlajuk'aal (250) chi winq li ke'yeechi'ink pom.

Deuteronomio 9:22

“Aran Taberá, Masá ut Kibrot-Atabá, laa'ex kechiq' xjosq'il li Qaawa'.

Levítico 10:2

Toja' naq ki'elk li xam wan wi' li Qaawa' ut ke'k'ate'k. Ut aran ke'kamk chiru li Qaawa'.

Éxodo 16:9

Chirix a'an laj Moisés kixye re laj Aharón: “Jo'ka'in taaye re chixjunil li xkomonileb' laj Israel: «Jilonqex chi xk'atq li Qaawa' xb'aan naq xrab'i li xwech'inkil rix eeb'aan»”.

San Judas 1:16

Eb' a'in aj wech'oneleb', maak'a' nawulak chiruheb'; wankeb' jo' naraj li tz'ejwalej. Neke'aatinak re xnimob'resinkil rib'eb' ut neke'q'unb'esink yal re xk'ulb'al li k'aru neke'raj.

1 Corintios 10:10

Chi moko choowech'oq, jo' wan ke'b'aanunk sa' xyanqeb' a'an, ut ke'sache'k xb'aan laj Sachonel.

Isaías 30:33

Xb'aan naq li na'ajej Tófet ak kawresinb'il chaq najter cho'q re Asiria jo'wi' cho'q re li x'awab'ej. Li na'ajej a'an q'axal nim ru ut jwal cham, k'ajo' li xsi'ul. Naq taamusiq'aq li Yos, tixloch xxamlel; chanchan roq nima' nujenaq chi asuupr naq taachalq li xjosq'il li Qaawa' sa' xb'een.

Salmos 106:18

Kilochk jun li xam sa' xb'eeneb' li neke'okenk chirixeb', ut li raq'xam kixk'ateb' li ink'a' useb' xna'leb'.

Salmos 78:21

K'ajo' naq kijosq'o'k li Qaawa' naq kirab'i a'an, chanchan jun xam kilochk sa' xb'een laj Jakob; kimoqk chaq xjosq'il li Yos sa' xb'een laj Israel,

Li xHu LAJ JOB 1:16

Toj yo ajwi' chi aatinak li winq a'an, naq kiwulak jun chik ut kixye re laj Job: —Xxerok li kaaq ut xkamsiheb' li karneer ut eb' laj ilol reheb'. Ka'ajin wi' xinruuk chaq chi elelik re xyeeb'al resil aawe.

2 Samuel 11:27

Ab'anan naq kinume'k xq'ehil li rahil ch'oolej, laj David kixtaqla xk'amb'al ut kixk'ul sa' rochoch; kisumlaak ut kiwank ralal rik'in. Ab'anan li k'aru kixb'aanu laj David ink'a' kiwulak chiru li Qaawa'.

Deuteronomio 32:22

Xb'aan naq yo xxamlel injosq'il ut cham taaxik xtiqwal, toj sa' xchamal li xb'alb'a! Taa'oso'q li ch'och' jo'wi' li awimq wank chiru, ut taak'atq li xtoonaleb' li tzuul.

Éxodo 16:7

ut wulaj eq'la teeril li xnimal xloq'al li Qaawa'. Xb'aan naq ak xrab'i li xwech'b'al rix eeb'aan. Ab'an aniho laa'o naq yookex chi qawech'inkil?”, chankeb'.

Isaías 33:14

Xsachk xch'ooleb' laj maak li wankeb' Sión, k'ajo' naq kichalk xxiweb' li ink'a' useb' xna'leb': “Ani qe tixkuy wank sa' li xam nasachok? Ani taaruuq chi wank sa' li xam li ink'a' nachupk?”, chankeb'.

Números 10:33

Jo'kan naq ke'elk sa' li xtzuul li Qaawa', ut oxib' kutan ke'b'eek. Li xLoq'laj Kaaxil li Sumwank k'amol b'e chiruheb', chiru li oxib' kutan, yo xsik'b'al b'ar naru te'hilanq.

Génesis 38:10

Ink'a' kiwulak chiru li Qaawa' li kixb'aanu laj Onán ut kixk'e ajwi' chi kamk a'an.

Santiago 5:4

K'ehomaq reetal: li xtojb'aleb' laj k'anjel li kerelq'a chiruheb' naq ke'q'olok eerik'in, a'an yo chi q'oqonk; ut li xyaab' xkuxeb' laj q'olonel xwulak toj rik'in li xQaawa' eb' li k'iila o'q'ob' chi ánjel.

Hebreos 12:29

xb'aan naq li qaYos a'an jo' jun li xam k'ajo' nasachok.

Nahum 1:5

Eb' li tzuul neke'eek'ank sa' xna'aj chiru A'an, ut eb' li b'ool neke'xsiksiki rib'eb'. Chixjunil li ruuchich'och' nahetlok chi rilb'al, ut neke'xiwak jo'k'ihaleb' li wankeb' chisa'.

Lamentaciones 3:39

Ut wi laa'o tz'aqal aj maak, k'a'ut naq naraho'k qach'ool xb'aan li rahilal naqak'ul?

Deuteronomio 25:18

Chijultiko'q aawe chanru naq kichalk chak'ulb'al sa' b'e. Laa'at tawajenaqat chaq ut maak'a' chik aametz'ew, ut a'an kixyoolesiheb' chixjunileb' li lub'luukeb' li yookeb' chaq chi taaqink aawe: ink'a' kixiwak chiru li Yos!

Números 11:18

Taaye ajwi' reheb' li tenamit: Santob'resiiq eerib' xb'aan naq wulaj textzekanq tib'. Xexwab'i chi q'oqonk rik'in xyeeb'al: «Ani taak'ehoq tib' chiqatzeka? Q'axal sa chik naq xoowank aran Ejiipt». Jo'kan naq li Qaawa' tixk'e eetib' re teetzeka.

Números 14:2

Chixjunileb' laj Israel ke'xwech' rix laj Moisés ut laj Aharón, ut ke'xye reheb': “Q'axal us raj xookamk chaq Ejiipt! K'a'ut naq ink'a' xookamk sa' li chaqich'och'?

Números 14:22

tinye aawe naq maajun reheb' li xe'ilok linloq'al ut eb' li xninqal eetalil kinb'aanu aran Ejiipt ut sa' li chaqich'och', a'eb' li xe'yalok wix chiru lajeeb' wa ut ink'a' xe'raj rab'inkil xyaab' linkux,

Números 14:27

—Jo' najtil chik tinkuy rab'inkil xwech'b'al wix xb'aan li komonil a'in ink'a' useb' xna'leb'? Laa'in xwab'i naq eb' laj Israel neke'xwech' wix.

Números 14:28

Ye b'i' reheb': «Sa' xk'ab'a' xloq'al linyu'am, tinb'aanu eere jo' chanru xwab'i naq xeye laa'ex, chan li Qaawa'.

Números 16:11

Jo'kan naq a' li Qaawa' nekewech' rix laa'at ut eb' laakomon. Ani laj Aharón naq yooqex chi aatinak chirix?”.

Números 17:5

Li winq taatuxmeq li xxuq', a'an li sik'b'il ru inb'aan. Chi jo'kan eb' laj Israel te'xkanab' eewech'b'al”, chan li Qaawa'.

Salmos 78:63

Li xam kichoyok reheb' li saaj al ut ink'a' chik kiwank sahil ch'oolejil chirixeb' li tuq'ixq.

Isaías 10:17

Li Yos, li xsaqenk laj Israel, taachalq jo' li xam ut li Qaawa', li q'axal Sant, taasutq'iiq cho'q raq'xam; yal chiru jun kutan tolxsacheb' li k'ix ut li pim sa' li tenamit.

Habacuc 3:5

K'amol b'e li raxkamk chiru li Qaawa' ut chirix A'an yo chi xik li kaqitiq.

Números 12:2

Ut ke'xye: “Li Qaawa' moko ka'aj ta wi' rik'in laj Moisés na'aatinak, na'aatinak aj b'an wi' qik'in laa'o”, chankeb'. Ut li Qaawa' kirab'i a'in.